AFP កាលពីថ្ងៃទី១៩ មករា ២០១៦ ផ្សាយថា លោកពីទ័រ គ្លេកល័រ អ្នកស្រាវជ្រាវពីមន្ទីរពិសោធន៍ «Lawrence Liver more» ក្នុងរដ្ឋកាលីហ្វ៊័រនីញ៉ា សហរដ្ឋអាមេរិក បានបង្ហាញលទ្ធផលស្រាវជ្រាវក្នុងឯកសារវិទ្យាសាស្ត្រកាលពីថ្ងៃទី១៨ មករា ថា តាមការសង្កេតអាចវាយតម្លៃថា កម្តៅនៅទូទាំងពិភពលោកដែលមហាសមុទ្រស្រូបយកតាំងពីឆ្នាំ១៨៦៥មក ឬប្រហែលពាក់កណ្តាលនៃកម្តៅបានកើតឡើងក្នុងរយៈពេល ខ្លីៗ អំឡុងពីឆ្នាំ១៩៩៧ ដល់ពេលបច្ចុប្បន្ន ។
បរិមាណកម្តៅប្រហែល១ភាគ៣ ស្ថិតក្នុងជម្រៅទឹកប្រហែល៧០០ម៉ែត្រ ជារយៈចម្ងាយដែលពន្លឺថ្ងៃចាំងទៅដល់ ។ ផ្ទៃក្រឡានៅលើផែនដីប្រហែល២ភាគ៣ ត្រូវមហាសមុទ្រជួយស្រូបយកកម្តៅប្រហែល៩០% ដែលកើតឡើងពីឧស្ម័នឧស្សាហកម្មដោយសារអំពើរបស់មនុស្សធ្វើឱ្យតំបន់មួួយចំនួននៅលើផែនដីត្រជាក់ ប៉ុន្តែអាចមានផលប៉ះពាល់តាមពីក្រោយព្រោះកម្តៅដែលមហាសមុទ្រស្រូបយកអាចប៉ះពាល់ទឹកសមុទ្រ និងបរិយាកាស ។
ក្រៅពីនេះមហាសមុទ្រស្រូបយកឧស្ម័នកាបូនឌីអុកស៊ីដ បង្កឱ្យកើតមានអាស៊ីដក្នុងសមុទ្រកើនឡើង ប្រហែល១ភាគ៤ចាប់ពីអំឡុងពេលចាប់កកើតឧស្សាហកម្មធ្វើឱ្យខូចផ្កាថ្ម និងវត្ថុមានជីវិត ផ្សេងៗក្នុងសមុទ្រ ។ ទោះបីជាមានសក្តានុពលក្នុងការស្រូបកម្តៅរបស់មហាសមុទ្រគ្មានលក្ខណៈកំណត់ក៏ដោយ ប៉ុន្តែវាមិនមែនវិធីសាស្ត្រមួយក្នុងការដោះស្រាយបញ្ហាបម្រែបម្រួលអាកាសធាតុទេ និងអាចធ្វើឱ្យមានសភាពកាន់តែធ្ងន់ឡើងនឹកស្មានមិនដល់ ៕
ចែករំលែកព័តមាននេះ