រាជធានីភ្នំពេញ ៖ សេចក្តីរាយការណ៍ឱ្យដឹងថា ក្រុមអាជីវករមកពីផ្សារទំនប់ជាង៥០នាក់ បាននាំគ្នាជិះម៉ូតូកង់៣ចំនួនជាង១០គ្រឿង មកកាន់ក្រសួងមហាផ្ទៃ នារសៀលថ្ងៃទី១៩ មករា ២០១៦ ដើម្បីសុំឱ្យសម្តេចក្រឡាហោម ស ខេង ឧបនាយករដ្ឋមន្ត្រី និង
រាជធានីភ្នំពេញ ៖ សេចក្តីរាយការណ៍ឱ្យដឹងថា ក្រុមអាជីវករមកពីផ្សារទំនប់ជាង៥០នាក់ បាននាំគ្នាជិះម៉ូតូកង់៣ចំនួនជាង១០គ្រឿង មកកាន់ក្រសួងមហាផ្ទៃ នារសៀលថ្ងៃទី១៩ មករា ២០១៦ ដើម្បីសុំឱ្យសម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ ជួយដោះស្រាយជូនពួកគាត់ ខណៈដែលតំណាងរបស់ពួកគាត់២នាក់ ត្រូវបានខាងភាគីក្រុមហ៊ុនញូវរិច
(ផ្សារ) ចាប់ខ្លួន កាលពីវេលាម៉ោង១២ និង៥០នាទីថ្ងៃដដែលនេះ ។
ប្រភពឱ្យដឹងថា តំណាងអាជីវករ២នាក់ដែលត្រូវក្រុមហ៊ុនខាងលើចាប់ខ្លួននោះ ម្នាក់ឈ្មោះគឹម ប៊ុនអាន និងម្នាក់ទៀតឈ្មោះសេង សុខលី បន្ទាប់ពីពួកគេមានទំនាស់ជាមួយក្រុមហ៊ុន ដែលចង់ដំឡើងថ្លៃតូបសម្រាប់កុងត្រាថ្មីនេះ ។ ដូច្នេះ ទើបពួកគាត់លើកគ្នាមកសុំឱ្យសម្តេចជួយអន្តរាគមន៍ ខណៈដែលពួកគាត់មិនដឹងថា ខាងក្រុមហ៊ុននោះចាប់តំណាងពួកគាត់ មិនដឹងទុកនៅទីណាទេ ។ ទោះបីជាបែបណា រហូតមកដល់វេលាម៉ោង០២ និង៥៧នាទីរសៀលនេះ គេមិនទាន់ឃើញមានដំណោះស្រាយនៅឡើយ ។
ចែករំលែកព័តមាននេះ