ការដាក់ឲ្យដំណើរការនូវសេវាកម្មអីុនធើរណែតដោយសេរី ឬ Unlimited Internet នៅលើទូរស័ព្ទដៃក្នុងតម្លៃថោកសមរម្យនឹងបំបាត់ភាពស្ទាក់ស្ទើរនៃការប្រើប្រាស់អីុនធើរណែត 3G ឬ 4G ដោយមិនបាច់បារម្ភចំពោះការអស់ទឹកប្រាក់ឡើយ។
ការដាក់ឲ្យដំណើរការនូវសេវាកម្មអីុនធើរណែតដោយសេរី ឬ Unlimited Internet នៅលើទូរស័ព្ទដៃក្នុងតម្លៃថោកសមរម្យនឹងបំបាត់ភាពស្ទាក់ស្ទើរនៃការប្រើប្រាស់អីុនធើរណែត 3G ឬ 4G ដោយមិនបាច់បារម្ភចំពោះការអស់ទឹកប្រាក់ឡើយ។
យោងតាមស្ថិតិក្រុមហ៊ុនផ្ដល់ប្រឹក្សាដែលមានមូលដ្ឋាននៅប្រទេសសិង្ហបុរីបានបង្ហាញថា ការប្រើប្រាស់អីុនធើរណែតក្នុងប្រទេសកម្ពុជា បានកើនឡើងប្រមាណជា៤១៤ភាគរយតាំងពីខែមករា ឆ្នាំ២០១៤ ប៉ុន្ដែអ្នកប្រើប្រាស់អីុនធើរណែតស៊ីជម្រៅនៅមានចំនួនត្រឹមត្រូវ២៥ភាគរយប៉ុណ្ណោះ។
ស្ថិតិបានបញ្ជាក់ច្បាស់ថា ទោះបីជាពលរដ្ឋកម្ពុជាមានលទ្ធផលចំណាយប្រាក់ប្រើប្រព័ន្ធអីុនធើរណែតលើទូរស័ព្ទរបស់ខ្លួនក្នុងចំនួនដ៏ច្រើនសន្ធឹកសន្ធាប់យ៉ាងណាក៏ដោយ ក៏ពួកគេពិបាកទប់នឹងការចំណាយខ្ពស់នោះឡើយ។ មានន័យថា អ្នកប្រើប្រាស់ភាគច្រើននៅតែលឹបលៗក្នុងការឡុកចូលគណនីទូរស័ព្ទរយៈពេលខ្លី និងមិនពេញ ជាពិសេស សម្រាប់ការសិក្សាស្រាវជ្រាវឯកសាររបស់សិស្សានុសិស្ស។
ស្ថិតក្រោមគម្រោងប្រូម៉ូសិន «Go to School Together» សេវាកម្មអីុនធើរណែតដោយសេរីរបស់បណ្ដាញទូរស័ព្ទមិត្ដហ្វូនជាកម្លាំងចលករមួយក្នុងការជំរុញសន្ទុះអ្នកប្រើប្រាស់អីុនធើរណែតយ៉ាងទូលំទូលាយ បើធៀបនឹងបណ្ដាប្រទេសជឿនលឿនដទៃ។ លទ្ធភាពចូលទៅកាន់ប្រព័ន្ធអីុនធើរណែតនៅគ្រប់ទីកន្លែង និងគ្រប់ពេលវេលាពិតជាផ្ដល់សារសំខាន់ជាច្រើនដល់អ្នកប្រើប្រាស់។
របាយការណ៍របស់មិត្ដហ្វូន បានបង្ហាញថា «សូមរីករាយជាមួយនឹងអត្រាតម្លៃអីុនធើរណែតដ៏ទាបបំផុតជាមួយកញ្ចប់ អីុនធើរណែតដោយសេរី។ ត្រឹមតែ៣ដុល្លារ លោកអ្នកអាចលេងអីុនធើរណែតដោយសេរីពេញ១ខែ ដោយគ្រាន់តែចុច *133*4# លោកអ្នកអាចប្រើកម្មវិធីដែលតភ្ជាប់ជាមួយនឹងអីុនធើរណែត ភ្ជាប់ទំនាក់ទំនងដោយសប្បាយជាមួយមិត្តភក្តិរបស់លោកអ្នកនៅលើ Viber, Whatsapp, Line,…។ លោកអ្នកនឹងទទួលបានការលេងសារដោយសេរី តេដោយសេរី លេងអីុនធើរណែតដោយសេរី និងសេរីគ្រប់យ៉ាង។ តើមានអ្វីដែលល្អប្រសើរជាងនេះទៀតនោះ?»។
ជាមួយនឹងជម្រើសកញ្ចប់សេវាកម្មអីុនធើរណែតដ៏សម្បូរបែបសម្រាប់ផ្គាប់ចិត្ដអតិថិជនប្រើប្រាស់បណ្ដាញទូរស័ព្ទមិត្ដហ្វូនប្រចាំថ្ងៃ ប្រចាំសប្ដាហ៍ និងប្រចាំខែ ព្រមទាំងទិញទិន្នន័យបន្ថែមរហូតដល់ ៦០០ MB ពួកគេមិនបារម្ភពីការឆាប់អស់ទឹកប្រាក់ក្នុងគណនីឡើយ។
គេហទំព័រមិត្ដហ្វូន បានបង្ហាញតារាងសេវាកម្មអីុនធើរណែតឥតដែនកំណត់ថា អតិថិជនអាចជ្រើសតម្លៃ២០សេនសម្រាប់ប្រើប្រាស់ប្រចាំថ្ងៃ តម្លៃ១,៥ដុល្លារសម្រាប់ប្រើប្រាស់ប្រចាំសប្ដាហ៍ ឬកញ្ចប់៣ដុល្លារ និង៥ដុល្លារសម្រាប់ប្រើប្រាស់ប្រចាំខែ។ សម្រាប់អ្នកចង់រហ័សទាន់ចិត្ដ គួរតែជ្រើសរើសយកកញ្ចប់អីុនធើរណែតល្បឿនលឿនជាមួយទិន្នន័យរហូតដល់ ៦០០MB ក្នុងតម្លៃត្រឹមតែ១ដុល្លារប៉ុណ្ណោះ៕
ចែករំលែកព័តមាននេះ