រាជធានីភ្នំពេញ ៖ សមត្ថកិច្ចកងរាជអាវុធហត្ថខណ្ឌដូនពេញ ឃាត់ខ្លួនជនសង្ស័យ២នាក់ពាក់ព័ន្ធករណីប្រើប្រាស់អាវុធខុសច្បាប់ កាលពីវេលាម៉ោង១១និង២០នាទីថ្ងៃទី៤ មករា ២០១៦
រាជធានីភ្នំពេញ ៖ សមត្ថកិច្ចកងរាជអាវុធហត្ថខណ្ឌដូនពេញ ឃាត់ខ្លួនជនសង្ស័យ២នាក់ពាក់ព័ន្ធករណីប្រើប្រាស់អាវុធខុសច្បាប់ កាលពីវេលាម៉ោង១១និង២០នាទីថ្ងៃទី៤ មករា ២០១៦ នៅចំណុចខ្លោងទ្វារចូលបារចតុមុខ សង្កាត់ស្រះចក ខណ្ឌដូនពេញ ។
ជនសង្ស័យទាំង២នាក់ខាងលើនេះ ម្នាក់ ឈ្មោះ ឃុត សុភត្រា ភេទប្រុស អាយុ៤០ឆ្នាំ ស្នាក់នៅផ្ទះលេខ១៥៨D ភូមិតំណាក់ត្រយឹង បុរីសន្តិភាព២ សង្កាត់ចោមចៅ ខណ្ឌពោធិ៍សែនជ័យ និងម្នាក់ទៀត ឈ្មោះ បូក ចណ្ឌី ភេទស្រី អាយុ៣០ឆ្នាំ ស្នាក់នៅផ្ទះលេខ១៧ ជាន់ទី៦ ប្លុកបុរីកីឡា ខណ្ឌ៧មករា ។ ចំណែក វត្ថុតាងមាន អាវុធខ្លី១ដើម គ្មានម៉ាក គ្មានលេខ និងគ្រាប់រ៉ូឡូ៥គ្រាប់ ម៉ូតូ១គ្រឿង ធុនសេ125 ពណ៌ខ្មៅ ពាក់ស្លាកលេខក្រចេះ 1A-6079 ទូរស័ព្ទ២គ្រឿង ខ្សែ.កធ្វើពីលោហធាតុ ពណ៌ទង់ដែង១ ខ្សែដៃធ្វើពីលោហធាតុ ពណ៌ទង់ដែង១ ចិញ្ចៀនធ្វើពីលោហធាតុ ពណ៌ទង់ដែង១វង់ ។
ក្រោយការឃាត់ខ្លួន ជនសង្ស័យបានឆ្លើយសារភាពថា កាំភ្លើង គឺរូបគេទិញពីថៃមកក្នុងតម្លៃ៣.០០០បាត ដើម្បីទុកគ្រាន់ការពារខ្លួន ៕
ចែករំលែកព័តមាននេះ