តារាស្រីដែលធ្លាប់ឃើញសាងស្នាដៃសិល្បៈជាច្រើនឆ្នាំ ហើយធ្វើអោយទស្សនិកជនទទួលស្គាល់ឃើញថា នៅតែបន្តលើអាជីពសិល្បៈ ដែលមានគេស្គាល់។ យ៉ាងណាដូចពាក្យចាស់លើកឡើងថា
រាជធានីភ្នំពេញ ៖ តារាស្រីដែលធ្លាប់ឃើញសាងស្នាដៃសិល្បៈជាច្រើនឆ្នាំ ហើយធ្វើអោយទស្សនិកជនទទួលស្គាល់ឃើញថា នៅតែបន្តលើអាជីពសិល្បៈ ដែលមានគេស្គាល់។ យ៉ាងណាដូចពាក្យចាស់លើកឡើងថា រលកក្រោយច្រានរលកមុខ។ អ្នកទាំងអស់នោះមើលទៅលើអាជីពសម្តែងដូចជា ប្រែប្រួល ហើយពិបាកប្រជែងដូចពីមុន ខណៈផលិតករបញ្ជាក់ថា ពួកគេនៅតែអាចបន្តការសម្តែងបាន។
តារាសម្តែងឆ្នើមៗដ៏ស្រស់ស្អាត ទាំងនោះដែលធ្លាប់សាបព្រោះលើវិថីសម្តែង មាន ៖ លី ម៉ារីណា, ឌុច សុភា, ពៅ លីដា, សឿ សុធារ៉ា និងទឹម រដ្ឋា ជាដើម។ បើរំលឹកទៅអតីតកាលពួកគេទាំងនេះ ធ្លាប់បាន កសាងភាពលេចធ្លោច្រើនស្នាដៃក្នុងវិស័យសម្តែង។ ម្នាក់ៗពោរពេញដោយទេពកោសល្យឆ្នើមៗទាញយកប្រជាប្រិយភាពបានយ៉ាងល្អ រហូតល្បីឈ្មោះ។
ប៉ុន្តែមួយរយៈកាលនេះ ភាពវិវត្តន៍នៃភាពយន្តខ្មែរបានប្រែប្រួល ឯពន្លកតារាលេចធ្លោ រលកក្រោយបានរីកដុះដាល។ បើទោះជាតារាស្រីជើងយូរទាំងនោះនៅតែបន្តអុកឡុកសិល្បៈ ខ្លះជាតួបងស្រី តួម្តាយទៅហើយ ក៏គេនៅតែយល់ថា ទប់ឈ្នះបានទេ អំពីការរក្សាប្រជាប្រិយភាពតទៅទៀត។
ទោះជាមានតារាជើងថ្មីរត់មកតោងប្រជាប្រិយភាពច្រើនគ្នាយ៉ាងណាក៏បណ្តាផលិតករឆ្នើមៗ ឬអ្នកដឹកនាំរឿងល្បីៗនៅតែទំនាក់ទំនងពាំនាំយកតារាស្រីទាំងនោះមកថតសម្តែង ខណៈតួអង្គនីមួយៗ យល់ព្រមតាមលក្ខខណ្ឌសម្តែង។ ខ្លះក្លាយជាតួម្តាយដ៏លេចធ្លោ មានសាច់រឿងមើល មានឈុតឆាកសម្តែង ច្រើនសម្រាប់តាមដាន។ តួយ៉ាងអ្នកនាង លី ម៉ារីណា ឌុច សុភា សឿ សុធារ៉ា និងទឹមរដ្ឋា នៅតែចេញមុខសម្តែង រឿងភាគ ដែលមហាជនលើកឡើងថា ខ្លាំងមិនធម្មតាចំពោះល្បិចដាក់ អារម្មណ៍សម្តែង។
ចែករំលែកព័តមាននេះ