ក្នុងការឆ្លើយតបទៅនឹងការធ្លាក់ចុះនៃចំនួនសត្វតោក្នុងព្រៃ មន្ត្រីសត្វព្រៃ និងត្រីអាមេរិក បានចុះបញ្ជីសត្វតោពីរប្រភេទជាពូជដែលជិតផុតពូជ និងត្រូវបានគំរាមកំហែងផងដែរ ។ ដោយសារតែគ្មានសកម្មភាពការពារពួកវា
ក្នុងការឆ្លើយតបទៅនឹងការធ្លាក់ចុះនៃចំនួនសត្វតោក្នុងព្រៃ មន្ត្រីសត្វព្រៃ និងត្រីអាមេរិក បានចុះបញ្ជីសត្វតោពីរប្រភេទជាពូជដែលជិតផុតពូជ និងត្រូវបានគំរាមកំហែងផងដែរ ។ ដោយសារតែគ្មានសកម្មភាពការពារពួកវា តោអាហ្វ្រិកអាចនឹងកាត់បន្ថយនៅឆ្នាំ២០៣៥ ។
កាលពីពេល ថ្មីៗកន្លងមក មន្ត្រីសត្វព្រៃ និងត្រីអាមេរិកហៅកាត់ថា USFWS បានប្រកាសថា នឹងបញ្ចូលតោពីរប្រភេទទៀតស្ថិតក្រោមជំពូកសត្វជិតផុតពូជ ESA ។ តោទាំងពីរប្រភេទនោះគឺតោ Panthera leo leo រស់នៅប្រទេសឥណ្ឌា, អាហ្វ្រិកខាងលិច និងកណ្តាលនឹងត្រូវចុះបញ្ជីជាប្រភេទសត្វជិតផុតពូជ ។ ខណៈពេលសត្វតោ Panthera leo melanochaita ត្រូវបានប្រទះឃើញនៅអាហ្វ្រិកភាគខាងកើត និងភាគខាងត្បូងត្រូវបានចុះបញ្ជីជាប្រភេទសត្វរងការគំរាមកំហែង ។
ក្នុងរយៈពេល២០ឆ្នាំចុងក្រោយនេះ ចំនួនសត្វតោបានធ្លាក់ចុះមក៤៣ភាគរយ ដោយសារតែកត្តាបាត់បង់ជម្រកធម្មជាតិ ការបរបាញ់របស់ព្រានព្រៃ និងការបាញ់សម្លាប់យកស្បែក ព្រមទាំងប្រើប្រាស់ជាឱសថបុរាណចិន ។ ការសម្លាប់សត្វតោកាលពីខែកក្កដា ឆ្នាំ២០១៥ បានឈានដល់ការគូសបញ្ជាក់ជាខ្លាំងក្នុងបញ្ហាសត្វព្រៃនេះ ។ ជាមួយគ្នានេះដែរ បញ្ហាហិរញ្ញវត្ថុមិនគ្រប់គ្រាន់ ផ្ទួនៗគ្នា និងប្រភពផ្សេងទៀតសម្រាប់ប្រទេសដើម្បីគ្រប់គ្រប់តំបន់ការពារឱ្យមានប្រសិទ្ធភាព ។ ផលប៉ះពាល់ដល់សត្វតោក្នុងព្រៃបានក្លាយជារឿងរ៉ាវបានអូសបន្លាយពេល ។
តោមួយប្រភេទដែលមានវត្តមាននៅអឺរ៉ុបភាគខាងត្បូងឆៀងខាងកើត និងនៅទូទាំងឥណ្ឌា ព្រមទាំងមជ្ឈិមប្រទេសភាគច្រើនសត្វព្រៃបច្ចុប្បន្នបាត់បង់៨៥ភាគរយ ។ តួលេខនេះអាចនឹងបាត់បង់ពាក់កណ្តាលម្តងទៀតនៅឆ្នាំ២០៣៥ ដោយយោងតាមព្រឹត្តិបត្រព័ត៌មាន PNAS ចុះផ្សាយថា «ចំនួនសត្វតោគឺមានទាំង បាត់បង់ទៅៗ ឬក៏ត្រូវគេរំពឹងថា ផុតពូជក្នុងរយៈពេលពីរបីទសវត្សរ៍ទៀត ។ »
ក្នុងឆ្នាំ២០១១ USFWS បានទទួលញ្ញត្តិដើម្បីចុះបញ្ជីសត្វតោ Panthera leo leo ជាពូជសត្វជិតផុតពូជស្ថិតក្រោមការត្រួតពិនិត្យរបស់ ESA ។ ក្នុងឆ្នាំ២០១៤ ទីភ្នាក់ងារបានចេញផ្សាយការរកឃើញចំនួន១២ខែ និងបានយល់ព្រមចុះបញ្ជីប្រភេទសត្វតោនោះជាមួយនឹងច្បាប់ពិសេសក្រោមជំពូកទី៤ ចំណុច d របស់ ESA ។ វិទ្យាសាស្ត្រថ្មីបានដោះស្រាយថា ពូជសត្វតោអាហ្វ្រិកទាំងនៅតំបន់ភាគខាងលិច និងកណ្តាលមានលក្ខណៈស្រដៀងទៅនឹងសត្វតោអាស៊ីដែរ ។ ពូជសត្វតោទាំងនេះត្រូវបានគេចាត់ទុកថា មានពូជស្រដៀងទៅនឹងសត្វតោ Panthera leo leo ដែលមានប្រហែលជា ១.៤០០ក្បាលទេនៅសេសសល់ ។ ក្នុងនៅ ៩០០ក្បាលនៅអាហ្វ្រិក និង៥២៣ក្បាលនៅឥណ្ឌា ៕
ចែករំលែកព័តមាននេះ