អតីតតារា K-Pop ដ៏ល្បី១ដួង ត្រូវឃាត់ខ្លួនពាក់ព័ន្ធរឿងអាស្រូ.វផ្លូវភេ.ទ
ចិន ៖ តារាចម្រៀងប៉ុបដ៏ល្បីឈ្មោះ កូនកាត់ចិន-កាណាដា Kris Wu ត្រូវបានឃាត់ខ្លួនកាលពីយប់ថ្ងៃទី៣១ ខែកក្កដា ពីបទ
ចិន ៖ តារាចម្រៀងប៉ុបដ៏ល្បីឈ្មោះ កូនកាត់ចិន-កាណាដា Kris Wu ត្រូវបានឃាត់ខ្លួនកាលពីយប់ថ្ងៃទី៣១ ខែកក្កដា ពីបទ
ចិន ៖ តារាចម្រៀងប៉ុបដ៏ល្បីឈ្មោះ កូនកាត់ចិន-កាណាដា Kris Wu ត្រូវបានឃាត់ខ្លួនកាលពីយប់ថ្ងៃទី៣១ ខែកក្កដា ពីបទសង្ស័យរំលោ.ភសេពសន្ថវៈ។ នេះបើតាមការចេញផ្សាយពីសារព័ត៌មាន Global Times។
អាជ្ញាធរទីក្រុងប៉េកាំងបញ្ជាក់ថា ការស៊ើបអង្កេតផ្តោតលើការចោទប្រកាន់តាមប្រព័ន្ធអ៊ីនធឺណិតថា អតីតតារា K-Pop វ័យ៣០ឆ្នាំរូបនេះ បានបោកបញ្ឆោ.តនារីវ័យក្មេងជាច្រើនឱ្យមានទំនាក់ទំនងផ្លូវភេ.ទ។ ការចោទប្រកាន់លើកដំបូងកើតឡើងកាលពីដើមខែកក្កដា នៅពេលនារីម្នាក់អះអាងថា តារាប្រុសរូបនេះបានរំលោ.ភនាង ខណៈពេលនាងស្រវឹង។
អ្នកចោទប្រកាន់ Kris Wu ដំបូងគេខាងលើ គឺជានិស្សិតអាយុ១៩ឆ្នាំ ដោយបានបង្ហោះលើបណ្តាញសង្គមថា នាងបានជួបតារាប្រុសរូបនេះ ពេលមានអាយុ១៧ឆ្នាំ។ ហើយនាងបន្តអះអាងទៀតថា នារី៧នាក់ផ្សេងទៀត ដែលខ្លះជាអនីតិជនបានប្រាប់នាងថា Kris Wu បានល្បួងពួកគេដោយសន្យាផ្តល់ការងារ និងឱកាសជាច្រើនផ្សេងទៀត។
ទន្ទឹមនឹងនោះ យ៉ាងហោចណាស់មានស្ត្រី២៤នាក់ផ្សេងទៀត ក៏ចេញមុខចោទប្រកាន់ពីអាកប្បកិរិយាមិនសមរម្យរបស់តារាប្រុសរូបនេះ មកលើពួកគេផងដែរ។ ប៉ុន្តែទោះយ៉ាងណា តារាចម្រៀង និងសម្តែង Kris Wu បានធ្វើការបដិសេធទាំងស្រុងរាល់ការចោទប្រកាន់មកលើរូបគេ។ បច្ចុប្បន្នមេធាវីរបស់ Kris Wu កំពុងរៀបចំឯកសារប្តឹងទៅកាន់និស្សិតស្រីវ័យ១៩ឆ្នាំខាងលើពីបទបរិហារកេរ្តិ៍។
សូមរំលឹកថា Kris Wu ល្បីឈ្មោះបោះសំលេងលើកដំបូងក្នុងនាមជាសមាជិកក្រុមចម្រៀង K-pop «EXO» នៅឆ្នាំ ២០១២ ។ ប៉ុន្តែលុះដល់ឆ្នាំ ២០១៤ គេបានសម្រេចចាកចេញពីក្រុមមួយនេះ ដើម្បីចាប់ផ្តើមអាជីពជាតារាទោល ដោយជោគជ័យក្នុងនាមជាតារាចម្រៀង, សម្តែង, ម៉ូឌែល និងជាគណៈកម្មការកម្មវិធីប្រកួតប្រជែងទេពកោសល្យផ្សេងៗផងដែរ៕
ចែករំលែកព័តមាននេះ