បុគ្គលិកក្រុមហ៊ុនតបណ្ដាញអគ្គិសនី១រូបជួបគ្រោះអកុសល ពេលកំពុងបំពេញការងារ
- កំពង់ឆ្នាំង
ខេត្តកំពង់ឆ្នាំង ៖ បុគ្គលិកក្រុមហ៊ុនតបណ្ដាញអគ្គិសនីម្នាក់ត្រូវចរន្តអគ្គិសនីឆ.ក់ បណ្តាលឱ្យបាត់បង់ជីវិត ខណៈដែលជនរង
ខេត្តកំពង់ឆ្នាំង ៖ បុគ្គលិកក្រុមហ៊ុនតបណ្ដាញអគ្គិសនីម្នាក់ត្រូវចរន្តអគ្គិសនីឆ.ក់ បណ្តាលឱ្យបាត់បង់ជីវិត ខណៈដែលជនរង
ខេត្តកំពង់ឆ្នាំង ៖ បុគ្គលិកក្រុមហ៊ុនតបណ្ដាញអគ្គិសនីម្នាក់ត្រូវចរន្តអគ្គិសនីឆ.ក់ បណ្តាលឱ្យបាត់បង់ជីវិត ខណៈដែលជនរងគ្រោះបានឡើងលើបង្គោលភ្លើង ដើម្បីតបណ្តាញអគ្គីសនីនៅទីនោះ ទំនងជាខុសបច្ចេកទេស ទើបជួបគ្រោះអកុសលបែបនេះ ។
ហេតុការណ៍ខាងលើនេះបានបង្កឱ្យមានការភ្ញាក់ផ្អើលកើតឡើងកាលពីវេលាម៉ោង៣រសៀលថ្ងៃទី១៥ ខែកក្កដា ឆ្នាំ២០២១ នៅចំណុចរង្វង់មូលទូក ស្ថិតក្នុងភូមិទី៤ សង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង ។
យោងតាមផេកផ្លូវការរបស់ស្នងការរដ្ឋាននគរបាលខេត្តកំពង់ឆ្នាំងបានឲ្យដឹងថា ជនរងគ្រោះឈ្មោះ ប៉ែន សិរី ភេទប្រុស អាយុ២២ឆ្នាំ មុខរបរជាបុគ្គលិកតបណ្តាញអគ្គិសនីរបស់ក្រុមហ៊ុនមួយ មានទីលំនៅក្នុងភូមិអូរោង ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង ។
តាមប្រភពដដែលបានបន្តថា មុនពេលកើតហេតុ ជនរងគ្រោះបានតបណ្ដាញអគ្គិសនីនៅទីតាំងកើតហេតុខាងលើ ដើម្បីដាក់ភ្លើងបំភ្លឺរង្វង់មូលទូក ប៉ុន្តែដោយសារខុសបច្ចេកទេស ក៏ត្រូវចរន្តអគ្គិសនីឆ.ក់ បណ្ដាលឲ្យជនរងគ្រោះធ្លា.ក់មកដី ហើយភ្លាមៗនោះត្រូវបានអ្នកធ្វើការជាមួយគ្នាដឹកយកទៅកាន់មន្ទីរពេទ្យខេត្ត ដើម្បីជួយសង្គ្រោះដែរ ប៉ុន្តែពេលទៅដល់មន្ទីរពេទ្យ ស្រាប់តែក្រុមគ្រូពេទ្យប្រាប់ថា ជនរងគ្រោះបានបាត់បង់ជីវិតបាត់ទៅហើយ។
ក្រោយពេលកើតហេតុ ស.ពជនរងគ្រោះ ត្រូវបានសមត្ថកិច្ចប្រគល់ទៅឱ្យក្រុមគ្រួសារដឹកទៅកាន់លំនៅដ្ឋាន ដើម្បីរៀបចំធ្វើបុណ្យតាមប្រពៃណី ៕
ចែករំលែកព័តមាននេះ