តារាចម្រៀងតូចច្រឡឹង សំឡេងធ្ងន់ ចំរើន សុភ័ក្រ បានមានវត្តមាននៅលើទឹកដីអាមេរិកយ៉ាងមានក្តីសុខ។ នាងបានដើរកម្សាន្តជួបជុំបងប្អូនខ្មែររស់នៅទីនោះយ៉ាងកក់ក្តៅបំផុត។ នេះមិនមែនជាដំណើរលើកទី១នោះទេ ដែល សុភ័ក្រ មានវត្តមាននៅលើទឹកដីដ៏ឡូយឆាយស៊ីវិល័យមួយនេះ
រាជធានីភ្នំពេញ ៖ តារាចម្រៀងតូចច្រឡឹង សំឡេងធ្ងន់ ចំរើន សុភ័ក្រ បានមានវត្តមាននៅលើទឹកដីអាមេរិកយ៉ាងមានក្តីសុខ។ នាងបានដើរកម្សាន្តជួបជុំបងប្អូនខ្មែររស់នៅទីនោះយ៉ាងកក់ក្តៅបំផុត។ នេះមិនមែនជាដំណើរលើកទី១នោះទេ ដែល សុភ័ក្រ មានវត្តមាននៅលើទឹកដីដ៏ឡូយឆាយស៊ីវិល័យមួយនេះ។ នាងបានធ្វើអោយគូដណ្តឹងដែលធ្លាប់តែដើរទៅណាមកណា ជាមួយគ្នាមានការនឹករលឹក បណ្តូលចិត្តជាពន់ពេក ព្រោះភាគច្រើននៅក្បែរកាយគ្នា មិនដែលបែកទៅណា។
កញ្ញា ចំរើន សុភ័ក្រ បានចាកចេញទៅអាមេរិកកាលពីប៉ុន្មានថ្ងៃមុននេះ ធ្វើអោយមិត្តអ្នកគាំទ្រមានការចាប់អារម្មណ៍ ព្រោះស្ងាត់តារាទើបតែឡើងកូដនេះឡើងដល់ទឹកដីជឿនលឿនស៊ីវិល័យ។ មិនដឹងថា ដំណើរទៅកាន់អាមេរិកនេះជាដំណើរកម្សាន្ត ឬមានភារៈកិច្ចសម្តែងនៅទីនោះឡើយ។ ចំរើន សុភ័ក្រ បើនិយាយពីឱកាសបានទៅដល់ដីអាមេរិកកន្លងទៅ បានប៉ុន្មានជើងរួចមកហើយ ដោយមានការស្វាគមន៍ពីបងប្អូនខ្មែររស់នៅទីនោះយ៉ាងខ្លាំង។
ក្នុងបរិយាកាសកូវីដ កំពុងវាយលុកផងនោះ ស្រាប់តែ សុភ័ក្រ ហោះដល់ទឹកដីមហាអំណាយយ៉ាងព្រងើយ។ នេះបញ្ជាក់ថា តារាហង្សមាស៣ដួងហើយ បានដល់ដីអាមេរិកព្រមៗគ្នា ដោយទី១ សុគន្ឋ និសា ចាន់ កែវនិមល និងសុភ័ក្រនេះឯង។
ដំណើរចេញទៅ USA របស់ សុភ័ក្រ ឃើញមានការជូនពរពីក្រុមគ្រួសារនាង មុនចេញពីប្រទេស។ អ្វីដែលគេដឹង គឺគូដណ្តឹងរបស់ ចំរើន សុភ័ក្រ បានឱប មនុស្សជាទីស្រឡាញ់នៅព្រលានយន្តហោះ លាមួយរយៈ ហើយនឹងវិលមកវិញឆាប់ៗ។
ចំរើន សុភ័ក្រ បានបង្អាក់ដំណើររៀបការមួយអន្លើសិន ក្រោយពេលសន្ទុះ សិល្បៈហក់ឡើង និងកាន់តែលេចធ្លោ។ នាងបានក្លាយជាមនុស្សមានអ្នកគ្រប់គ្រងមើលថែច្រើនឆ្នាំមកហើយ គ្រាន់តែមិនទាន់ដល់ថ្ងៃ ចូលរោងសំពះផ្ទឹម។ ការជោគជ័យលើសិល្បៈមកទល់ពេលនេះ ក៏ហែលឆ្លងនូវភាពតស៊ូជាច្រើនដំណាក់កាល មិនមែនជារឿងលេងសើចនោះទេ ជាពិសេសការប្រឡង។
នាងបានឆ្មក់ឱកាសក្លាយជាម្ចាស់ពានមួយ កាលពីពេលកន្លងទៅ ក្រោយខំប្រឡងកម្មវិធី ឌឹវ៉យរដូលកាលទី២ បានដល់ជុំចុងក្រោយ។ ក្រៅពីចេះច្រៀងសម័យ សុភ័ក្រ ក៏ជាសិល្បការិនីផ្នែកបុរាណដ៏ជំនាញ ដោយចេះច្រៀងរាំយីកេ មុនពេលឈោងចាប់យកតួនាទី ជាតារាចម្រៀងបែបសម័យ។ ក្រៅពីនេះ នាងមានបងស្រីម្នាក់ទៀតដែលមានជំនាញដូចនាងដែរ និងជាតារាចម្រៀងគឺ ចំរើន សោភា។
ចែករំលែកព័តមាននេះ