អ្នកនាង ឈួន ស្រីម៉ៅ អំឡុងនៅក្នុងប្រទេស ជាអ្នកចម្រៀងដែលមានការលេចធ្លោមួយដួងម្នាក់ មិនចាញ់គេឯងប៉ុន្មានឡើយ។ អ្នកនាងជាប្អូនរបស់ ឈួន សុវណ្ណឆៃ តារាដែលល្បីល្បាញម្នាក់ដែរ។ មានសំឡេងល្អធ្វើអោយ ឈួន ស្រីម៉ៅ លេចធ្លោលើអាជីព
រាជធានីភ្នំពេញ ៖ អ្នកនាង ឈួន ស្រីម៉ៅ អំឡុងនៅក្នុងប្រទេស ជាអ្នកចម្រៀងដែលមានការលេចធ្លោមួយដួងម្នាក់ មិនចាញ់គេឯងប៉ុន្មានឡើយ។ អ្នកនាងជាប្អូនរបស់ ឈួន សុវណ្ណឆៃ តារាដែលល្បីល្បាញម្នាក់ដែរ។ មានសំឡេងល្អធ្វើអោយ ឈួន ស្រីម៉ៅ លេចធ្លោលើអាជីពសិល្បៈ ដោយចេះចាំបទចម្រៀងបែបពីដើមយ៉ាងជំនាញ រហូតឆក់ឱកាសបានចេញសម្តែងនៅតាមប្រទេសនីមួយៗជាហូរហែ។
ឱកាសចេញទៅក្រៅនេះហើយទើបធ្វើអោយ ស្រីម៉ៅ ជំពប់ស្នេហ៍រហូតដល់គូបានស្វាមីអាណិកជន។ ជាច្រើនឆ្នាំទៅហើយដែលអតីតតារាចម្រៀង ឈួន ស្រីម៉ៅ បានចាកចេញរស់នៅអាមេរិកតាមស្វាមី ចោលសិល្បៈដែលមមាញឹកនៅស្រុកខ្មែរ។ ស្រីម៉ៅ បានរៀបការនៅស្រុកខ្មែរ ហើយប្រញាប់ចេញទៅកសាងអនាគតជាមួយទ្រនំថ្មីជាច្រើនឆ្នាំមកហើយ។
មកទល់ពេលនេះ ឈួន ស្រីម៉ៅ រៀបការអស់ជាច្រើនឆ្នាំមកហើយ យ៉ាងមានសេចក្តីសុខ ប៉ុន្តែនៅមិនទាន់ឃើញមានកូនដូចបំណងឡើយ។ បើទោះជា ឈួន ស្រីម៉ៅ រស់នៅអាមេរិកមែន តែនាងនៅតែប្រកបការច្រៀងរាំបម្រើដល់បងប្អូនខ្មែររស់នៅទីនោះដដែល។ ស្រីម៉ៅ ក៏ចាត់ចូលជាតារាមានសំណាងមួយដួងទៀត ដែលបានស្វាមីសមប្រកបយកចិត្តទុកដាក់ ស្រឡាញ់ថ្នាក់ថ្នម ពេលនៅឆ្ងាយស្រុកកំណើត។ បែបនេះហើយទើបធ្វើអោយ ឈួន ស្រីម៉ៅ ទទួលបាននូវភាពកក់ក្តៅពីស្វាមីបានយ៉ាងល្អនៅទីនោះ ធ្វើអោយសាច់ញាតិនៅស្រុកខ្មែរ កក់ក្តៅ មិនបារម្ភ។
នៅតែមួយប្រការទៀតប៉ុណ្ណោះ ដែល ឈួន ស្រីម៉ៅ បង្កើនសេចក្តីសុខ គឺការពពោះ មានកូន នៅមិនទាន់ឃើញ ស្រីម៉ៅ អាចសម្រេចបំណងឡើយ។ គេមិនដឹងថា មកពីមានមូលហេតុអ្វីនោះទេ? បានជាបែបនេះ។ ប្តីប្រពន្ធមួយគូនេះ នៅតែមានជំនឿថា ឱកាសណាមួយ និងមានកូនសម តាមចិត្តប្រាថ្នាចង់បានជាក់ជាមិនខាន។
ហើយចំពោះមូលហេតុដែល ស្រីម៉ៅ នៅបន្តសិល្បៈដោយសារតែខាងស្វាមីនាងមានក្រុមភ្លេងនៅទីនោះ សម្រាប់ជួលកម្តរ ការកម្សាន្តនានារបស់បងប្អូនខ្មែររស់នៅអាមេរិកតាមរដ្ឋនានា។ ម្ល៉ោះហើយទើបនាងត្រូវតែចូលរួមសម្តែងច្រៀង ដើម្បីបង្កើនបរិយាកាសអោយរីករាយ និងអ៊ូរអរ ខណៈនាងក៏ជាតារាចម្រៀងដែលល្បីឈ្មោះម្នាក់នៅក្នុងស្រុកម្នាក់។
គួរបញ្ជាក់ថា អតីតក្រុមរ៉ៃមាសនេះ ឃើញមានវាសនាទៅក្រៅប្រទេសរួមមាន នាង អ៊ិត ស្រីពីន និង ផាន់ ណាវី ជាដើម។
ចែករំលែកព័តមាននេះ