ទស្សនៈព្រះពុទ្ធសាសនាបានពន្យល់ថា សេចក្តីសុខរបស់អ្នកបួសនិងគ្រហស្ថមានលក្ខណៈខុសគ្នាគឺ សុខរបស់អ្នកបួសដោយការប្រតិបត្តិធម៌រកសេចក្តីស្ងប់ ញុំាងចិត្តឱ្យចាកឆ្ងាយពីកិលេសកាម និងវត្ថុកាមទាំងឡាយ ចំណែកសុខរបស់គ្រហស្ថមាន៥យ៉ាងគឺ៖ ១-សេចក្តីសុខព្រោះមានទ្រព្យសម្បត្តិ មាសប្រាក់បរិបូណ៌ ។ ២-សេចក្តីសុខដែលកើតពីការបានប្រើប្រាស់ទ្រព្យសម្បត្តិដោយក្តីសប្បាយរីករាយចិត្ត…
ទស្សនៈព្រះពុទ្ធសាសនាបានពន្យល់ថា សេចក្តីសុខរបស់អ្នកបួសនិងគ្រហស្ថមានលក្ខណៈខុសគ្នាគឺ សុខរបស់អ្នកបួសដោយការប្រតិបត្តិធម៌រកសេចក្តីស្ងប់ ញុំាងចិត្តឱ្យចាកឆ្ងាយពីកិលេសកាម និងវត្ថុកាមទាំងឡាយ ចំណែកសុខរបស់គ្រហស្ថមាន៥យ៉ាងគឺ៖
១-សេចក្តីសុខព្រោះមានទ្រព្យសម្បត្តិ មាសប្រាក់បរិបូណ៌ ។
២-សេចក្តីសុខដែលកើតពីការបានប្រើប្រាស់ទ្រព្យសម្បត្តិដោយក្តីសប្បាយរីករាយចិត្ត ។
៣-សុខព្រោះគ្មានជាប់បំណុល ដោយការមិនជំពាក់ប្រាក់គេ ។
៤-សុខកើតពីការប្រព្រឹត្តតាមគន្លងធម៌ មានការងារសុចរិតធ្វើជាបង្គោលជាប់លាប់សម្រាប់ធានាដល់ការរស់នៅ ។
៥-សុខកើតអំពីសេចក្តីស្ងប់ មិនមានភាពវឹកវរច្របូកច្របល់ មិនមានភាពក្តៅក្រហាយ គ្មានសង្គ្រាម គ្មានការលំបាក គ្មានសេចក្តីទុក្ខញុំាញី គ្មានជំងឺដង្កាត់ ។
សុខរបស់គ្រហស្ថទាំង៥យ៉ាងនេះជាសេចក្តីសុខដែលមិនអាចខ្វះបាន តែបើខ្វះចំណុចណាមួយក្នុងចំណោមមាតិកាទាំងនេះក៏មិនអាចឈ្មោះថារស់នៅដោយសុខសាន្តពេញបរិបូណ៌បានឡើយ ៕ សាន សារិន
ចែករំលែកព័តមាននេះ