កើតមកជាមនុស្សរស់នៅលើផែនដីនេះ គ្មានបុគ្គលណាធ្វើល្អបានគ្រប់យ៉ាងទេ មិនអត់ឡើយចំណុចខុស ដូច្នោះហើយកុំបៀតបៀន កុំប្រកាន់គ្នាពេក ព្រោះរសុទ្ធតែស់នៅលើផែនដីតែមួយ ដំបូលប្រក់មេឃតែមួយដូចគ្នា ចែកសេចក្ដីសុខឲ្យគ្នាខ្លះផង ព្រោះអ្នកណាក៏ត្រូវការសេចក្តីសុខដែរ មិនចង់បានទុក្ខមកដាក់ខ្លួនឡើយ ។
កុសលកម្មឬអំពើល្អដែលយើងបានសន្សំមកហើយតាំងពីដើមរៀងមក បើទោះជាញាតិមិត្ត ឬអ្នកដទៃមើលមិនឃើញ មិនដឹងមិនឮយ៉ាងណាក៏ដោយ ក៏គង់ខ្លួនយើងបានដឹងប្រាកដជាក់ ហើយគង់ទេវតាភ្នែកទិព្វមើលឃើញច្បាស់ គឺសេចក្តីល្អនេះមិនបានសាបសូន្យទៅណាទេ ។
ទោះបីជាមានគេតិះដៀល ឬរិះគន់យើងក៏ដោយ យើងគប្បីយកមកស្ថាបនាកែលម្អ ព្រោះគ្រប់ចំណុចដែលយើងប្រព្រឹត្តធ្វើរាល់ថ្ងៃនេះមិនមែនសុទ្ធតែត្រូវគ្រប់ដប់នោះទេ គង់មានចំណុចខ្លះមិនត្រូវទំនងមិនខាន ។
បើយើងមានបុណ្យក្នុងខ្លួនដែលយើងបានសាងទុកមកហើយ និងមានសីលធម៌មានអំពើល្អជាប់តាមខ្លួនដែរ អំពើល្អរបស់យើងទោះបីញាតិមើលមិនឃើញ ឬមិនដឹងក៏ដោយ ក៏យើងមានសេចក្ដីសុខនៅក្នុងខ្លួនដែរ ហើយទេវតានឹងតាមជួយថែរក្សាយើងឱ្យកាន់តែសុខចម្រើន ៕ សាន សារិន
ចែករំលែកព័តមាននេះ