បើតាមសេចក្តីរាយការណ៍បឋមបានឱ្យដឹងថា នាព្រឹកថ្ងៃទី២៨ ខែមិថុនា ឆ្នាំ២០២១នេះ អាជ្ញាធរខណ្ឌបឹងកេងកង គណៈកម្មការធិការផ្សារបឹងករងកង សហការជាមួយក្រុមគ្រួពេទ្យ បានសម្រេចបិទខ្ទប់ផ្សារបឹងកេងកង ដើម្បីអោយក្រុមអាជីវករលក់ដូរក្នុងផ្សារទាំងអស់
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា នាព្រឹកថ្ងៃទី២៨ ខែមិថុនា ឆ្នាំ២០២១នេះ អាជ្ញាធរខណ្ឌបឹងកេងកង គណៈកម្មការធិការផ្សារបឹងករងកង សហការជាមួយក្រុមគ្រួពេទ្យ បានសម្រេចបិទខ្ទប់ផ្សារបឹងកេងកង ដើម្បីអោយក្រុមអាជីវករលក់ដូរក្នុងផ្សារទាំងអស់ យកសំណាករកជំងឺកូវីដ១៩ នៅក្នុងសាលាវិទ្យាល័យ ជា ស៊ីម បឹងកេងកង។
សេចក្តីរាយការណ៍បឋមបានបន្តថា ការធ្វើសំណាកទៅលើក្រុមអាជីវករផ្សារបឹងកេងកង នេះ គឺចាប់ពីម៉ោងប្រមាណ១០ព្រឹក រហូតមកទល់នឹងម៉ោង១និង៣០នាទីរសៀល ថ្ងៃទី២៨ ខែមិថុនានេះ គឺរកឃើញមានក្រុមអាជីវករសរុបជាង៧0នាក់ហើយដែលរកឃើញថា មានវិជ្ជមានកូវីដ១៩ ។
តាមប្រភពព័ត៌មានបានរៀបរាប់ឱ្យដឹងដែរថា ពាក់ព័ន្ធទៅនឹងការផ្ទុះជំងឺកូវីដ១៩ នៅក្នុងផ្សារបឹងកេងកងនេះដែរ គឺមានអាជីវករម្នាក់ និងកូនរបស់គាត់មានវិជ្ជមានជំងឺកូវីដ១៩ ហើយទើបតែដេកពេទ្យបាន ២ថ្ងៃ ក៏មកលក់ដូរវិញ ទើបបង្កអោយមានការភ្ញាក់ផ្អើល និងបិទខ្ទប់ផ្សារបឹងកេងកង ហើយតម្រូវអោយក្រុមអាជីវករទាំងអស់នាំគ្នាធ្វើសំណាកតែម្តង។
ដោយមិនទាន់ដឹងថា ក្រុមអាជីវករទាំងអស់មានប៉ុន្មាននាក់នោះទេ ដែលមកធ្វើតេស្តរកមេរោគកូវីដ១៩នាពេលនេះ ដោយជាលទ្ធផលបណ្តោះអាសន្នត្រូវបានគេរកឃើញថា មានវិជ្ជមានកូវីដ១៩ ជាង៧0នាក់ហើយ ហើយពួកគាត់ក៏កំពុងតែនាំគ្នាមកជាបន្តបន្ទាប់ទៀតជាហូរហែដើម្បីធ្វើតេស្តនៅឡើយ។ ហើយសម្រាប់ព័ត៌មានបន្ថែមទៀត នឹងមានផ្សាយជូននៅពេលក្រោយ។
ចែករំលែកព័តមាននេះ