រាជធានីភ្នំពេញ ៖ ម្ចាស់រថយន្ត FORD គ្រប់រូបដែលជាអតិថិជន របស់ក្រុមហ៊ុន អ អិម អេ ខេមបូឌា នឹងកាន់តែសប្បាយរីករាយជាមួយដំណើរកម្សាន្ត ADVENTURE ឆ្លងដែនដ៏អស្ចារ្យឆ្ពោះ ទៅកាន់ខេត្តប៉ៃលិន ប្រទេសកម្ពុជា
រាជធានីភ្នំពេញ ៖ ម្ចាស់រថយន្ត FORD គ្រប់រូបដែលជាអតិថិជន របស់ក្រុមហ៊ុន អ អិម អេ ខេមបូឌា នឹងកាន់តែសប្បាយរីករាយជាមួយដំណើរកម្សាន្ត ADVENTURE ឆ្លងដែនដ៏អស្ចារ្យឆ្ពោះ ទៅកាន់ខេត្តប៉ៃលិន ប្រទេសកម្ពុជា និងខេត្តចន្ថាបុរី ប្រទេសថៃ នៅដើមខែធ្នូ ខាងមុខនេះ ជាមួយនឹងក្បួនដង្ហែរថយន្ត Ford ចំនួនជាង៦០គ្រឿង។
ដំណើរកម្សាន្ត FORD Adventure ឆ្នាំ២០១៥នេះ រៀបចំដោយក្រុមហ៊ុន អ អិម អេ ខេមបូឌា (RMA Cambodia) នៅក្នុងប្រទេសកម្ពុជា និងឧបត្តម្ភកម្មវិធី ដោយក្រុមហ៊ុន តូតាល់ ខេមបូឌា ដែលជាប្រេងឥន្ធនៈឈានមុខគេនៅកម្ពុជា និងក្រុមហ៊ុនស្រាបៀរអង្គរ CAMBREW LTD ហើយមានការចូលរួមសហការជាមួយក្រុមហ៊ុន EFG (Express Food Group) ដែលរួមមាន Pizza Company, Swensen’s, Costa Coffee, BBQ Chicken & Dairy Queen។ ក្នុងដំណើរកម្សាន្តដ៏អស្ចារ្យនេះដែរ មានរយៈពេល៤ថ្ងៃ៣យប់ គឺចាប់ពីថ្ងៃទី១០ ដល់ថ្ងៃទី១៣ ធ្នូ ២០១៥ ដោយមានអ្នកដំណើរប្រមាណ៣០០នាក់ ដែលអ្នកចូលរួមនឹងរីករាយជាមួយទេសភាពព្រៃភ្នំនៅតាមដងផ្លូវ និង ទឹកធ្លាក់ដ៏ស្រស់ស្អាតក្នុងទឹកដីខេត្តប៉ៃលិន រួមជាមួយនឹងបទពិសោធន៍បោះជំរំដ៏រ៉ូមែនទិចនៅលើឆ្នេរសមុទ្រយ៉ាងស្រស់ត្រកាលនៃខេត្តប៉ៃលិន ប្រទេសកម្ពុជា ។
លើសពីនេះទៅទៀត អ្នកចូលរួមទាំងអស់នឹងមានឱកាសដើរទិញទំនិញជាច្រើនសំបូរបែបក្នុងតម្លៃសមរម្យក្នុងផ្សារទំនើបនៃទឹកដីខេត្តចន្ថាបុរី ប្រទេសថៃ ថែមទៀតផង។
នៅក្នុងសន្និសីទសារព័ត៌មានមួយនៅក្រុមហ៊ុនហ្វដ កាលពីថ្ងៃទី២០ វិច្ឆិកា កន្លងទៅ លោកងន សាំង អគ្គនាយកគ្រប់គ្រងប្រចាំប្រទេសនៃក្រុមហ៊ុន អ អិម អេ ខេមបូឌា បានថ្លែងអំណរគុណយ៉ាងជ្រាលជ្រៅចំពោះរាល់បណ្តាក្រុមហ៊ុនឧបត្ថម្ភទាំងអស់ ដែលបានជួយគាំទ្រដល់ដំណើរការនៃកម្មវិធីដំណើរកម្សាន្ត FORD Adventure ឆ្នាំ២០១៥ នេះ ។ លោករំពឹងថា ដំណើរកម្សាន្តឆ្នាំនេះ នឹងកាន់តែធ្វើឱ្យអ្នកចូលរួម រីករាយ កាន់តែខ្លាំងជាងឆ្នាំមុនៗថែមទៀត ។
លោកសេង វឹង នាយកគ្រប់គ្រងផ្នែករថយន្តនៃក្រុមហ៊ុន អ អិម អេខេមបូឌា បានមានប្រសាសន៍ថា ដំណើរកម្សាន្ត FORD Adventure ឆ្នាំ២០១៥ នេះ មានភាពអស្ចារ្យជាងឆ្នាំមុនៗ ដោយសារក្បួនរថយន្ត FORD ជាង៦០គ្រឿងធ្វើដំណើរឆ្លងកាត់ទឹកដីខេត្តប៉ៃលិន ហើយឆ្ពោះទៅទឹកដីខេត្តចន្ថាបុរី ប្រទេសថៃ ដែលធ្វើឱ្យអតិថជន FORD ទទួលបានបទពិសោធន៍ក្នុងការបើកបរ និងទស្សនាតំបន់ទេសចរណ៍នៅទឹកដីប្រទេសថៃផងដែរ ។
លោកបានបន្ថែមទៀតថា ដំណើរកម្សាន្ត FORD Adventure មិនត្រឹមតែជាការកម្សាន្តសប្បាយប៉ុណ្ណោះទេ អ្វីដែលសំខាន់ជាងនេះទៅទៀតនោះ គឺការទំនាក់ទំនងគ្នាល្អ ការជួយគ្នាទៅវិញទៅមករបស់អតិជន FORD និងបុគ្គលិករបស់ក្រុមហ៊ុន អអិមអេ ខេមបូឌា ។
គួរបញ្ជាក់ថា ដំណើរកម្សាន្តនេះ បានធ្វើឡើងជារៀងរាល់ឆ្នាំចាប់ផ្ដើមក្នុងឆ្នាំ២០០៧ ដោយកាលពីឆ្នាំ២០០៧ ទៅខេត្តមណ្ឌលគិរី, ឆ្នាំ២០០៨ ទៅកាន់ខេត្តរតនគិរី, ឆ្នាំ២០០៩ ទៅកាន់ខេត្តប៉ៃលិន, ឆ្នាំ២០១០ និងឆ្នាំ២០១១ ទៅកាន់ទឹកដីខេត្តចំប៉ាសាក់ ប្រទេសឡាវ, ឆ្នាំ២០១២ ទៅកាន់ខេត្តមណ្ឌលគិរី ហើយឆ្នាំ២០១៣ ក៏បានទៅទឹកដីប្រទេសឡាវម្តងទៀត ដោយមានចំនួនអ្នកចូលរួម កើនឡើងជាបន្តបន្ទាប់, ឆ្នាំ២០១៤ ទៅកាន់ប្រទេសថៃ ឆ្លងកាត់ខេត្តកោះកុង ប្រទេសកម្ពុជា និងខេត្តត្រាត ប្រទេសថៃ៕
ចែករំលែកព័តមាននេះ