វត្តសារាវ័ន្តតេជោបានបញ្ចប់បិទខ្ទប់ តែនៅ ៥កុដិបន្តបិទខ្ទប់ដដែល
- ភ្នំពេញ
រាជធានីភ្នំពេញ ៖ វត្តសារាវ័ន្តតេជោ ដែលស្ថិតនៅភូមិ៦ សង្កាត់ជ័យជំនះ ខណ្ឌដូនពេញ ត្រូវបានគណៈបញ្ជាការឯកភាពខណ្ឌដូនពេញ ដឹកនាំដោយលោក សុខ ពេញវុធ…
រាជធានីភ្នំពេញ ៖ វត្តសារាវ័ន្តតេជោ ដែលស្ថិតនៅភូមិ៦ សង្កាត់ជ័យជំនះ ខណ្ឌដូនពេញ ត្រូវបានគណៈបញ្ជាការឯកភាពខណ្ឌដូនពេញ ដឹកនាំដោយលោក សុខ ពេញវុធ អភិបាលខណ្ឌដូនពេញចុះទៅវត្តសារាវ័ន្តតេជោ កាលពីរសៀលថ្ងៃទី១៧ ខែមិថុនា ឆ្នាំ២០២១ ដើម្បីបញ្ចប់ការបិទខ្ចប់វត្តសារាវ័ន្តតេជោ ឲ្យដំណើរការឡើងវិញ ក៏ប៉ុន្តែកុដិក្នុងវត្តចំនួន៥ នៅបន្តបិទខ្ទប់ មានកុដិលេខ ១០,២៦,១៧,០១ និងកុដិលេខ៩ ។
គួរំលឹកថា កាលរសៀលថ្ងៃទី២៣ ខែឧសភា ឆ្នា២០២១ វត្តសារាវ័ន្តតេជោ ត្រូវបានបិទខ្ទប់ជាស្ថាពរហើយ ហាមមិនឲ្យចេញចូលទេ ។
បន្ទាប់ពី ក្រុមការងារ និងក្រុមគ្រូពេទ្យ បានអនុវត្តយកសំណាកពិនិត្យរកមេរោគកូវីដ-១៩ ពីសំណាក់ព្រះសង្ឃ និងអ្នកនៅក្នុងវត្តទាំងអស់បានចំនួន ២៧៥អង្គ/នាក់រកឃើញវិជ្ជមានចំនួន២៧អង្គ/នាក់(ស្រី០៤នាក់) ក្នុងនោះព្រះសង្ឃ០៩អង្គ អ្នកស្នាក់នៅវត្ត១៨នាក់ ។
ដើម្បីសុវត្ថិភាព សូមព្រះតេជគុណ ញាតិញោម និងសិស្ស-និស្សិត ដែលបានចេញចូល និងមានទំនាក់ទំនងជាមួយព្រះសង្ឃ និងសិស្ស-និស្សិត នៅវត្តសារាវ័ន្តតេជោ ត្រូវដាក់ខ្លួនដាច់ដោយឡែក និងយកចិត្តទុកដាក់ ក្នុងការតាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលបានប៉ះពាល់ផ្ទាល់ ឬប្រយោល ជាមួយព្រះតេជគុណ និងសិស្ស-និស្សិត ក្ក្នុងវត្តសារាវ័នតេជោ។
គួរបញ្ជាក់ផងដែរថា វត្តសារាវ័ន្តតេជោ បានធ្វើការបិទខ្ទប់អស់រយៈពេលជិតមួយខែ ដើម្បីធ្វើចត្តាឡីស័ក ៕
ចែករំលែកព័តមាននេះ