រាជធានីភ្នំពេញ ៖ ដោយមើលឃើញពីកំណើនសេដ្ឋកិច្ចរបស់ប្រទេសកម្ពុជាមានការរីកចម្រើនពីមួយឆ្នាំទៅមួយឆ្នាំបានជំរុញឲ្យក្រុមហ៊ុន Chhivtimex Group-Duong Chhiv Import Export ធ្វើការវិនិយោគ និងនាំចូលស្រាលំដាប់លេខ១របស់អូស្ត្រាលីម៉ាក«Penfolds» គ្រប់ប្រភេទដើម្បីផ្តល់ជាជម្រើសថ្មីដល់អតិថិជន ដែលចូលចិត្តញ៉ាំស្រាក្រហមក្នុងប្រទេសកម្ពុជាទាំងមូល។
ថ្លែងនៅក្នុងពិធី Penfolds Collectoin Dinner កាលពីល្ងាចថ្ងៃទី ១៩ វិច្ឆិកានៅសណ្ឋាគារ ឡឺរ៉ូយ៉ាល់ លោកឧកញ៉ា ដួង តិច អគ្គនាយកក្រុមហ៊ុន Chhivtimex Group-Duong Chhiv Import Exportចែកចាយផ្ដាច់មុខនូវស្រា «Penfolds»បានមានប្រសាសន៍ថា៖«ខ្ញុំសូមថ្លែងអំណរគុណ ដល់ដៃគូសហការ ក៏ដូចជាអតិថិជនទាំងអស់ដែលតែងតែគាំទ្រ ទទួលទាននូវរសជាតិស្រា «Penfolds» ជាប្រភេទស្រាមានរសជាតិប្លែកគេមកពីអូស្ត្រាលី។
ក្នុងការនាំយកស្រា Penfolds ចូលមកកម្ពុជា លោករំពឹងថា នឹងទទួលបានជោគជ័យខ្ពស់ ព្រោះអតិថិជនដែលចូលចិត្តញុាំស្រា ជាពិសេសក្នុងពិធីជួបជុំគ្នាផ្សេងៗជាលក្ខណៈគ្រួសារ និងមិត្តភក្តិ ហើយស្រាPenfolds ជាប្រភេទស្រាក្រហម ស្រាទំពាំងបាយជូរ គឺពិតជាស័ក្តិសមសម្រាប់កម្មវិធីលោកអ្នក។
លោក Partrick Dowling អ្នកតំណាងស្រា Penfoldsប្រចាំទ្វីបអាស៊ីនថ្លែងថា Penfolds ជាស្រាលំដាប់ថ្នាក់លេខ១ នៅប្រទេសអូស្ត្រាលី និងមានប្រវត្តិជាច្រើនតំណរមកទៅហើយ ហើយការដែលខ្ញុំមកកាន់ប្រទេសកម្ពុជា នៅពេលនេះមានក្នុងគោលបំណងសំខាន់ៗជាច្រើន ពោលគឺលោកមកផ្ដល់ជាចំណេះដឹង និងបទពិសោធន៍របស់ខ្លួនជូនដល់អ្នកលក់ និងបម្រើសេវាកម្មស្រា ដើម្បីឲ្យពួកគាត់មានចំណេះដឹង គ្រប់គ្រាន់ក្នុងការឆ្លើយតប ទៅនឹងអតិថិជនរៀងៗខ្លួន៕
ចែករំលែកព័តមាននេះ