ប្រទេសហ្វ៊ីលីពីន ៖ លោកស្រីរដ្ឋអាជ្ញាតុលាការឧក្រិដ្ឋកម្មអន្តរជាតិ CPI បានប្រកាសកាលពីថ្ងៃទី១៤ ខែមិថុនា ឆ្នាំ២០២១ថា លោកស្រីបានស្នើឲ្យបើ់កការស៊ើបអង្កេតមួយ លើការសម្លា.ប់មនុស្សច្រើនពាន់នាក់ នៅហ្វ៊ីលីពីន ក្នុងក្របខណ្ឌនៃសង្គ្រាមប្រឆាំងគ្រឿង.ញៀន របស់រដ្ឋាភិបាលប្រទេសនោះ ដែលអាចជាឧក្រិដ្ឋកម្មប្រឆាំងមនុស្សជាតិ។
សេចក្ដីសម្រេចចិត្តនោះត្រូវបានស្វាគមន៍ ដោយបណ្ដាអង្គការការពារសិទ្ធិមនុស្ស ដោយអង្គការលើកលែងទោសអន្តរជាតិAMNESTY INTERNATIONALចាត់ទុកថា នោះជាពេលវេលានៃក្ដីសង្ឃឹមមួយ សម្រាប់បណ្ដាគ្រួសារជនរងគ្រោះ។
រដ្ឋអាជ្ញាតុលាការនេះលោកស្រីFATOU BENSOUDA មុនពេលលោកស្រីត្រូវចប់អាណត្តិ បានស្នើដល់បណ្ដាចៅក្រម អនុញ្ញាតឲ្យមានការស៊ើបអង្កេត លើការអះអាងនានាដែលថា បណ្ដាមន្ត្រីប៉ូ៉លិសជាតិហ្វ៊ីលីពីន និងមនុស្សដទៃៗទៀត បានធ្វើសកម្មភាពរួមគ្នា សម្លា.ប់ដោយខុសច្បាប់មនុស្សច្រើនពាន់អាចដល់ជនស៊ីវិលច្រើនសិបពាន់នាក់។
អំពើហិ.ង្សាទាំងនេះជាកម្មវត្ថុនៃការពិនិត្យដំបូង ពោលគឺជាដំណាក់កាលពិនិត្យ មុនមានការស៊ើបអង្កេត ចាប់តាំងពីថ្ងៃទី៨កុម្ភៈ ឆ្នាំ២០១៨មក ដែលបែបនោះបានជម្រុញឲ្យប្រធានាធិបតីហ្វ៊ីលីពីន លោកRODRIHO DUTERTE ប្រកាសដកប្រទេសលោកចេញពីតុលាការCPIកាលពីឆ្នាំ២០១៩។
លោកស្រី BENSOUDA ថ្លែងថា ពេលនេះខ្ញុំប្រកាស ពីការសន្និដ្ឋាននៃការពិនិត្យដំបូងនៃសភាពការណ៍នៅហ្វ៊ីលីពីន ហើយតាមរយៈការសន្និដ្ឋាននោះ ខ្ញុំស្នើដល់បណ្ដាចៅក្រម របស់តុលាការCPI សម្រេចឲ្យបើកការស៊ើបអង្កេតមួយ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ