ដំណឹងតក់ស្លុត! វរព្រឹទ្ធសិល្បការិនី ទេវនាដនិមិ្មត ឯម ធាយ ទទួលមរណភាពហើយ
- ភ្នំពេញ
វរព្រឹទ្ធសិល្បការិនី ទេវនាដនិមិ្មត ឬសំនៀងពីរោះគន្ធា ឯម ធាយ បានទទួលមរណភាពហើយ នៅវេលាម៉ោង១២:២០នាទីយប់ឈានចូលថ្ងៃ
វរព្រឹទ្ធសិល្បការិនី ទេវនាដនិមិ្មត ឬសំនៀងពីរោះគន្ធា ឯម ធាយ បានទទួលមរណភាពហើយ នៅវេលាម៉ោង១២:២០នាទីយប់ឈានចូលថ្ងៃ
រាជធានីភ្នំពេញ ៖ វរព្រឹទ្ធសិល្បការិនី ទេវនាដនិមិ្មត ឬសំនៀងពីរោះគន្ធា ឯម ធាយ បានទទួលមរណភាពហើយ នៅវេលាម៉ោង១២:២០នាទីយប់ឈានចូលថ្ងៃឣង្គារ៍ ទី១៥ ខែមិថុនា ឆ្នាំ២០២១ ក្នុងជន្មាយុ ៨៨ឆ្នាំ។ ដំណឹងមរណភាពរបស់ព្រឹទ្ធសិល្បការិនីរូបនេះ គឺជាការបាត់បង់នូវធនធានដ៏កម្រមហាសាលមួយក្នុងវិស័យសិល្បៈបុរាណ។
វរព្រឹទ្ធសិល្បការិនី ឯម ធាយ បានចូលសម្រាកព្យាបាលនៅមន្ទីរពេទ្យដោយសារជំងរលាកតម្រងនោម និងខ្វះឈាមកាលពីពេលកន្លងទៅ។ បន្ទាប់ពីសម្រាកព្យាបាល ដោយមានការយកចិត្តទុកដាក់ពីក្រុមគ្រូពេទ្យ អាការរបស់ព្រឹទ្ធាចារ្យបានត្រឡប់មកធូរស្បើយបន្តិច ប៉ុន្តែស្ថិតក្នុងការតាមដាមពីក្រុមគ្រូពេទ្យដដែល។
យ៉ាងណា ដោយសារការពើបប្រទះនូវជំងឺជាច្រើនប្រភេទ រួមទាំងភាពជរាពាធផងនោះ ព្រឹទ្ធសិល្បការិនី ឯម ធាយ ក៏បានទទួលមរណភាពតែម្តង។ ក្នុងអាយុ៨៨ឆ្នាំ ព្រឹទ្ធាចារ្យ ឯម ធាយ ដែលជាទេវនាដនិមិ្មតខ្មែរ បានទទួលងារ «មរតកមនុស្សរស់» ផ្តល់ដោយក្រសួងវប្បធម៌ និងវិចិត្រសិល្បៈ និងអង្គការយូណេស្កូកម្ពុជា។
ស្នាដៃរបស់លោកស្រីព្រឹទ្ធាចារ្យ ឯម ធាយ ត្រូវបានទទួលស្គាល់តាមរយៈភាពអស្ចារ្យនៃការសម្តែងនូវរបាំព្រះរាជទ្រព្យ និងការខិតខំប្រឹងប្រែងរបស់គាត់ ក៏ដូចជាការចែករំលែកនូវចំណេះដឹងទាំងនេះដល់យុវជនជំនាន់ក្រោយ។
ព្រឹទ្ធាចារ្យ ឯម ធាយ ដែលជា សិល្បការិនី ដែលមានជំនាញពិសេសនៃរបាំព្រះរាជទ្រព្យ បានរួចផុតជីវិតពីសម័យសង្គ្រាម ហើយក៏បានផ្ទេរបន្តចំណេះដឹងដល់កូនចៅជំនាន់ក្រោយ។ ព្រឹទ្ធាចារ្យ ឯម ធាយ បានចាប់កំណើតនៅក្នុងព្រះបរមរាជវាំង នៅពេលម្ដាយរបស់លោក ជាសិល្បការិនីមួយរូប នៅក្នុងព្រះបរមរាជវាំង។
បើទោះបីជាបម្រើសិល្បៈបុរាណខ្មែរស្ទើរពេញមួយជីវិតហើយមិនបានសល់ទ្រព្យធនអ្វីជាដុំកំភួននោះឡើយ តែលោកយាយធ្លាប់លើកឡើងថា លោកយាយមិនស្តាយក្រោយនោះទេ នៅក្នុងជីវិតជាអ្នកបន្តមរតករបាំព្រះរាជទ្រព្យមួយនេះ។ មហាជនបានសម្តែងការសោកស្តាយ និងបានបួងសួងទេវតា បណ្ដាលឲដួងវិញ្ញាណក្ខន្ធលោកយាយបានទៅកាន់ទីឋានសុគិតិភព កុំបីអាក់ខានឡើយ៕
ចែករំលែកព័តមាននេះ