ទីក្រុងប៉ារីស ៖ លោកប្រធានាធិបតីបារាំង អេម៉ានុយអែល ម៉ាក្រុង ត្រូវបានបុរសម្នាក់ទះមួយកំផ្លៀង ក្នុងចំណោមមនុស្សម្នា នៅក្នុងដំណើរទស្សនកិច្ចផ្លូវការនៅភាគអាគ្នេយ៍ នៃប្រទេសបារាំង នេះបើយោងតាមសារព័ត៌មាន…
ទីក្រុងប៉ារីស ៖ លោកប្រធានាធិបតីបារាំង អេម៉ានុយអែល ម៉ាក្រុង ត្រូវបានបុរសម្នាក់ទះមួយកំផ្លៀង ក្នុងចំណោមមនុស្សម្នា នៅក្នុងដំណើរទស្សនកិច្ចផ្លូវការនៅភាគអាគ្នេយ៍ នៃប្រទេសបារាំង នេះបើយោងតាមសារព័ត៌មាន BBC ចុះផ្សាយនៅថ្ងៃទៅ០៨ មិថុនា ២០២១នេះ ។
នៅក្នុងវីដេអូឃ្លីបមួយ ដែលផ្សាយលើបណ្តាញសង្គម បង្ហាញអោយឃើញថា លោក ម៉ាក្រុង កំពុងដើរទៅរនាំងដែលមានពលរដ្ឋឈរចាំស្វាគមន៍ ពេលធ្វើដំណើរទៅតំបន់ Tain-l’Hermitage នៅខាងក្រៅទីក្រុង Valence ស្រាប់តែបុរសម្នាក់ ទះកំផ្លៀងលោក ម៉ាក្រុង ភ្លាមៗនោះមន្ត្រីប៉ូលីសស្ទុះចូលយ៉ាងលឿនទៅចាប់ឃាត់បុរសនោះ ។ ទន្ទឹមនឹងនេះលោកប្រធានាធិបតី ត្រូវបានកងសន្តិសុខ នាំចាកចេញពីទីកន្លែងនោះ ផងដែរ។
យោងតាមប្រព័ន្ធផ្សព្វផ្សាយបារាំង បានអោយដឹងថា បុរសពីរនាក់ត្រូវបានចាប់ខ្លួន បន្ទាប់ពីមានឧប្បត្តិហេតុនេះ ។
នៅពេលដែលប្រធានាធិបតី ត្រូវបានគេទះកំផ្លៀងពាក្យដែលគេស្រែកបន្លឺឡើងគឺ “Down with Macron-ism” ៕
សូមទស្សនាវីដេអូឃ្លីបមានដូចខាងក្រោម ៖
ចែករំលែកព័តមាននេះ