ខេត្តកំពត ៖ ទិវាជាតិលើកកម្ពស់អនាម័យជនបទ ក្រោមប្រធានបទអនាម័យល្អ គឺជាការទទួលខុសត្រូវទាំងអស់គ្នា ដែលពិធីនេះបានប្រារព្ធធ្វើឡើងកាលពីព្រឹកថ្ងៃទី១២ វិច្ឆិកា ២០១៥ នៅវត្តគាថាវង្ស ឃុំត្រពាំងសាលាខាងលិច ស្រុកបន្ទាយមាស ខេត្តកំពត ។
ខេត្តកំពត ៖ ទិវាជាតិលើកកម្ពស់អនាម័យជនបទ ក្រោមប្រធានបទអនាម័យល្អ គឺជាការទទួលខុសត្រូវទាំងអស់គ្នា ដែលពិធីនេះបានប្រារព្ធធ្វើឡើងកាលពីព្រឹកថ្ងៃទី១២ វិច្ឆិកា ២០១៥ នៅវត្តគាថាវង្ស ឃុំត្រពាំងសាលាខាងលិច ស្រុកបន្ទាយមាស ខេត្តកំពត ។
ពិធីនេះប្រារព្ធធ្វើឡើងក្រោមអធិបតីភាពលោក ជា សុផារ៉ា រដ្ឋមន្ត្រីក្រសួងអភិវឌ្ឍន៍ជនបទ និងមានការចូលរួមពីរដ្ឋលេខាធិការ អនុរដ្ឋលេខាធិការក្រសួងអភិវឌ្ឍន៍ជនបទ អស់លោក លោកស្រីជាតំណាងអង្គការ SNV និងតំណាងអង្គការជាតិ អន្តរជាតិ ប្រធាន អនុប្រធានមន្ទីរអភិវឌ្ឍន៍ជនបទខេត្ត-ក្រុង-រាជធានី អភិបាលខេត្ត អភិបាលស្រុក ព្រមទាំងប្រជាពលរដ្ឋ និងក្មួយសិស្សានុសិស្សចូលរួមជាច្រើនកុះករ ។
លោក សុក រ៉ាដ អភិបាលរងខេត្តកំពត បានមានប្រសាសន៍ថា ទិវាជាតិលើកកំពស់អនាម័យជនបទ បានប្រារព្ធធ្វើឡើងលើកទី៦ នៅក្នុងស្រុកបន្ទាយមាស ដើម្បីចូលរួមអបអរសាទរដែលយើងសម្រេចបានដោយជោគជ័យនៃការលើកកម្ពស់អនាម័យល្អនៅក្នុងស្រុកបន្ទាយមាន ជាលទ្ធផលដែលយើងសម្រេចបាននាពេលនេះគឺផ្តើមចេញពីកិច្ចសហការជាលក្ខណៈអន្តរក្រសួង និងកិច្ចគាំទ្រអំពីដៃគូអភិវឌ្ឍន៍ទាំងអស់ក្នុងការជំរុញឲ្យកាន់តែយល់ដឹងកាន់តែខ្ពស់ថែមទៀត ។
លោក សុក រ៉ាដ បានថ្លែងទៀតថា ពីមុនស្រុកបន្ទាយមាសមានអត្រាទាបបំផុត ពលរដ្ឋភាគច្រើនមិនបានធ្វើបង្គន់បន្ទោបង់ទេ ប៉ុន្តែប៉ុន្មានខែចុងក្រោយនេះ ស្រុកបន្ទាយមាសទទួលបានជោគជ័យក្នុងការអភិវឌ្ឍន៍គម្រោងលើកកម្ពស់អនាម័យជនបទ និយាយរួមគឺប្រជាជននៅស្រុកបន្ទាយមាសឈប់បន្ទោបង់ពាសវាលពាសកាលដូចមុនទៀតហើយ ។ លោកសង្ឃឹមថា អង្គការ SNV នឹងបន្តជួយស្រុកផ្សេងៗទៀតក្នុងខេត្តកំពត ។
លោក ជា សុផារ៉ា រដ្ឋមន្ត្រីក្រសួងអភិវឌ្ឍន៍ជនបទ បានថ្លែងនៅក្នុងទិវាជាតិលើកកម្ពស់អនាម័យជនបទ នៅស្រុកបន្ទាយមាសថា ថ្ងៃទី១៣ វិច្ឆិកា គឺជាថ្ងៃសំខាន់សម្រាប់ទូទាំងប្រទេសកម្ពុជា ដែលបានកំណត់យកថ្ងៃនេះជាថ្ងៃប្រារព្ធទិវាជាតិលើកកម្ពស់អនាម័យជនបទ រាជរដ្ឋាភិបាលកម្ពុជាបានទទួលស្គាល់អំពីភាពចាំបាច់នៃការលើកកម្ពស់អនាម័យជនបទ កំណត់នូវចក្ខុវិស័យរបស់គោលនយោបាយជាតិស្តីពីការផ្គត់ផ្គង់ទឹកស្អាត និងអនាម័យ ។
លោករដ្ឋមន្ត្រី ជា សុផារ៉ា ថ្លែងទៀតថា នៅឆ្នាំ២០២៥ខាងមុខនេះ ប្រជាជនគ្រប់រូបនៅសហគមន៍ជនបទត្រូវមានការផ្គត់ផ្គង់ទឹកស្អាត និងអនាម័យគ្រប់គ្រាន់ ។ លោកបន្តថា យោងតាមទិន្នន័យរបស់អង្គការអភិវឌ្ឍន៍ហូឡង់ក៏ដូចជាក្រសួងផែនការ រួមទាំងមន្ទីរអភិវឌ្ឍន៍ជនបទខេត្តកំពត គឺស្រុកបន្ទាយមាសមានឃុំចំនួន១៥ ជាស្រុកគំរូទូទាំងប្រទេស ពលរដ្ឋមានបង្គន់បន្ទោបង់គ្រប់គ្រាន់ ឈប់បន្ទោបង់ពាសវាសពាសកាលដូចមុនទៀតហើយ ៕
ចែករំលែកព័តមាននេះ