រាជធានីភ្នំពេញ ៖ ក្រុមអាជីវករលក់ដូរនៅរមណីយដ្ឋានភ្នំអដ្ឋរស្សឬភ្នំឧដុង្គ កាលពីថ្ងៃអាទិត្យកន្លងមកនេះ សង្កេតឃើញនាំគ្នាសប្បាយរីករាយ ខណៈដែលមានភ្ញៀវយ៉ាងច្រើន មានអ្នកខ្លះជិះរថយន្ត អ្នកខ្លះទៀតជិះម៉ូតូ ចូលមកកំសាន្តនិងនាំគ្នាទិញម្ហូបអាហារតាមតម្រូវការរបស់ពួកគេ ។…
រាជធានីភ្នំពេញ ៖ ក្រុមអាជីវករលក់ដូរនៅរមណីយដ្ឋានភ្នំអដ្ឋរស្សឬភ្នំឧដុង្គ កាលពីថ្ងៃអាទិត្យកន្លងមកនេះ សង្កេតឃើញនាំគ្នាសប្បាយរីករាយ ខណៈដែលមានភ្ញៀវយ៉ាងច្រើន មានអ្នកខ្លះជិះរថយន្ត អ្នកខ្លះទៀតជិះម៉ូតូ ចូលមកកំសាន្តនិងនាំគ្នាទិញម្ហូបអាហារតាមតម្រូវការរបស់ពួកគេ ។ ក្រោយពីរាជរដ្ឋាភិបាលបានបិទបញ្ចប់ការហាមឃាត់ធ្វើដំណើរឆ្លងខេត្តនានាទូទាំងប្រទេសរួចមក ។
ជាមួយជាមួយកោះសន្តិភាព ស្ត្រីម្នាក់ដែលកំពុងបំពងមាន់ញាប់ដៃញាប់ជើងជូនភ្ញៀវដែលឈរទិញ បានឆ្លៀតនិយាយឲ្យដឹងថា បន្ទាប់ពីរាជរដ្ឋាភិបាលដកបំរាមមិនឲ្យប្រជាពលរដ្ឋធ្វើដំណើរឆ្លងកាត់ខេត្តនានារួចមក នៅព្រឹកថ្ងៃសៅរ៍និងថ្ងៃអាទិត្យឃើញមានភ្ញៀវប្រុស ស្រី ក្មេងចាស់ខ្លះជិះរថយន្ត ខ្លះទៀតជិះម៉ូតូចូលមកកំសាន្តរមណីដ្ឋានភ្នំអដ្ឋរស្សយ៉ាងច្រើន ។ គាត់សប្បាយចិត្តណាស់ដែលឃើញភ្ញៀវនាំគ្នាសម្រុកចូលមកទិញម្ហូបអាហារតាមចំណូលចិត្តរៀងៗ ក៏ប៉ុន្តែម្នាក់ៗគឺពួកគេពាក់ម៉ាសគ្រប់ៗគ្នាផងដែរ ។
ស្ត្រីម្នាក់ដែលជាម្ចាស់អាហារដ្ឋានមួយ នៅតំបន់រមណីយដ្ឋានភ្នំអដ្ឋរស្ស បានរៀបរាប់ឲ្យដឹងដែរថា រយៈពេលពីរថ្ងៃនេះគឺថ្ងៃសៅរ៍និងថ្ងៃអាទិត្យនេះ ឃើញមានប្រជាពលរដ្ឋជាច្រើនបាននាំគ្នាមកលេងរមណីយដ្ឋានភ្នំអដ្ឋរស្ស ដែលមួយរយៈកន្លងមកជំងឺកូវីដ១៩ បានរីករាលដាលទូទាំងប្រទេស ហើយត្រូវរាជរដ្ឋាភិបាលបិតខ្ទប់មិនឲ្យប្រជាពលរដ្ឋធ្វើដំណើរឆ្លងខេត្ត ។ តែឥឡូវរាជរដ្ឋាភិបាលបានបញ្ចប់ការបិតខ្ទប់ឆ្លងខេត្ត ទើបនៅថ្ងៃសៅរ៍និងថ្ងៃអាទិត្យនេះ មានភ្ញៀវចូលមកហាងរបស់គាត់នាំគ្នាកុម្ម៉ង់ម្ហូបជាច្រើនមុខម្ហូប ព្រោះខាតមកយូរប៉ុន្តែទោះជាយ៉ាងណាភ្ញៀវទាំងមិនភ្លេចទេ៣ការពារ ៣កុំនោះឡើយ ។ សូម្បីគាត់ជាម្ចាស់ហាងក៏តែងតែរំលឹដល់ភ្ញៀវផងដែរ ។
សម្រាប់អ៊ុំស្រីសេង ផល្លា អាយុជាង៥០ឆ្នាំ លក់មាន់ដុត ត្រីអាំងបាននិយាយ\ឱ្យដឹងថា ៖ បន្ទាប់ពីព្រឹត្តិការសហគមន៍ថ្ងៃទី២០
កុម្ភ: បានធ្វើរមណីយដ្ឋានភ្នំអដ្ឋរស្យស្ងាត់ដូចចោរលួចសេះអីចឹង ហើយអាជ្ញាធរស្រុកពញាឮបានចាត់វិធាការខ្ទប់មិនឲ្យប្រជាពលរដ្ឋចេញរមណីយដ្ឋាននេះជាដាច់ដើម្បីកុំឲ្យជំងឺកូវីដរីលរាលដាល ។ ថ្ងៃនេះ គាត់លក់ដាច់ណាស់ទាំងមាន់ដុត មាន់អាំងនិងត្រីអាំង ធ្វើឲ្យគាត់រកចំណូលគ្រាន់បើ តែមួយសប្តាហ៍គាត់លក់បានតែពីរថ្ងៃប៉ុណ្ណោះគឺថ្ងៃសៅរ៍និងថ្ងៃអាទិត្យ ។
ដោយឡែក ម្ចាស់លក់គ្រឿងក្លែមយីហោ«ជំនោភ្នំឧដុង្គបានឲ្យដឹងថា ៖ ពិបាករកប្រាក់ចំណូលណាស់សព្វថ្ងៃនេះ ដោយសារតែបាត់ភ្ញៀវច្រើនមិនសូវមកកម្សាន្តទីនេះ អស់រយ:ពេលជាច្រើនខែមកហើយ និយាយគឺនៅចុងឆ្នាំ២០១៩តែម្តង ដោយឡែកនៅថ្ងៃចូលឆ្នាំសកល ក៏មិនសូវមានភ្ញៀវមកដែរ ទើបតែថ្ងៃអាទិត្យឃើញភ្ញៀវមកគ្រាន់បើហើយលក់ដូររបស់ដាច់គ្រា់ន់បើដែរ ។
បើថ្ងៃធម្មតាបានភ្ញៀវតែ១ម៉ូយ ឬ២ម៉ូយ ជួនកាលអត់មានភ្ញៀវសោះក៏មានដែរណាម្យ៉ាងវិញទៀតនៅរមណីយដ្ឋានអដ្ឋរស្យពេលនេះតូបលក់ដូរមានកើនឡើងមិនក្រោម១០០ហាងនិងតូបនោះទេ ពេលមានភ្ញៀវមកដល់ម្នាក់ៗរត់ប៉ោយដៃសឹងជ្រុះដៃទៅហើយទម្រាំបានភ្ញៀវមួយ ។
ភ្នំអដ្ឋរស្ស(ភ្នំឧដុង្គ)ស្ថិតនៅក្នុងឃុំផ្សារដែកនិងឃុំភ្នំបាត ស្រុកពញាឮ ខេត្តកណ្តាលចម្ងាយពីរាជធានីភ្នំពេញត្រឹមតែ៤០គីឡូម៉ែត្រ ដែលងាយក្នុងការធ្វើដំណើរកំសាន្តសម្រាកថ្ងៃចុងសប្តាហ៍ឬថ្ងៃបុណ្យទានផ្សេងៗ នៅទីនោះលោកអ្នកអាចទស្សនាកំសាន្តតំបន់ទេសចរណ៍ប្រវត្តិសាស្ត្រ បន់ស្រន់សុំសេចក្តីសុខនិងជាពិសេសនោះគឺសម្រាកលណហែលកាយនិងទទួលទានអាហារថ្ងៃត្រង់យ៉ាងឆ្ងុយឆ្ងាញ់ជាមួយម្ហូបអាហារប្រចាំតំបន់ជាច្រើនមុខដូចជា ៖ មាន់ដុត ត្រីអាំង ខ្ចង កង្កែបបោក បង្អែម ផ្លែឈើផ្សេងៗ ។
គួរបញ្ជាក់ផងដែរ ៖ ប្រមុខរាជរដ្ឋាភិបាលនិងក្រសួងសុខាភិបាលបានធ្វើការអំពាវនាវដល់ប្រជាពលរដ្ឋទូទាំងប្រទេសត្រូវនាំគ្នាពាក់ម៉ាសឲ្យបានគ្រប់ៗគ្នាពេលធ្វើដំណើរតាមទីសាធារណៈនិងទីប្រជុំជនដាច់ខាត់ ។ ចំពោះអ្នកស្រីនិងក្រុមគ្រួសារមិនដែលភ្លេចពាក់ម៉ាសពេលចេញទៅទីសាធារណៈហើយពេលមកដល់ផ្ទះវិញត្រូវលាងដៃនិងសាប៊ូហើយប្រើអាកុលនិងជែលជាប្រចាំផងដែរ ៕ ដោយ ៖ ទុយ ប៊ុនរី
ចែករំលែកព័តមាននេះ