ខេត្តឧត្តរមានជ័យ ៖ អាវុធហត្ថស្រុកអន្លង់វែង បានយកពស់ថ្លាន់មួយក្បាលដែលមានទម្ងន់១២គីឡូក្រាម ទៅលេងក្នុងដែនជម្រកសត្វព្រៃកូលេនព្រហ្មទេព កាលពីព្រឹកថ្ងៃទី២២ ខែឧសភា ឆ្នាំ២០២១ ក្នុងភូមិអូរតាមេង ហៅភូមិអណ្តូង៣ ឃុំអន្លង់វែង ស្រុកអន្លង់វែង ខេត្តឧត្តរមានជ័យ។
លោកអនុសេនីយ៍ឯក ហ៊ើន សំបោន នាយការិយាល័យព្រហ្មទណ្ឌអាវុធហត្ថស្រុកអន្លង់វែង បានឱ្យដឹងថា សត្វពស់ថ្លាន់មួយក្បាលនេះ លោកគឹម សំណាង អនុប្រធានការិយាល័យភូមិបាលស្រុកអន្លង់វែង បានយកមកប្រគល់ឱ្យលោកងួន ទ្ធីរិទ្ធ មេបញ្ជាការអាវុធហត្តស្រុកអន្លង់វែង។
លោកអនុសេនីយ៍ឯកបានបន្តថា ក្រោយពីបានទទួលពស់ថ្លាន់មួយក្បាលនេះរួច លោកមេបញ្ជាការអាវុធហត្ថបានបញ្ជាឱ្យយកទៅលេងក្នុងព្រៃអភិរក្សកូលេនព្រហ្មទេព កាលពីព្រឹកថ្ងៃទី២២ ខែឧសភា ដែលស្ថិតក្នុងភូមិអូរតាមេង ឃុំអន្លង់វែង ស្រុកអន្លង់វែង ខេត្តឧត្តរមានជ័យ៕
ចែករំលែកព័តមាននេះ