អស់រយៈពេលជិតពីរឆ្នាំហើយដែលក្រុមហ៊ុនហ្វាំងឡង់ Nokia បានអវត្តមានលើទីផ្សារប្រកួតប្រជែងស្មាតហ្វូន ព្រោះតែលក់អាជីវកម្មទូរស័ព្ទទៅឱ្យក្រុមហ៊ុន Microsoft តែក្រុមហ៊ុន Nokia បានប្រកាសពីការវិលចូលទីផ្សារវិញនៅឆ្នាំ២០១៦ ។
យោងតាមប្រភពព័ត៌មាន ថ្មីៗនេះឱ្យដឹងថាក្រុមហ៊ុនធ្លាប់មានឈ្មោះបោះសំឡេងនៅទូទាំងពិភពលោកបានចាប់អារម្មណ៍លើអាជីវកម្មថ្មីផ្សេងទៀតគឺ «ការផលិតឧបករណ៍អេឡិចត្រូនិកពាក់លើក.ដៃ» ។ បើតាមការប្រកាសព័ត៌មានក្នុងកិច្ចប្រជុំទូទៅវិសាមញ្ញ ដែលក្រុមហ៊ុនបានលើកឡើងពីគោលបំណងរបស់ខ្លួនថា ទស្សនៈវិស័យរបស់ Nokia គឺដើម្បីស្រាវជ្រាវ, អភិវឌ្ឍន៍, សង្វាក់ការផលិត, ទីផ្សារ, លក់ និងចែកចាយផលិតផល, កម្មវិធី Software និងសេវាកម្ម ។
តាមរយៈការរៀបរាប់នោះបណ្តាសហគ្រិនបច្ចេកវិទ្យា និងអ្នកវិភាគទីផ្សារបច្ចេកវិទ្យាឱ្យដឹងថា Nokia ត្រៀមនឹងបង្ហាញផលិតផលថ្មីជាពិសេសឧបករណ៍ពាក់លើក.ដៃ (Wearables) ៕
ចែករំលែកព័តមាននេះ