តារាភាពយន្ដហូលីវូដ ដែលចិញ្ចឹមកូនប្រុសខ្មែរនាង អេនចេលីណា ជោលី និងលោកប្រេដភីត ដែលបានរស់នៅជាមួយគ្នាច្រើនតែលេចឮបញ្ហារកាំរកូស ព្រោះតែការចិញ្ចឹមកូនដល់ទៅ៦នាក់ ធ្វើឱ្យពួកគេឃ្លាតឆ្ងាយពីគ្នានោះ ចុងក្រោយនេះនាង ជោលី បានអះអាងថា នាងតែងតែមានពេលគ្រប់គ្រាន់នៅជាមួយប្រេដភីដដោយគ្មានការរំខានពី កូនៗរបស់នាងឡើយដើម្បីរក្សាពន្លឺនៃជីវិតបែបមនោសញ្ចេតនារបស់ពួក នាង ។
តារាភាពយន្ដហូលីវូដ ដែលចិញ្ចឹមកូនប្រុសខ្មែរនាង អេនចេលីណា ជោលី និងលោកប្រេដភីត ដែលបានរស់នៅជាមួយគ្នាច្រើនតែលេចឮបញ្ហារកាំរកូស ព្រោះតែការចិញ្ចឹមកូនដល់ទៅ៦នាក់ ធ្វើឱ្យពួកគេឃ្លាតឆ្ងាយពីគ្នានោះ ចុងក្រោយនេះនាង ជោលី បានអះអាងថា នាងតែងតែមានពេលគ្រប់គ្រាន់នៅជាមួយប្រេដភីដដោយគ្មានការរំខានពីកូនៗរបស់នាងឡើយដើម្បីរក្សាពន្លឺនៃជីវិតបែបមនោសញ្ចេតនារបស់ពួកនាង ។
នាងជោលីបានផ្ដល់បទសំភាសន៍ជាមួយទស្សនាវដ្ដីភារាដេ ថា “កូនៗជាអ្នករឹតចំណងមិត្ដភាពរបស់ពួកនាងទាំងពីរ ប៉ុន្ដែទំនាក់ទំនងនេះក៏មិនមែនអាចរក្សាបាន ដោយពឹងតែលើកូនៗនោះដែរ ។ អ្នកត្រូវតែចេះចាប់អារម្មណ៍ចំពោះគ្នាទៅវិញទៅមក និងត្រូវចំណាយពេលដែលពោរពេញដោយភាពអស្ចារ្យ និងរំភើបជាមួយគ្នា ។ យើងធ្វើបែបនេះឯង ។ ខ្ញុំ និងប្រេដភីដស្រលាញ់គ្នាទៅវិញទៅមក យើងរីករាយជាមួយគ្នា យើងត្រូវការគ្នា ។ យើងតែងតែចំណាយពេលក្នុងឱកាសពិសេសជាមួយគ្នា ។ យើងរក្សាការទាក់ទងរវាងគ្នា ។ វាជាការសំខាន់ក្នុងការនិយាយគ្នា” ។
នាងអេនចេលីណា ជោលី មានវ័យ៣៥ឆ្នាំ បានបង្ហើបឱ្យដឹងពីចំណុចពិសេសរបស់ប្រេដភីតវ័យ៤៦ឆ្នាំថា លោកស្រលាញ់នាងទទួលនាងដោយគ្មានលក្ខខណ្ឌចំពោះគុណវិបត្ដិរបស់នាង ។ នាងបន្ថែមទៀតថា “ដរាបណាប្រេដភីត និងខ្ញុំរីករាយជាមួយគ្នានោះ កូនរបស់យើងនឹងមានឪពុក ម្ដាយដ៏ រីករាយ ហើយនេះក៏ជាអ្វីដែលយើងអាចធ្វើបានសំរាប់ពួកគេ ។ ប្រេដភីត ស្គាល់ខ្ញុំច្បាស់ណាស់ ។ គាត់ស្រលាញ់ខ្ញុំ កូនៗស្រលាញ់ខ្ញុំ។ ពួកគេដឹងពីគុណវិបត្ដិធម្មតារបស់ខ្ញុំពួកគេ ទទួលវាបាន ដូចនេះខ្ញុំមានអារម្មណ៍ល្អគ្រប់គ្រាន់ហើយ” ៕
ចែករំលែកព័តមាននេះ