រាជធានីភ្នំពេញ ៖ រហូតមកទល់ពេលនេះ បញ្ហាបំណុលយ៉ាងចាក់ស្រេះរបស់តារាកំប្លែងអ្នកនាង ខ្ញុង នៅមិនទាន់បានធូរស្រាលនៅឡើយទេ ក្នុងពេលដែលនាងបានសម្តែងក្តីបារម្ភពីកូននៅក្នុងផ្ទៃរបស់នាង ដែលបញ្ហាបំណុលកំពុងធ្វើឲ្យនាងរងសម្ពាធស្ទើរដើរទៅមុខលែងរួច ។ កាលពីពេលថ្មីៗនេះ…
រាជធានីភ្នំពេញ ៖ រហូតមកទល់ពេលនេះ បញ្ហាបំណុលយ៉ាងចាក់ស្រេះរបស់តារាកំប្លែងអ្នកនាង ខ្ញុង នៅមិនទាន់បានធូរស្រាលនៅឡើយទេ ក្នុងពេលដែលនាងបានសម្តែងក្តីបារម្ភពីកូននៅក្នុងផ្ទៃរបស់នាង ដែលបញ្ហាបំណុលកំពុងធ្វើឲ្យនាងរងសម្ពាធស្ទើរដើរទៅមុខលែងរួច ។
កាលពីពេលថ្មីៗនេះ អ្នកនាង ខ្ញុង បានចេញជាវីដែអូមួយនៅលើបណ្តាញសង្គម ដោយអ្នកនាងបានសម្តែងការអរគុណ និងសុំទោសដល់ម្ចាស់បំណុលគ្រប់គ្នា ដែលនាងនៅមិនទាន់មានលទ្ធភាពក្នុងពេលដែលនាង ក៏ព្រមទទួលនូវការស្តីបន្ទោសគ្រប់បែបយ៉ាង ។
អ្នកនាងខ្ញុងបានលើកឡើងថា បច្ចុប្បន្ន នាងកំពុងរស់នៅក្នុងផ្ទះជួល ហើយនាងគ្មានលុយឯណាទៅទិញដី ទិញផ្ទះ ដូចការចោទប្រកាន់ពីអ្នកសិល្បៈម្នាក់នោះឡើយ ហើយនាងក៏ទទួលស្គាល់ពីការយឺតយ៉ាវពីការសងបំណុលគេ ដោយសារមួយរយៈនេះ នាងមិនអាចរកអ្វីបាននោះឡើយ ។
នាងថា ខ្ញុំបាក់ទឹកចិត្តរកអីមិនបាន ខ្ញុំអត់ខឹងទេ ចំពោះម្ចាស់បំណុលដែលចូលទៅខមមិន ចង់ជេរ ចង់ថាឱ្យខ្ញុំ និងចង់ផុសម៉េចពីខ្ញុំក៏បានដែរ ខ្ញុំទទួលទាំងអស់ គឺមានតែអ្នកជំពាក់បំណុលគេទេដែលដឹងចិត្ត ។
យ៉ាងណា នាងបានស្នើសុំទៅកាន់មហាជនមួយចំនួន ដែលមិនបានដឹងរឿង សូមកុំមកប្រមាថដល់គ្រួសារ និងកូនរបស់នាង ហើយរាល់ថ្ងៃនាងស៊ូ ដោយមិនគេចវែសទៅណាឡើយ ក្នុងពេលដែលនាងក៏មិនចង់គិតដើរដល់ផ្លូវទាល់នោះឡើយ ។
ទោះជាយ៉ាងណា បន្ទាប់ពីបានឃើញការបញ្ចេញវីដេអូរៀបរាប់ការលំបាកខាងលើនេះ គេឃើញមានមហាជនជាច្រើនបានចូលទៅធ្វើការខំមិន ដោយមានអ្នកខ្លះបានចាត់ទុកថា អ្វីដែលអ្នកនាង ខ្ញុង លើកឡើងនេះ គ្រាន់ជាការសម្តែងដើម្បីឲ្យគេអាណិត ខណៈពេលដែលនាងមិនបានខំប្រឹងរកប្រាក់សងម្ចាស់បំណុលណាមួយសម្បីមួយរៀល ។
ជាការកត់សម្គាល់ ក្រោយឃើញមានការខមមិនខាងលើនេះ អ្នកនាង ខ្ញុង ក៏បានធ្វើការឆ្លើយតបវិញថា រយៈពេល៤ឆ្នាំហើយដែរខ្ញុំត្រូវរងសម្ពាធផ្លូវចិត្ត ប្រឹងប្រដាបត្រដួសខំរស់ទាំងអាម៉ាស់ តែទោះក្នុងកាលៈទេសៈណា ខ្ញុំមិនដែលគិតថា ចង់ចាកចេញពីពិភពលោកនេះទេ ព្រោះតែទំនួលខុសត្រូវចំពោះមនុស្សដែលខ្ញុំបានបង្កើតមក និងបំណុលដែលខ្ញុំបានសាងឡើង តែហេតុអីថ្ងៃនេះ ខ្ញុំមានអារម្មណ៍ថា ហត់លែងចង់ទៅមុខលែងចង់បន្ត ឬក៏ខ្ញុំត្រូវអស់បុណ្យហើយ តើកូនដែលនៅក្នុងពោះខ្ញុំគ្នានឹងទៅជាយ៉ាងណា។
គួរបញ្ជាក់ថា តារាកំប្លែងអ្នកនាងខ្ញុង ធ្លាប់បានប្រកាសក្តែងៗជាសាធារណៈថា ខ្លួនបានជំពាក់លុយគេប្រមាណ៥០ម៉ឺនដុល្លារ ដោយសារតែរកស៊ីលក់ដូរតាមអនឡាញខាត និងមិនចេះគ្រប់គ្រងលុយពិសេសការចំណាយ ។
អ្នកនាងបញ្ជាក់ថា «កត្តាជំរុញឲ្យគាត់ជំពាក់បំណុលគេច្រើនបែបនេះ ដោយសារមិនចេះគ្រប់គ្រងថវិកា ហើយបានខ្ចីលុយពីម្នាក់ទៅម្នាក់មិនតិចជាង២០នាក់នោះទេ ដើម្បីសងការប្រាក់ឲ្យគេនៅរៀងរាល់ខែ ហើយបំណុលការក្លាយជាដើម ដើមបង្កើនការប្រាក់កាន់តែច្រើន ៕
ចែករំលែកព័តមាននេះ