ឃាត់ខ្លួន​ជនសង្ស័យ ៣​នាក់ ដែល​លួច​គាស់​ផ្ទះ យក​ម៉ូតូ ១​គ្រឿង និង​ទ្រព្យសម្បត្តិ នៅ​ក្រុង​ប៉ោយប៉ែត​ – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

Picture

ឃាត់ខ្លួន​ជនសង្ស័យ ៣​នាក់ ដែល​លួច​គាស់​ផ្ទះ យក​ម៉ូតូ ១​គ្រឿង និង​ទ្រព្យសម្បត្តិ នៅ​ក្រុង​ប៉ោយប៉ែត​

1 ខែ មុន
  • Banteay Meanchey

បន្ទាយមានជ័យ​៖ ប៉េអឹម បាន​ឃាត់ខ្លួន​ជនសង្ស័យ ៣​នាក់ ដែល​បានធ្វើ​សកម្មភាព​លួច​គាស់​ផ្ទះ យក​ម៉ូតូ ១​គ្រឿង និង​ទ្រព្យសម្បត្តិ​នៅ​ក្រុង​ប៉ោយប៉ែត ត្រូវបាន​បញ្ជូនទៅ​សាលាដំបូង​ខេត្តបន្ទាយមានជ័យ ចាត់ការ​តាមច្បាប់…

បន្ទាយមានជ័យ​៖ ប៉េអឹម បាន​ឃាត់ខ្លួន​ជនសង្ស័យ ៣​នាក់ ដែល​បានធ្វើ​សកម្មភាព​លួច​គាស់​ផ្ទះ យក​ម៉ូតូ ១​គ្រឿង និង​ទ្រព្យសម្បត្តិ​នៅ​ក្រុង​ប៉ោយប៉ែត ត្រូវបាន​បញ្ជូនទៅ​សាលាដំបូង​ខេត្តបន្ទាយមានជ័យ ចាត់ការ​តាមច្បាប់ នៅ​ថ្ងៃទី​០៦ ខែឧសភា ឆ្នាំ​២០២១​។​

​លោក​វរៈសេនីយ៍ត្រី នួន នី​ណា​រ៉ូ មេបញ្ជាការ​កងរាជអាវុធហត្ថ​ក្រុង​ប៉ោយប៉ែត បាន​ប្រាប់ថា ជនសង្ស័យ ៣​នាក់ ត្រូវ​ឃាត់ខ្លួន មាន​៖ ១.​ឈ្មោះ ខាំ សុង ហៅ​ដឺ​ន ភេទ​ប្រុស អាយុ ៣៧​ឆ្នាំ ២.​ឈ្មោះ ឌៀប សុឃឿន ហៅ វិត ភេទ​ប្រុស អាយុ ៣៧​ឆ្នាំ (​ធ្វើ​សកម្មភាព​លួច​) ៣.​ឈ្មោះ ហេង ភេទ​ប្រុស អាយុ ៤០​ឆ្នាំ (​អ្នកទទួល​ទិញ​) រស់នៅ​ភូមិ​.​សង្កាត់​.​ក្រុង​ប៉ោយប៉ែត​។​

​លោក​បាន​បញ្ជាក់ថា ក្រោយ​ទទួល​ព័ត៌មាន និង​បណ្តឹង​ឈ្មោះ លឹម ជី​ម៉េង ភេទ​ប្រុស អាយុ ៣៧​ឆ្នាំ រស់នៅ​ភូមិ​មិត្តភាព​សង្កាត់​.​ក្រុង​ប៉ោយប៉ែត បាន​ប្តឹង កាលពី​ម៉ោង ១​យប់ រំលង​អា​ធ្រា​ត្រ ចូល​ថ្ងៃទី​០៥ ខែឧសភា ឆ្នាំ​២០២១ នៅ​ទល់មុខ​សណ្ឋាគារ លី​ហេង​ឆាយ ស្ថិត​ភូមិ​អូរជ្រៅ សង្កាត់​.​ក្រុង​ប៉ោយប៉ែត មាន​ជនសង្ស័យ ១​ក្រុម ធ្វើ​សកម្មភាព​លួច​គាស់​ផ្ទះ​យក​ម៉ូតូ ១​គ្រឿង និង​សម្ភារៈ​មួយចំនួន​។​

​លោក​វរៈសេនីយ៍ត្រី នួន នី​ណា​រ៉ូ បាន​បញ្ជាក់ថា ក្រោយ​ទទួល​ពាក្យបណ្តឹង​កម្លាំង​កងរាជអាវុធហត្ថ ក្រុង​ប៉ោយប៉ែត បានធ្វើការ​ស្រាវជ្រាវ​កំណត់​មុខសញ្ញា​ឃាត់ខ្លួន​ជនសង្ស័យ ៣​នាក់ មាន ២​នាក់ ដែល​ធ្វើ​សកម្មភាព​លួច​គាស់​ផ្ទះ​ម្នាក់ ទទួល​ទិញ​ផល​ចោរកម្ម​ម៉ូតូ ១​គ្រឿង ក្រោយពេល​សាកសួរ ហើយ​ត្រូវបាន​កសាង​សំណុំរឿង បញ្ជូនទៅ​សាលាដំបូង​ខេត្ត ដើម្បី​ចាត់ការ​តាមច្បាប់​៕ ប៊ុន ធឿន​

Picture
Picture
Picture
Picture
Picture