យោង​តាម​ប្រភព​ព័ត៌មាន​ពី​ប្រទេស​កូរ៉េ​ខាងត្បូង​ឱ្យ​ដឹង​ថា ស្មា​ត​ហ្វូ​ន​ស៊េរី​ថ្មី​គឺ Galaxy S7 នឹង​បង្ហាញ​រូបរាង​នៅ​ខែមករា ឆ្នាំ​២០១៦ ក្រោយ​ពី​ការ​រចនា និង​ការ​បំពាក់​បច្ចេកវិទ្យា​ត្រូវ​បាន​បញ្ចប់​កាលពី​ខែកញ្ញា ។   

ស្មា​ត​ហ្វូ​ន Galaxy S6 និង Galaxy S6 Edge បាន​បង្ហាញ​កាលពី​ខែមីនា ចំណែក Galaxy S7 នឹង​ត្រូវ​ប្រកាស​យ៉ាង​ហោច​ណាស់​ឱ្យ​បាន​ពេញ​១​ខែ​មុន ។ នេះ​គឺជា​យុទ្ធសាស្ត្រ​ទីផ្សារ​ថ្មី​មួយទៀត​របស់​ក្រុមហ៊ុន​ដើម្បី​ប្រកួតប្រជែង​ជាមួយ​ផលិតផល​របស់​ក្រុមហ៊ុន Apple គឺ iphone 6S និង iPhone 6S Plus ។ ក្នុង​ពេល​បណ្តោះអាសន្ន​នេះ​ពុំ​មាន​របាយការណ៍​អះអាង​បញ្ជាក់​ពី​លក្ខណៈ​ពិសេស​របស់ Galaxy S7 នោះ​ទេ​ក្រៅពី​រូបរាង​ស្តើង ព្រមទាំង​អាច​នឹង​បំពាក់​បច្ចេកវិទ្យា 3D Touch ដូច iPhone 6S ផង​ដែរ ៕