ក្រោយពីប្រកាសដាក់លក់ឡេបថបស៊េរីដំបូងជាប្រវត្តិសាស្ត្ររបស់ក្រុមហ៊ុន Microsoft កាលពីពេល ថ្មីៗកន្លងមក បានធ្វើឱ្យបណ្តាក្រុមហ៊ុនដទៃទៀតភ្ញាក់ផ្អើលខ្លាំងចំពោះការបោះជំហានចូលទីផ្សារឡេបថប ។ លើសពីនេះទៅទៀតត្រឹមតែរយៈពេលប៉ុន្មានថ្ងៃក្រោយការប្រកាស ឡេបថប Surface Book ត្រូវអតិថិជនទិញអស់ពីស្តុក ។ តើឡេបថបនេះមានចំណុចអ្វីខ្លះ ៖
១-ការរចនា
ខុសពីឡេបថបស៊េរី ផ្សេងៗ Surface Book ត្រូវបានរចនាឡើងប្រកបដោយភាពល្អប្រណីតជាមួយនឹងម៉ាញ៉េស្យូមដែលមិនងាយឡើងកម្តៅទោះប្រើយូរម៉ោងក៏ដោយ ។
២-កម្លាំង
ឡេបថបស៊េរីដំបូងរបស់ក្រុមហ៊ុន Microsoft ដំណើការដោយ Intel Core i5 និង i7 ពីរម៉ូដែល ។ ឡេបថបនេះនឹងផ្តល់ឱ្យក្រាហ្វិកភ្លឺច្បាស់ល្អក្នុងការកែតម្រូវវីដេអូ ។
៣-ថាមពលថ្ម
រយៈពេលប្រើប្រាស់របស់ឡេបថប Surface Book ដល់ទៅ១២ម៉ោងឯណោះ ។ មានន័យថាអតិថិជនទាំងអស់អាចបំពេញការងារបានយ៉ាងស្រួល និងបញ្ចប់ទៅដោយជោគជ័យ ។
៤-តម្លៃ
ឡេបថបទាំងពីរម៉ូដែលនេះមានតម្លៃចាប់ពី ២៧០០ដុល្លារទៅ ។ បើប្រៀបធៀបជាមួយផលិតផលក្រុមហ៊ុន Apple គឺត្រកូល MacBook មានតម្លៃថោកជាង ។
៥-ប្រើបានពីរក្នុងពេលតែមួយ
ឡេបថប Surface Book អាចដោះចេញពីក្តារចុច Keyboard ធ្វើជា Tablet កាន់យ៉ាងងាយស្រួល៕
ចែករំលែកព័តមាននេះ