ខេត្តស្វាយរៀងជាសះស្បើយ២៥នាក់ ខណៈ១៣៦នាក់កំពុងសម្រាកព្យាបាល
- ស្វាយរៀង
ខេត្តស្វាយរៀង ៖ គិតត្រឹមថ្ងៃទី២៦ ខែមេសានេះ ខេត្តស្វាយរៀង ជាសះស្បើយ២៥នាក់ ខណៈ១៣៦នាក់ កំពុងសម្រាកព្យាបាល ។ យោងតាមរបាយការណ៍សេចក្តីជូនដំណឹងរបស់ក្រសួងសុខាភិបាល…
ខេត្តស្វាយរៀង ៖ គិតត្រឹមថ្ងៃទី២៦ ខែមេសានេះ ខេត្តស្វាយរៀង ជាសះស្បើយ២៥នាក់ ខណៈ១៣៦នាក់ កំពុងសម្រាកព្យាបាល ។
យោងតាមរបាយការណ៍សេចក្តីជូនដំណឹងរបស់ក្រសួងសុខាភិបាល ប្រកាសនៅថ្ងៃទី២៧ មេសា ២០២១នេះ ខេត្តស្វាយរៀង នៅថ្ងៃទី២៦ មេសា២០២១ អ្នកមានជម្ងឺកូវីដ១៩ កំពុងសម្រាកព្យាបាលចំនួន១៣៦នាក់ ស្ត្រី៥២នាក់បុរស៨៣នាក់ ក្នុងនោះកំពុងសម្រាកព្យាបាលនៅមន្ទីរពេទ្យស្វាយជ្រំ៥៧នាក់ ស្ត្រី២២នាក់ បុរស៣៥នាក់ ។ កំពុងសម្រាលព្យាបាលនៅមន្ទីរពេទ្យសាមគ្គីរំដួលស្រុករំដួលចំនួន០៩នាក់ ស្ត្រី០៣នាក់បុរស០៦នាក់ ។ កំពុងសម្រាកព្យាបាលនៅមជ្ឈមណ្ឌលព្យាបាលកូវីដ១៩ក្រុងបាវិតចំនួន៦៩នាក់ស្ត្រី២៧នាក់បុរស៤២នាក់ ។ ចំពោះអ្នកឆ្លងថ្មីចំនួន០០នាក់។
ករណីជាសះស្បើយ ខេត្តស្វាយរៀង មានចំនួន២៥ នាក់ រួមមាន ៖ ជនជាតិខ្មែរ១០នាក់ ស្ត្រី០៤នាក់ បុរស់០៦នាក់ ។ បុគ្គល១០នាក់ខាងលើ ត្រូវព្យាបាលបានជាសះស្បើយ ដោយទទួលបានលទ្ធផលតេស្តអវិជ្ជមានវីរុសកូវីដ១៩ចំនួន០២លើក ត្រូវបានអនុញ្ញាតិឲ្យចេញពីមជ្ឈមណ្ឌលព្យាបាលកូវីដ១៩ក្រុងបាវិត ។
ចំណែកជនជាតិខ្មែរ០៩នាក់ ស្ត្រី០២នាក់ បុរស០៧នាក់ ។ បុគ្គល០៩នាក់ខាងលើ ត្រូវព្យាបាលជាសះស្បើយ អនុញ្ញាតិឲ្យចេញពីរមន្ទីរពេទ្យសាមគ្គីរំដួលត្រឡប់ទៅផ្ទះវិញ ។
ជនជាតិខ្មែរ០៤នាក់ ជាស្ត្រី០១នាក់ បុរស០៣នាក់ និងជនជាតិចិន២នាក់ ស្រី០១នាក ប្រុស១នាក់ បុគ្គល០៦នាក់ខាងលើត្រូវព្យាបាលជាសះស្បើយត្រូវអនុញ្ញាតិឲ្យចេញពីមន្ទីរពេទ្យស្រុកស្វាយជ្រំ នេះ គឺជាដំណឹងល្អ ។
ទោះបីជាយ៉ាងណា អាជ្ញាធរសូមឲ្យប្រជាពលរដ្ឋបន្តអនុវត្តតាមវិធានរបស់ក្រសួងសុខាភិបាលនិងបទបញ្ជារបស់រាជារដ្ឋាភិបាល០៣ការពារនិង០៣កុំឲ្យបានជានិច្ច ៕
ចែករំលែកព័តមាននេះ