បន្ទាយមានជ័យ ៖ ម្ចាស់ភោជនីយដ្ឋាន២កន្លែង បានផ្តល់ទីតាំងសម្រាប់កន្លែងព្យាបាលអ្នកជំងឺកូវីដ១៩ អភិបាលខេត្តបន្ទាយមានជ័យ ចុះពិនិត្យមើល នៅថ្ងៃទី២៦ ខែមេសា ឆ្នាំ២០២១ក្រុងប៉ោយប៉ែត ។…
បន្ទាយមានជ័យ ៖ ម្ចាស់ភោជនីយដ្ឋាន២កន្លែង បានផ្តល់ទីតាំងសម្រាប់កន្លែងព្យាបាលអ្នកជំងឺកូវីដ១៩ អភិបាលខេត្តបន្ទាយមានជ័យ ចុះពិនិត្យមើល នៅថ្ងៃទី២៦ ខែមេសា ឆ្នាំ២០២១ក្រុងប៉ោយប៉ែត ។
ក្នុងឱកាសចុះពិនិត្យរៀបចំឯកឧត្តម អ៊ុ រាត្រី អភិបាលខេត្តបន្ទាយមានជ័យ បានថ្លែងអំណគុណយ៉ាងជ្រាលជ្រៅចំពោះ លោក តាំង ប៊ុនហេង ម្ចាស់ភោជនីយដ្ឋានតាំង ប៊ុនហេង និងលោក គឹម ប៊ុនអ៊ី ហៅតាឡាក់ ដែលជាម្ចាស់ភោជនីយដ្ឋាន គឹម ប៊ុនអី បានផ្តល់ទីតាំងភោជនីយដ្ឋានទាំង២កន្លែង សម្រាប់ជាកន្លែងព្យាបាលអ្នកជំងឺកូវីដ១៩ ។
ឯកឧត្តមបានបញ្ជាក់ថា ខណៈពេលដែលភូមិសាស្គ្រក្រុងប៉ោយប៉ែត ត្រូវបានបិតខ្ទប់មិនអោយប្រជាពលរដ្ឋចេញចូល ក្រោយពេលរកឃើញវិជ្ជមានកូវីដ១៩ លើជនជាតិឥណ្ឌូនេស៊ី ដែលត្រូវឆ្លងកូវីដ១៩ ក្នុងសហគមន៍ ដែលកំពុងយកចិត្តទុកដាក់ពីអាជ្ញាធរក្រុងប៉ោយប៉ែត និងស្ថាប័នសមត្ថកិច្ចទាំងបីស្ថាប័ន កំពុងការពារចំណុចក្រហមដែលត្រូវបានបិទស្ទប់ ដើម្បីបង្ការទប់ស្កាត់កូវីដ១៩ មិនអោយរីករាលដាលក្នុងសហគមន៍ ។
ឯកឧត្តម អ៊ុ រាត្រី បានកោតសសើរខ្ពស់ចំពោះម្ចាស់ភោជនីយដ្ឋានទាំង២កន្លែង ក្រុងប៉ោយប៉ែត ដែលមានទឹកចិត្តចូលរួមលះបង់ ដើម្បីសង្គមជាតិជាពិសេសបងប្អូនប្រជាពលរដ្ឋក្រុងប៉ោយប៉ែត ហើយជាក់ស្តែងពេលភោជនីយដ្ឋានទាំង២កន្លែង ត្រៀមបាញ់ទឹកលាង និងបោសសំអាតរៀបចំគ្រែជាច្រើនរយ ដែលត្រូវបានរៀបចំដោយកងកម្លាំងទាំងបី ស្ថាប័នកំពុងខិតខំយកចិត្តទុកដាក់ត្រៀមបម្រុងទុកការពារជាមុន ៕
ចែករំលែកព័តមាននេះ