ទស្សនាវដ្តី «ប៊ីលបត» កាលពីពេល ថ្មីៗកន្លងមកផ្សាយថា នាងឡេឌី ហ្គាហ្គា តារាចម្រៀងជនជាតិអាមេរិកអាយុ២៩ឆ្នាំ ត្រូវបានជ្រើសរើសជាស្ត្រីឆ្នើមប្រចាំឆ្នាំ២០១៥ របស់ទស្សនាវដ្តី ។ ពិធីប្រគល់រង្វាន់នឹងធ្វើនៅថ្ងៃទី១១ ធ្នូ ២០១៥ នៅក្នុងពិធីប្រគំតន្ត្រី Womenin Music ក្រុងញូវយ៉ក ។
ឡេឌីហ្គាហ្គា បានចេញអាល់ប៊ុមឈ្មោះ Cheekto Cheek ជាមួយលោកថូនី បេននេត កាលពីឆ្នាំមុន ដោយទទួលរង្វាន់ Grammy។ អ្នកទាំងពីរបានយកបទក្នុងអាល់ប៊ុមនេះ ច្រៀងរួមគ្នានៅក្នុងកម្មវិធីតន្ត្រីទេសចរណ៍រយៈពេល៣៦ថ្ងៃផងដែរ ។ លើសពីនេះនាងឡេឌី ហ្គាហ្គា មានគម្រោងចេញអាល់ប៊ុមថ្មីនៅឆ្នាំក្រោយ និងចូលរួមសម្តែងនៅក្នុង FX “s” American Horror Story : Hotel ដែលចេញផ្សាយនៅថ្ងៃទី៧ តុលា ក្នុងពិធី Womenin Music ។ ពិធីនោះរៀបចំឡើងដើម្បីផ្តល់កិត្តិយសដល់ស្ត្រីដែលមានឥទ្ធិពលក្នុងវិស័យចម្រៀងប្រចាំឆ្នាំ២០១៥នេះ៕
ចែករំលែកព័តមាននេះ