រាជធានីភ្នំពេញ៖អ្នកជំនាញក្នុងវិស័យទេសចរណ៍បានធ្វើការប៉ាន់ប្រមាណថា ការធ្វើដំណើរកម្សាន្តរបស់ប្រជាពលរដ្ឋក្នុងស្រុកទៅតាមតំបន់រមណីដ្ឋាននានាអាចត្រូវការពេលវេលាយ៉ាងហោចណាស់៣ខែទៀត បើតួលេខនៃការឆ្លងជំងឺកូវីដ១៩មិនមានការកើនឡើង នៅពេលរាជរដ្ឋាភិបាលសម្រេចបញ្ចប់ការបិទរមណីដ្ឋានទេចរណ៍ទូទាំងប្រទេសកាលពីថ្ងៃទី២៥មេសាឆ្នាំ២០២១។
ប្រធានសមាគមទីភ្នាក់ងារទេសចរណ៍កម្ពុជា បានឱ្យដឹងថា ការសម្រេចបញ្ចប់ការបិទរមណីដ្ឋានទេចរណ៍នៅទូទាំងប្រទេសថ្មីៗនេះ បានធ្វើឱ្យប្រជាពលរដ្ឋមានការរសាយចិត្ត ហើយអាចជួយទៅដល់អាជីវកម្មខ្លះៗនៅក្នុងមូលដ្ឋានអាចបើកដំណើរការវិញបាន ហើយពួកគាត់មានការសប្បាយចិត្តនិងសាទរចំពោះសេចក្តីសម្រេចរបស់រាជរដ្ឋាភិបាល អាចធ្វើឱ្យគាត់មានដណ្ហើមអាជីវម្មតឹកៗខ្លះមកវិញ។
លោកស្រីឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា មានប្រសាសន៍ថា«ការធ្វើដំណើរកម្សាន្តរបស់ភ្ញៀវក្នុងស្រុក វាអាស្រ័យទៅលើចំនួនរកឃើញអ្នកឆ្លងជំងឺកូវីដ១៩ ថាមានការកើនឡើងឬថយចុះ។តែបើមិនការថយចុះ ការចេញដើររបស់ភ្ញៀវក្នុងស្រុកក៏មានការកម្រិតដែរ ហើយបើចេញដើរដោយការប្រុងប្រយ័ត្ន និងមិនហ៊ានដើរទៅណាឆ្ងាយនោះទេ។ភ្ញៀវទេសចរក្នុងស្រុក ចាប់ផ្តើមចេញដើរពីជំហានខ្លីៗ»។
លោកស្រីសង្កត់ធ្ងន់ថា« តាមពិតទៅ ទំនោរបស់ប្រជាពលរដ្ឋយើង ឆាប់មានការភ័យខ្លាច តែក៏ឆាប់បាត់ទៅវិញដែរ អីចឹងវាអាស្រ័យទៅលើចំនួននៃការឆ្លងជំងឺកូវីដ១៩វាមានសភាពបែបណា។បើក្នុងដំណាក់កាលបើកដំបូងៗ យើងអាចគ្រប់គ្រងការឆ្លងបាននោះគាត់នឹងជំរុញការដើររបស់ពួកគាត់ទៅលឿន។ដូចនេះខ្ញុំគិតថា យ៉ាងហោចណាស់៣ខែទៀត គាត់អាចចេញដើរបានច្រើនហើយ ក្នុងករណីតួលេខនៃការឆ្លងជំងឺកូវីដ១៩មិនមានការកើនឡើង។តែបើបើកហើយមិនមានការគ្រប់បានល្អនៅតាមរមណីដ្ឋានក៏ធ្វើ ឱ្យគាត់មានការគិតឬភ័យខ្លាចនៃការឆ្លងជំងឺដែរ »។
លោក ធឿន វុឌ្ឍី មគ្គុទេស ទេសចរណ៍ប្រចាំតំបន់អង្គរ បានឱ្យដឹងថាមួយរយៈនេះ យើងបានពន្យាពេលឬរំសាយក្រុងការងារតាំងពីមុនបុណ្យចូលឆ្នាំខ្មែរ តែដល់ពេលឱ្យមានការបើកមកវិញ ខ្ញុំក៏មិនទាន់មានផែនការនៅឡើយទេ យើងធ្វើតែកិច្ចការណា ដែលយើងអាចធ្វើពីចម្ងាយបានដូចជាការរៀបចំទីផ្សារ។
លោកបន្តថា« ខ្ញុំគិតថានៅខែ៥ខាងមុខនេះ យើងចង់ឱ្យមានការរៀបចំការផ្តល់សេវាបណ្តើរៗដល់ពលរដ្ឋក្នុងស្រុកនៅក្នុងតំបន់ជិតៗ មិនមានការធ្វើដំណើរឆ្លងខេត្តដូចពេលមុនៗទេ»៕
ចែករំលែកព័តមាននេះ