ខេត្តស្ទឹងត្រែង ៖ នារីវ័យជាង២០ឆ្នាំម្នាក់ បានរងរបួសដៃម្ខាង ខណៈមិនប្រយ័ត្នត្រូវម៉ាស៊ីន កៀបទឹកអំពៅកិនជាប់ជាមួយដុំដង្កៀបដែកដែលបង្កឲ្យមានការភ្ញាក់ផ្អើល នៅវេលាម៉ោងជាង៤ល្ងាច ថ្ងៃទី១៧ មេសា ២០២១…
ខេត្តស្ទឹងត្រែង ៖ នារីវ័យជាង២០ឆ្នាំម្នាក់ បានរងរបួសដៃម្ខាង ខណៈមិនប្រយ័ត្នត្រូវម៉ាស៊ីន កៀបទឹកអំពៅកិនជាប់ជាមួយដុំដង្កៀបដែកដែលបង្កឲ្យមានការភ្ញាក់ផ្អើល នៅវេលាម៉ោងជាង៤ល្ងាច ថ្ងៃទី១៧ មេសា ២០២១ ក្បែររង្វង់មូលកែងរបងសាលាវិទ្យាល័យព្រះរាជបូជនីយកិច្ចខេត្តស្ទឹងត្រែង ។
នារីរងគ្រោះខាងលើឈ្មោះ នឿន ស្រីនាង អាយុ២៨ឆ្នាំ រស់នៅខាងក្រោយរបងសាលាវិទ្យាល័យព្រះរាជបូជនីយកិច្ច ស្ថិតក្នុងភូមិព្រែក សង្កាត់ស្ទឹងត្រែង ក្រុងស្ទឹងត្រែង ។
តាមប្រភពព័ត៌មានអោយដឹងថា ជាប្រចាំនាងតែងដាក់ធុងទឹកអំពៅ សណ្តោងទូ និងម៉ាស៊ីនកៀបអំពៅ តាមម៉ូតូ ដើម្បីចល័តលក់ពីកន្លែងមួយទៅកន្លែងមួយទៀតនៅរដូវប្រាំង តែជាធម្មតានាងតែលក់នៅខាងលិចរង្វង់មូល ។
ប្រភពបន្តថា ដោយសារតែមិនបានប្រយ័ត្ន ចៃដន្យដៃរបស់នាងបានជ្រុលចូលទៅក្នុងម៉ាស៊ីនកៀបទឹកអំពៅទាំងមានពាក់ស្រោមដៃជ័រអនាម័យពណ៌ក្រហមផង ។
ស្ថិតក្នុងហេតុការណ៍នោះនាងត្រូវបានគេជួយយកទៅកន្លែងជាងជួសជុលម៉ូតូមួយកន្លែងក្បែរនោះ ដើម្បីដោះម៉ូទ័រ និងកាត់ផ្តាច់ដែកម៉ាស៊ីនកិនទឹកអំពៅសង្គ្រោះយកដៃនាងចេញពីម៉ាស៊ីន ។
បន្ទាប់ពីកាត់ផ្ដាច់ភ្លាមៗ នារីរងគ្រោះដែលជ្រុលដៃចូលក្នុងម៉ាស៊ីនកិនទឹកអំពៅត្រូវបានគេជួយដឹកទៅសង្គ្រោះនៅមន្ទីរពេទ្យបង្អែកខេត្តស្ទឹងត្រែង ។ តាមប្រភពព័ត៌ មានបានបញ្ជាក់ថានាងបានរងរបួសធ្ងន់ទៅលើប្រអប់ដៃខាងឆ្វេង ៕
ចែករំលែកព័តមាននេះ