ខេត្តកណ្ដាល ៖ សេចក្តីរាយការណ៍បឋមឲ្យដឹងថា កាលពីថ្ងៃទី១៦ ខែមេសា កម្លាំងសមត្ថកិច្ចនគរបាលប៉ុស្តិ៍រដ្ឋបាលសំរោងលើ បានសហការជាមួយនគរបាលជំនាញស្រុកអង្គស្នួល ខេត្តកណ្តាល ក្រោមការសម្របសម្រួលពីស្ថាប័នអយ្យការសាលា ដំបូងខេត្ត…
ខេត្តកណ្ដាល ៖ សេចក្តីរាយការណ៍បឋមឲ្យដឹងថា កាលពីថ្ងៃទី១៦ ខែមេសា កម្លាំងសមត្ថកិច្ចនគរបាលប៉ុស្តិ៍រដ្ឋបាលសំរោងលើ បានសហការជាមួយនគរបាលជំនាញស្រុកអង្គស្នួល ខេត្តកណ្តាល ក្រោមការសម្របសម្រួលពីស្ថាប័នអយ្យការសាលា ដំបូងខេត្ត ចុះទៅឆែកឆេរលំនៅស្ថានមួយកន្លែងផ្ទះរបស់ឈ្មោះ ពែល មី ស្ថិតក្នុងភូមិត្រពាំងកក់ ដោយបានរកឃើញអាវុធអាកា២ដើម អាវុធខ្លី១ដើម អាវុធកែច្នៃ៣ដើម សម្ភារខុសច្បាប់មួយ ចំនួន រួមមានទាំងថ្នាំញៀនទៀតផង ។
ក្នុងនោះ មានជនសង្ស័យ៣នាក់ ដែលពាក់ព័ន្ធហើយក៏កំពុងគេចខ្លួន ១-ឈ្មោះពែល មី ភេទប្រុស អាយុ២០ឆ្នាំ រស់នៅភូមិ ត្រពាំងត្បែង ឃុំសំរោងលើ ស្រុកអង្គស្នួល(កាន់កាប់អាវុធម៉ាកAk ស្វាយបត់ចំហៀង១ដេីម បង់១គ្រាប់២៧គ្រាប់) ។ ២-ឈ្មោះ ធីម ឌឿន (ហៅពែក) ភេទប្រុស អាយុ២១ឆ្នាំ មានទីលំនៅភូមិត្រពាំងត្បែង ឃុំសំរោងលើ ស្រុកអង្គស្នួល មុខរបរ មិនពិតប្រាកដ (កាន់កាប់អាវុធម៉ាកAK កាត់ស្វាយ១ដេីម បង់១ គ្រាប់៣០គ្រាប់ និងអាវុធខ្លីម៉ាក ប្រាហា ១ដេីម បង់១ គ្រាប់៦ គ្រាប់ និង ស្រោម១ ហើយឈ្មោះ ធីម ឌឿន (ហៅពែក) មានដីកាបង្គាប់ឱ្យចាប់ខ្លួនពីបទ.ជួញដូរ ដោយខុសច្បាប់នូវសារធាតុញៀនផងដែរ ។៣-ឈ្មោះសល់ រស្មី ភេទប្រុស អាយុ២១ ឆ្នាំ មានទីលំនៅភូមិត្រពាំងត្បែង ឃុំសំរោងលើ ស្រុកអង្គស្នួល មុខរបរ មិនពិតប្រាកដ ។
ក្នុងនោះ វត្ថុតាងចាប់យករួមមាន ៖ ១.អាវុធម៉ាកAk ស្វាយបត់ចំហៀង១ដេីម បង់១ គ្រាប់២៧គ្រាប់ ២.អាវុធម៉ាកAKកាត់ស្វាយ១ដេីម បង់១ គ្រាប់៣០ គ្រាប់ ។ ៣.អាវុធខ្លីម៉ាក ប្រាហា ១ដេីម បង់១ គ្រាប់៦ គ្រាប់ និង ស្រោម ១ ។៤-អាវុធច្នៃប្រើខ្យល់ បាញ់ គ្រាប់កង់៣ដេីម ។ ៥-ដាវ១ដើម ពូថៅដៃដងឈើ១ កាំបិតប៉័ងតោ១ និងកន្ត្រៃ ១ ។៦.ថ្នាំញៀនម៉ាទឹកកក១កញ្ចប់ធំ ថ្នាំ ញៀនWY ២គ្រាប់ និងឧបករណ៍ប្រេីប្រាស់វេចខ្ចប់ថ្នាំញៀនមួយចំនួនទៀត ។
សេចក្តីរាយការណ៍បន្តថា មុនការចុះបង្ក្រាបករណីខាងលើនេះ កម្លាំងប៉ុស្តិ៍នគរបាលរដ្ឋបាលឃុំសំរោងលេី បានទទួលព័ត៌មានតាមរយៈទូរស័ព្ទពីកម្មកររោងចក្រកាត់ដេរម្នាក់រាយការណ៍ថា មានឈ្មោះ សល់ រស្មី (ត្រូវជាក្មួយបង្កើត) បានយកកាំភ្លើងកែច្នៃ(ប្រេីខ្យល់ដាក់ហ្គាស់បាញ់គ្រាប់កង់)គំរាមថា បាញ់សម្លា.ប់ដោយសុំលុយ៥.០០០រៀល ។ ក្រោយពីទទួលបានព័ត៌មានភ្លាម កម្លាំងប៉ុស្តិ៍ សហការជាមួយកម្លាំងផ្នែកជំនាញស្រុក បានចុះទៅកន្លែងកេីតហេតុ ដេីម្បីពិនិត្យ និងស្រាវជ្រាវ តែមុនពេលទៅដល់ ជនសង្ស័យបានរត់គេចខ្លួនអស់ បន្សល់ទុកអាវុធកែច្នៃ១ដេីមក្នុងផ្ទះ ។ បន្ទាប់មក កម្លាំងសមត្ថកិច្ចក៏បានបន្តការស្រាវជ្រាវ និងតាមរកចាប់ខ្លួនជនសង្ស័យ ដោយបានដឹងថា ជនសង្ស័យទាំង៣នាក់ កំពុងពួនសំងំនៅផ្ទះឈ្មោះ ពែល មី ប៉ុន្តែនៅពេលសមត្ថកិច្ចទៅដល់ ជនសង្ស័យទាំង៣នាក់នោះបាននាំគ្នារត់គេចខ្លួនចូលព្រៃខាងកេីតផ្ទះបាត់អស់ ។
ពេលនោះ កម្លាំងសមត្ថកិច្ចបានប្រទះឃេីញអាវុធAKស្វាយបត់១ដេីមលាក់ទុក នៅក្នុងសំបុកមាន់ និងឧបករណ៍ប្រេីប្រាស់ថ្នាំញៀនវេចខ្ចប់មួយចំនួនទៀត នៅក្នុងផ្ទះឈ្មោះ ពេល មី នេះ នឹងដោយមានបទបញ្ជាពីលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល និងមានការសម្របសម្រួល ដោយឯកឧត្តម លាវ ស្រេង ព្រះរាជ អាជ្ញា នៃអយ្យការអមសាលាដំបូងខេត្តកណ្តាល មានការចូលរួមពី លោកនាយករដ្ឋបាលសាលាស្រុកលោកមេឃុំ លោកនាយប៉ុស្តិ៍រដ្ឋបាល លោកមេភូមិ និងនៅចំពោះមុខឈ្មោះ សាឡយ វិច្ឆិកា ភេទស្រីអាយុ១៦ឆ្នាំ រស់នៅភូមិត្រពាំងត្បែង ឃុំសំរោងលើ ស្រុកអង្គស្នួល មុខរបរមិនពិតប្រាកដ ជាប្រពន្ធរបស់ជនសង្ស័យឈ្មោះ ពែល មី អនុញ្ញាតឱ្យកម្លាំងសមត្ថកិច្ច ដឹកនាំដោយលោកវរសេនីយ៍ឯក មាន សំណាង អធិការនគរបាលស្រុក ធ្វេីការឆែក ឆេរផ្ទះជនសង្ស័យរកឃេីញអាវុធAKស្វាយបត់១ដេីមទៀត អាវុធខ្លី១ដើម ម៉ាកប្រាហា និងដាវ០១ដើម ពូថៅដៃដងឈើ០១ និងកាំបិតប៉័ងតោ១ និងអាវុធច្នៃ០២ដេីម(កាំភ្លើងខ្យល់)និងឃើញថ្នាំ.ញៀ.នមួយកញ្ចប់ធំ ។
ចំពោះឈ្មោះ សាឡយ វិច្ឆិកា ត្រូវបាន សមត្តកិច្ចអញ្ជេីញគាត់ទៅកាន់អធិការដ្ឋាននគរបាលស្រុក ដេីម្បីសាកសួរលើករណីនេះ ។ តាមចម្លេីយសារភាពរបស់ឈ្មោះ សាឡយ វិច្ឆិកា បានឆ្លេីយថាខ្លួនជាអ្នកលក់ថ្នាំញៀន ចំណែកអាវុធខាងលេីនេះត្រូវបានឈ្មោះ ពែល មី យកមកលាក់ទុកក្នុងផ្ទះខ្លួន នៅព្រឹកថ្ងៃទី១៦ ខែមេសា ឆ្នាំ២០២១ ។ វត្ថុតាងត្រូវបាននាំយកមកកាន់អធិការដ្ឋាននគរបាលស្រុក និងកសាងសំណុំរឿង បន្តចាត់ការតាមនីតិវិធី ៕ ដោយ៖ ឃឹម ប៊ុនណាក់
ចែករំលែកព័តមាននេះ