រាជធានីភ្នំពេញ ៖ ទោះបីមានការមមាញឹក និងកិច្ចការផ្ទៃក្នុងប្រទេសក្នុងការទប់ស្កាត់ជំងឺកូវី១៩ក្តី សម្តេចតេជោ ហ៊ុន សែននាយករដ្ឋមន្តីនឹងអញ្ជើញទៅចូលរួមកិច្ចប្រជុំអាស៊ានផ្ទាល់នៅប្រទេសឥណ្ឌូនេស៊ី នៅថ្ងៃទី២៤ ខែមេសា ខាងមុខនេះ…
រាជធានីភ្នំពេញ ៖ ទោះបីមានការមមាញឹក និងកិច្ចការផ្ទៃក្នុងប្រទេសក្នុងការទប់ស្កាត់ជំងឺកូវី១៩ក្តី សម្តេចតេជោ ហ៊ុន សែននាយករដ្ឋមន្តីនឹងអញ្ជើញទៅចូលរួមកិច្ចប្រជុំអាស៊ានផ្ទាល់នៅប្រទេសឥណ្ឌូនេស៊ី នៅថ្ងៃទី២៤ ខែមេសា ខាងមុខនេះ ។
សម្តេចបានសរសេរលើបណ្តាញសង្គមហ្វេសប៊ុក នៅថ្ងៃទី១៦ មេសា ដោយភារកិច្ចខានមិនបានក្នុងការចូលរួមប្រជុំអាស៊ាន នាថ្ងៃទី២៤ មេសា ២០២១ ខាងមុខ នៅរដ្ឋធានីហ្សាកាតាប្រទេសឥណ្ឌូណេស៊ី ។
សម្តេចបញ្ជាក់ថា«កិច្ចការដែលខ្ញុំត្រូវធ្វើ ដើម្បីការពារការឆ្លងកូវីដ-១៩ ស្របតាមវិធានការសុខាភិបាល ដំបូងខ្ញុំត្រូវចាក់វ៉ាក់សាំងដូសទី២ នៅថ្ងៃទី២០ មេសា ២០២១ ដែលមុននោះគ្រោងចាក់នៅថ្ងៃទី២៩ មេសា ២០២១ ។ ថ្ងៃទី២៣ មេសា ២០២១ ត្រូវយកសំណាកពិនិត្យ ដើម្បីទទួលលិខិតបញ្ជាក់សម្រាប់អោយអាជ្ញាធរសុខាភិបាលឥណ្ឌូណេស៊ី»។
សម្តេចបន្តថា ព្រឹកថ្ងៃទី២៤ មេសា ២០២១ ចេញដំណើរទៅហ្សាកាតា ។ ពេលទៅដល់ត្រូវយកសំណាកពិនិត្យម្តងទៀត ។ ពេលរសៀលការប្រជុំចាប់ផ្តើមពេលចប់មិនថា ថ្ងៃឬយប់ខ្ញុំត្រូវត្រឡប់មកវិញ ។ ពេលមកដល់ព្រលានយន្តហោះអន្តរជាតិភ្នំពេញ ខ្ញុំត្រូវយកសំណាកពិនិត្យម្តងទៀត ។ មកដល់ផ្ទះខ្ញុំត្រូវធ្វើចត្តាឡីស័ក១៤ថ្ងៃ ជាមួយនឹងការពិនិត្យសំណាក២ទៅ៣ដងទៀត ។
សម្តេចគូសបញ្ជាក់ថា ដើម្បីធានាសុវត្ថិភាពសម្រាប់ភរិយា កូន និងចៅ ខ្ញុំត្រូវអោយភរិយាខ្ញុំនាំកូន និងចៅទៅសម្រាកនៅទីកន្លែងផ្សេង ។ សមាជិកប្រតិភូដែលធ្វើដំណើរជាមួយខ្ញុំ ត្រូវយកសំណាក និងធ្វើចត្តាឡីស័ក១៤ថ្ងៃដូចគ្នា ។ មានអ្នកអោយយោបល់ខ្ញុំថា ដោយសារខ្ញុំចាក់វ៉ាក់សាំងរួចហើយ ខ្ញុំគួរធ្វើចត្តាឡីស័ក៧ថ្ងៃបានហើយ តែខ្ញុំបានប្រាប់ទៅពួកគាត់វិញថា ខ្ញុំចង់ធ្វើអោយប្រាកដថា ខ្ញុំមិនមានវិជ្ជមានកូវីដ-១៩ នោះទេ ព្រោះខ្ញុំត្រូវធ្វើការជាមួយមនុស្សច្រើនគ្នា ពិសេសចៅៗរបស់ខ្ញុំទាំងតូចទាំងធំតែងមកលេងច្របាច់ជើង និងគេងលើគ្រែព្រមទាំងរត់លេងក្នុងបន្ទប់របស់ជីតា ៕
ចែករំលែកព័តមាននេះ