រាជធានីភ្នំពេញ ៖ ក្នុងថ្ងៃចូលឆ្នាំខ្មែរចូលមកដល់ តារាសម្តែង កុសម៉ា លីនដា បានផ្ញើសារដោយបានស្នើសុំឱ្យប្រជាពលរដ្ឋខ្មែរទាំងអស់អញ្ជើញទៅចាក់ថ្នាំបង្ការជំងឺកូវី១៩ ដើម្បីចូលរួមជាមួយរាជរដ្ឋាភិបាលក្នុងការទប់ស្កាត់ជំងឺដ៏កាចសា.ហាវមួយនេះ។
តាមរយៈគណនេយ្យហ្វេសប៊ុករបស់ខ្លួន តារាសម្តែងក្នុងបទ «ស្នេហ៍ក្រៅផ្លូវការ» នាង កុសម៉ា លីនដា បានបង្ហោះសារថា «រយៈពេលប៉ុន្មានខែនេះ ជំងឺដ៏កាចសា.ហាវ COVID-19 និង COVID បំប្លែងថ្មី បានវាយលុកខ្លាំងណាស់ ធ្វើអោយប្រជាជនខ្មែរបាត់បង់ប្រាក់ចំណូល បាត់បង់ការងារ ហានិភ័យលើសុខភាព។ ធ្វើអោយរាជរដ្ឋាភិបាល មានបន្ទុកត្រូវមើលថែប្រជាជនទូទាំងប្រទេស ។ ធ្វើអោយសេដ្ឋកិច្ចប្រទេសធ្លាក់ចុះទាំងស្រុង និងធ្វើអោយបាត់បង់កំណើននៃការអភិវឌ្ឍន៍ប្រទេស ។
នាងសូមមេត្តាប្រជាជនខ្មែរទាំងអស់ ចូលរួមសហការតាមច្បាប់របស់ប្រមុខរាជរដ្ឋាភិបាល ដោយគោរពតាម « បម្រាម គោរចរ » សូមមេត្តាអញ្ជើញចូលរួមទៅចាក់វ៉ាក់សាំងអោយបានគ្រប់គ្នា សារពីនាងខ្ញុំ កុសម៉ា លីនដា សូមអង្វរដល់ប្រជាជនទូទាំងប្រទេស សូមទៅចាក់វ៉ាក់សាំងអោយបានគ្រប់គ្នា ដើម្បីពួកយើងអាចចាប់ផ្តើមធ្វើការងារឡើងវិញទាំងអស់គ្នា ដោយសុវត្ថិភាពពេញមួយប្រទេស។
សូមចូលរួចដើម្បីប្រទេសយើងទាំងអស់គ្នាណា៎ «៣កុំ ៣ការពារ»។ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ឆ្នាំឆ្លូវ ២០២១ នាងខ្ញុំ កុសម៉ា លីនដា សូមក្រាបសំពះគោរពជូនពរដល់ទ្រង់ព្រះមហាក្សត្រ សម្តេចពុក សម្តេចម៉ែ និងប្រជាពលរដ្ឋខ្មែរទូទាំងប្រទេស សូមអោយជួបតែពុទ្ធពរ បួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ។
សូមទេវតាឆ្នាំថ្មី ព្រះនាង មណ្ឌាទេវី បុត្រីទី៤ នៃកបិលមហាព្រហ្ម ចុះមកថែរក្សាប្រជាជនកម្ពុជាទូទាំងប្រទេស អោយមានជីវិតថ្លៃដោយគ្នាអ្វីមកប្តូរបាន ។ សូមអោយកូនចៅខ្មែរទាំងអស់រួចផុតពីគ្រោះរោគដ៏កាចសា.ហាវមួយនេះ៕
ចែករំលែកព័តមាននេះ