បើយើងនៅតែស្តាយ ខ្វាយអាល័យនឹងអតីតកាល វាធ្វើឱ្យយើងរឹតតែខាតពេលវេលា ថែមទាំងឈឺក្បាលព្រោះតែគិតរឿងឥតប្រយោជន៍ ។
របស់ខ្លះក្នុងលោកនេះ បើយើងមិនព្រមបោះបង់ចោលទេ គឺមានតែខាតបង់មិនចំណេញអ្វីសោះ ប្រៀបដូចជា ស៊ីមកាតទូរសព្ទដូច្នោះដែរ ។ ស៊ីមកាត ដែលលើសសុពលភាពពីការប្រើប្រាស់អ៊ីចឹង បើយើងស្ដាយ មិនព្រមបោះចោលទេ នៅតែមានះដាក់បញ្ចូលលុយ ដើម្បីសុពលភាព ក៏កាតនោះនៅតែមិនអាចប្រើប្រាស់បានដដែល ។
ដូចនេះយើងមិនគួរស្ពាយរឿងអតីតកាលជាប់តាមខ្លួនច្រើនពេកទេ រឿងណាដែលយើងគិតថាជារឿងឥតប្រយោជន៍ គួរលះវៀរខ្លះទៅ កុំស្ពាយជាប់តាមខ្លួនច្រើនពេកធ្ងន់ណាស់ ហើយក៏ពុំបានផ្តល់ផលប្រយោជន៍អ្វីនោះទេ ៕ សាន សារិន
ចែករំលែកព័តមាននេះ