ខេត្តស្វាយរៀង ៖ មានករណីប្រទះឃើញបុរសម្នាក់បានបាត់បង់ជីវិតនៅកណ្តាលវាលស្រែបង្កឲ្យមានការភ្ញាក់ផ្អើលដល់ប្រជាពលរដ្ឋមកចោមរោមមើល និងរាយការណ៍ទៅសមត្ថកិច្ចឲ្យមកពិនិត្យ ដោយគេដាក់ការសង្ស័យថាអាចជាអំពើឃា.តកម្ម ។ បើតាមគ្រូពេទ្យជំនាញចុះពិនិត្យ និងធ្វើកោសល្យវិច្ច័យបានបញ្ជាក់ថា បុរសរងគ្រោះបាត់បង់ជីវិតដោយសារខ្យល់គ ។
ហេតុការណ៍៍ខាងលើនេះបានបង្កការភ្ញាក់ផ្អើលកើតឡើងកាលពីវេលាម៉ោង៣និង៤៥នាទីរសៀលថ្ងៃទី៥ ខែមេសា ឆ្នាំ២០២១ ស្ថិតក្នុងភូមិថ្នល់កែង ឃុំកណ្តៀងរាយ ស្រុកស្វាយទាប ខេត្តស្វាយរៀង។
បើតាមសមត្ថកិច្ចប៉ុស្តិ៍នគរបាលរដ្ឋបាលឃុំកណ្តៀងរាយបានបានឲ្យដឹងថា លោកទទួលព័ត៌មានតាមរយ:ទូរស័ព្ទពីឈ្មោះឃ្លាំង សុភ័ក្រ ជាមេភូមិ ថ្នល់កែងថា ប្រជាពលរដ្ឋប្រទះឃើញសាកសពបុរសម្នាក់ឈ្មោះហែន សាវ៉ុន អាយុ៥១ឆ្នាំ រស់នៅភូមិថ្នល់កែង ឃុំ កណ្តៀងរាយ ស្រុកស្វាយទាប ខេត្តស្វាយរៀង បានដេកស្លា.ប់កណ្តាលវាស្រែនៅវេលាចន្លោះពីម៉ោង៩ព្រឹកទៅម៉ោង៣និង៣០នាទីរសៀលថ្ងៃទី៥ មេសា នៅចំណុចវាលស្រែខាងលិចផ្ទះចម្ងាយពីផ្ទះប្រហែល១០០ម៉ែត្រ ស្ថិតក្នុងភូមិថ្នល់កែង ឃុំកណ្តៀងរាយ ស្រុកស្វាយទាប ខេត្តស្វាយរៀង។
តាមប្រភពដដែលបានបន្តទៀតថា ក្រោយពីទទួលបានព័ត៌មានខាងលើនេះភ្លាម សមត្ថកិច្ចបានចុះទៅដល់កន្លែងកើតហេតុរួមជាមួយលោកវិជ្ជបណិ្ឌតអូយ ថៃ ជាគ្រូពេទ្យបង្អែកស្រុកស្វាយទាប ដើម្បីធ្វើការសាកសួរនិងពិនិត្យស.ព លទ្ធផលនៃការពិនិត្យធ្វើកោសលវិច្ច័យ បានរកឃើញថា ជនរងគ្រោះស្លា.ប់ដោយសារខ្យល់គ ពុំមែនជាអំពើឃា.តកម្មនោះទេ។
បើតាមសាច់ញាតិជនរងគ្រោះបានឲ្យដឹងថា ជនរងគ្រោះផឹកស្រាស្រវឹងជាប្រចាំស្ទើរាល់ថ្ងៃ ហើយមុនថ្ងៃកើតហេតុ ជនរងគ្រោះបានផឹកស្រាស្រវឹងហើយបានដើរមកពីផ្ទះបងបង្កើតឈ្មោះហែន សាវី ភេទប្រុស នៅភូមិជាមួយគ្នា ក្នុងគោលបំណងត្រឡប់ទៅផ្ទះវិញ ក៏ប៉ុន្តែដោយសារជនរងគ្រោះស្រវឹងខ្លាំងក៏កើតខ្យល់គ ដួលស្លា.ប់នៅកណ្តាលវាលស្រែបែបនេះតែម្តង។
បច្ចុប្បន្ន ស.ពត្រូវបានសមត្ថកិច្ចប្រគល់ទៅអោយគ្រួសារដើម្បីធ្វើបុណ្យទៅតាមប្រពៃណីផងដែរ៕
ចែករំលែកព័តមាននេះ