ស៊ូ ដាណេ ប្រកាសធ្វើរឿងល្អមួយសម្រាប់លោកតាព្រឹទ្ធាចារ្យ គង់ ណៃ
- ភ្នំពេញ
រាជធានីភ្នំពេញ ៖ តារាពហុជំនាញ នាង ស៊ូ ដាណេ បានប្រកាសធ្វើរឿងល្អមួយសម្រាប់ជាផលប្រយោជន៍ដល់ព្រឹទ្ធចារ្យចាប៉ីដងវែង គង់ ណៃ បន្ថែមចំណូល…
រាជធានីភ្នំពេញ ៖ តារាពហុជំនាញ នាង ស៊ូ ដាណេ បានប្រកាសធ្វើរឿងល្អមួយសម្រាប់ជាផលប្រយោជន៍ដល់ព្រឹទ្ធចារ្យចាប៉ីដងវែង គង់ ណៃ បន្ថែមចំណូល…
រាជធានីភ្នំពេញ ៖ តារាពហុជំនាញ នាង ស៊ូ ដាណេ បានប្រកាសធ្វើរឿងល្អមួយសម្រាប់ជាផលប្រយោជន៍ដល់ព្រឹទ្ធចារ្យចាប៉ីដងវែង គង់ ណៃ បន្ថែមចំណូល និងចូលរួមផ្សព្វផ្សាយ និងរក្សាកេរមរតកសិល្បៈចំណាស់មួយនេះ។
អ្វីដែលតារារូបនេះធ្វើដើម្បីផ្តល់ប្រយោជន៍ដល់លោកតា គង់ ណៃ នាពេលនេះ គឺការអញ្ជើញព្រឹទ្ធាចារ្យចាប៉ីដងវែងនេះសម្តែងតាមផកហ្វេសប៊ុករបស់ខ្លួន ជាមួយនឹងការផ្តល់កម្រៃសមរម្យ តាមលទ្ធភាពដែលនាងមាន។
ស៊ូ ដាណេ បានប្រកាសតាមបណ្តាញសង្គមហ្វេសប៊ុករបស់នាងថា «ខ្ញុំដឹងតម្លៃលោកតា គង់ណៃ ហើយសម្តែងម្តងចាប់ពី៥០០ដុល្លារឡើងទៅ។ នាងបញ្ជាក់ថា ខ្ញុំនឹងរៀបចំអញ្ជើញលោកតា live ក្នុងផេកនេះ រៀងរាល់ចុងសប្តាហ៍ ហើយខ្ញុំនឹងចំណាយ ប្រាក់ក្នុងហោប៉ៅ តាមលទ្ធភាពខ្ញុំជៀសវាងពាក្យថា កេងចំណេញលើលោកតា!។នាងថា ចំពោះការខ្វះខាតខ្ញុំនឹងទទួលការសុំចូលរួម បរិច្ចាគរបស់បងប្អូនប្រិយមិត្រដែលចង់ចូលរួម ។
នាងបញ្ជាក់ថា ខ្ញុំមិនទទួលប្រាក់លើសកម្រិតឡើយ! ហើយក៏មិនទទួលប្រាក់បរិច្ចាកទុកមុនដែរ ចំណុចពិសេសមួយទៀត គឺមិនទទួល ស្ព័នស័រ ពាណិជ្ជកម្ម រត់ចុះរត់ឡើងនាំខូចអារម្មណ៍ សូមអភ័យទោស។ បើតាម ស៊ូ ដាណេ ការដែលនាងធ្វើរឿងនេះឡើងគឺក្នុងគោលបំណង គឺចងក្រងឯកសារជូនលោកតាគង់ណៃឱ្យក្មេងជំនាន់ក្រោយ បានស្គាល់តៗគ្នា មិនមែនត្រឹមតែចម្រៀងរ៉េបមួយបទ។ ពញ្ញាក់ស្មារតីកូនខ្មែរឱ្យយល់និងស្គាល់អំពីរសជាតិ គុណតម្លៃ ដែលបានមកពីការស្តាប់ចម្រៀងចាប៉ីតាមរយៈគេហទំព័រមួយនេះ។
នាងបញ្ជាក់ថា ការពិតរឿងជីវភាពគាត់មានឬខ្វះខាត ក៏ជាការគិតមួយដែរ រួមទាំងព្រឹទ្ធាចារ្យជាច្រើនរូបទៀត ។តែនិយាយត្រង់ទៅ ខ្ញុំនៅតែបន្តគម្រោងរៀបចំទស្សនិយភាពចាប៉ី ខ្នាតតូចមួយសម្រាប់liveជូនកូនខ្មែរទស្សនា ទោះបីជាគាត់បានទទួល
ជំនួយ។ នាងថា ខ្ញុំគ្មានលុយទេ ជំពាក់គេជុំទិស ជាពិសេសធានាគារ តែខ្ញុំនិងធ្វើឱ្យបាន ជាពិសេស លោកតាៗផ្សេងៗទៀត ព្រមទាំងកូនខ្មែរជាច្រើនកំពុងរៀនចាប៉ី ជាឱកាសសម្រាប់គាត់បានសម្តែង ដោយមានការជ្រោមជ្រែងពីប្រិយមិត្រ ។
ខ្ញុំមិនមែនរៃអង្គាលសម្រាប់ជីវភាពគាត់ទេ តែជាការរួមចំណែកលើកកម្ពស់វិស័យសិល្បៈលើរូបភាពត្រឹមត្រូវ ហើយសិល្បករសិល្បការនី មានកិត្តិយសថ្លៃថ្នូរ ក្នុងឃឿនវប្បធម៌ដ៏ស្រស់បំព្រង ដែលកូនខ្មែរគ្រប់រូបបានលើកកម្ពស់ពិត។នាងថា គម្រោងរបស់ខ្ញុំគ្មានកម្មសិទ្ធិបញ្ញាទេ ជួយដណ្តើមគ្នាយកទៅធ្វើផង។
ជាការកត់សម្គាល់ការប្រកាសធ្វើរឿងខាងលើពី ស៊ូ ដាណេ នាពេលគឺ កើតឡើងបន្ទាប់ពីMVបទចម្រៀងរ៉េបមួយបទរបស់តារាចម្រៀង វណ្ណដា ដោយភ្ជាប់ជាមួយការសម្តែងនឹងច្រៀងចាប៉ីដងវែងពីព្រឹទ្ធាចារ្យ គង់ ណៃ នោះបានទទួលការចាប់អារម្មណ៍ខ្លាំង និងមានអ្នកចូលទស្សនារាប់ម៉ឺននាក់ក្នុងរយៈពេលដ៏ខ្លី៕
ចែករំលែកព័តមាននេះ