រាជធានីភ្នំពេញ ៖ អតីតតារាម៉ូដែល និងសម្តែង អ្នកនាង សុផា លីនដា ដែលបានបង្កាត់ចំណងស្នេហ៍ជាមួយស្វាមីជាអាណិកជនអាមេរិក បានពពោះពេញ៩ខែ១០ថ្ងៃដោយបរិបូរណ៍។ ពេលនេះអ្នកនាង…
រាជធានីភ្នំពេញ ៖ អតីតតារាម៉ូដែល និងសម្តែង អ្នកនាង សុផា លីនដា ដែលបានបង្កាត់ចំណងស្នេហ៍ជាមួយស្វាមីជាអាណិកជនអាមេរិក បានពពោះពេញ៩ខែ១០ថ្ងៃដោយបរិបូរណ៍។ ពេលនេះអ្នកនាង បានឆ្លងទន្លេ ទទួលចំណងដៃកាដូបេះដូងនូវ កូនស្រីម្នាក់។
ដំណក់ឈាមនេះ បានធ្វើឱ្យសាច់ញាតិទាំងសងខាងកាន់តែរីករាយ។ ឯស្វាមីបណ្តូលចិត្តរបស់លីនដា រឹតតែរំភើបពេលបានក្លាយជាលោកឪពុកគេ។ យ៉ាងណាមិញចំណងស្នេហ៍មួយនេះ មានងារត្រឹមតែជាគូដណ្តឹងគ្នាប៉ុណ្ណោះ ដោយមិនទាន់បានរៀបការក្រាបសំពះផ្ទឹមនៅឡើយទេ។ នេះជាតារាសិល្បៈម្នាក់ទៀត ដែលមានកូនមុនរៀបការ ឬជាប់នាមត្រឹមតែគូដណ្តឹង។
ទោះបីបែបនេះក្តី នេះជាវិថីជីវិតឯកជនរបស់សុផា លីនដា។ លើសពីនេះ ប្រហែលជាពេលវេលាទៅមុខល្អ ណាមួយអំណោយផល ប្រហែលជានាងនឹងបុរសបណ្តូលចិត្ត រួមចិត្តគ្នារៀបការឱ្យគេមើលឃើញនឹងមិនចោលរំលងច្បាប់ប្រពៃណីឡើយ។
បន្ទាប់ពីបានសម្រាលកូនប្រកបដោយសុវត្ថិភាព ឃើញថា មានមិត្តភក្តិ និងសិល្បកររួមអាជីពមួយចំនួន បានជូនពរម្តាយកូនឱ្យសុខភាពល្អរឹងមាំតទៅទៀត។ ចំពោះវិថីសិល្បៈ នៅមិនទាន់ដឹងថា លីនដា បោះបង់ទាំងស្រុង ឬមួយទុកមួយអន្លើសិន គ្រាកំពុងតែជាប់ដៃមានកូន និងមើលថែទាំស្វាមីឱ្យកាន់តែសុខសាន្តបន្ថែម។
ចែករំលែកព័តមាននេះ