យោងតាមគម្រោងអច្ឆរិយៈភាពនៃទន្លេមេគង្គបានដក់ស្រង់នូវប្រវត្តិខ្លះរបស់សត្វអណ្តើកមួយប្រភេទ ដែលជាសត្វកម្រ ហើយជិតផុតពូជផងដែរ ។ តោះ! ចង់ដឹងថា សត្វនេះមានប្រវត្តិយ៉ាងណា មកស្តាប់ការចែករំលែកទាំងអស់គ្នា ។ គម្រោងអច្ឆរិយៈភាពនៃទន្លេមេគង្គបានបន្តឱ្យដឹងថា…
យោងតាមគម្រោងអច្ឆរិយៈភាពនៃទន្លេមេគង្គបានដក់ស្រង់នូវប្រវត្តិខ្លះរបស់សត្វអណ្តើកមួយប្រភេទ ដែលជាសត្វកម្រ ហើយជិតផុតពូជផងដែរ ។ តោះ! ចង់ដឹងថា សត្វនេះមានប្រវត្តិយ៉ាងណា មកស្តាប់ការចែករំលែកទាំងអស់គ្នា ។
គម្រោងអច្ឆរិយៈភាពនៃទន្លេមេគង្គបានបន្តឱ្យដឹងថា អណ្តើកភ្នំ ឬអណ្ដើកព្រិច ឬត្រូវបានគេស្គាល់ម្យ៉ាងទៀតថា ជាអណ្តើកពណ៌លឿង គឺជាសត្វល្មូនដែលងាយនឹងផុតពូជ និងមានដើមកំណើតនៅតំបន់ព្រៃអាស៊ីអាគ្នេយ៍ និងវាលស្មៅ រួមទាំងនៅប្រទេសកម្ពុជាផងដែរ។ សត្វគួរឱ្យស្រឡាញ់ ទាំងនេះត្រូវបានគេស្គាល់តាមរយៈស្នូកដ៏ស្រស់ស្អាតនិងពណ៌របស់វា ដែលអាចមានពណ៌ខ្មៅរហូតដល់ត្នោតស្រាល។
វាអាចមានទំងន់ដល់ ៣.៥គីឡូក្រាម និង ប្រវែង៣០ស.ម។ វាត្រូវបានគេចាត់ទុកថាជាសត្វអណ្តើក ដែលមានទំហំមធ្យម។ នៅពេលដល់រដូវកាលបន្តពូជ ច្រមុះសត្វអណ្តើកឈ្មោល ចាប់ផ្ដើមប្រែពណ៌ផ្កាឈូក ដើម្បីទាក់ទាញសត្វញី។ សត្វញីអាចទំលាក់ពងរហូតដល់ ១០ពងក្នុងមួយលើក។ ក្នុងកំណើតជាប្រភេទសត្វសព្វាសី (សត្វដែលស៊ីទាំងសាច់ និងរុក្ខជាតិជាអាហារ) អណ្តើកភ្នំឬអណ្ដើកព្រិច មិនមែនជាពពួកសត្វដែលស៊ីរើសខ្លាំងនោះទេ ព្រោះថាវានឹងស៊ីអ្វីទាំងអស់រាប់ចាប់ពីសត្វល្អិតតូចៗរហូតដល់ រុក្ខជាតិដែលមានស្លឹក។ ពួកវាសកម្មបំផុតនៅពេលព្រលប់និងព្រឹកព្រលឹម ជាពេលដែលពួកវាត្រូវបានគេប្រទះឃើញ កំពុងស៊ីចំណីឬបន្តពូជ។
ជាអកុសលសត្វ អណ្តើកភ្នំឬអណ្ដើកព្រិច ត្រូវបានមនុស្សកេងប្រវ័ញ្ជយ៉ាងធ្ងន់ធ្ងរ ក្នុងគោលបំណងផ្សេងៗ ដែលរាប់បញ្ចូលទាំងការលក់ដូរធ្វើជាសត្វចិញ្ចឹមដែលធ្វើឱ្យចំនួនរបស់វាធ្លាក់ចុះ។ ពួកវាក៏ទទួលរងផលប៉ះពាល់ ពីការរិចរិល និងការបាត់បង់ជម្រកផងដែរ។ ខណៈដែលវាត្រូវបានចុះបញ្ជីការពារក្រោមច្បាប់ផ្សេងៗក្នុងប្រទេសថៃ វៀតណាម ម៉ាឡេស៊ី និងបង់ក្លាដែស ព្រមទាំងមានការខិតខំបង្កើនចំនួនវាឡើងវិញ ក៏អណ្តើកភ្នំឬអណ្ដើកព្រិច នៅតែប្រឈមនឹងបញ្ហាធ្ងន់ធ្ងរ។ យើងសង្ឃឹមថាចំនួនសត្វគួរឱ្យស្រឡាញ់ទាំងនេះអាច ត្រឡប់មកវិញ ក្រោមការជួយ និងការ ការពាររបស់យើង។
គួរបញ្ជាក់ផងដែរថា គម្រោងអច្ឆរិយៈភាពនៃទន្លេមេគង្គបានដកស្រង់ ដំណើររឿងនេះចេញពីអត្ថបទ ដែលសរសេរដោយលោក នីកូឡាស សីហ្វ្រាយ៕
ចែករំលែកព័តមាននេះ