រាជធានីភ្នំពេញ ៖ គ្រាន់តែអ្នកនាង កាកា បង្ហោះសារស្តីពីស្នេហាបាក់បែកប្តីប្រពន្ធមក ក៏ បង្ហាញឱ្យមានការឆ្ងល់ សុខៗស្រាប់តែមានភាពល្វក់កកគ្នា ខណៈប្តីប្រពន្ធ១គូនេះ ស្រឡាញ់គ្នាណាស់។…
រាជធានីភ្នំពេញ ៖ គ្រាន់តែអ្នកនាង កាកា បង្ហោះសារស្តីពីស្នេហាបាក់បែកប្តីប្រពន្ធមក ក៏ បង្ហាញឱ្យមានការឆ្ងល់ សុខៗស្រាប់តែមានភាពល្វក់កកគ្នា ខណៈប្តីប្រពន្ធ១គូនេះ ស្រឡាញ់គ្នាណាស់។ នេះពិតជា ចង្កៀងផ្ទះអ្នកណាភ្លឺផ្ទះអ្នកនោះមែនហើយ សល់ត្រឹមតែ ពាក្យថា សោកស្តាយ។
អ្នកនាងកាកាអូស្ត្រាលី ដែលមហាជននៅកម្ពុជា ស្គាល់ច្បាស់ដូចថ្ងៃ ព្រោះតែចូលចិត្ត និយាយបកស្រាយវែកញែកហេតុផល ស្រាប់តែមានរឿងចម្រូងចម្រាស់មួយ។ អ្នកនាងស្រាប់តែប្រកាសចែកខណ្ឌស្នេហា ក្រោយពេលបានដំណក់ឈាមមួយ ។ តើមានរឿងដើមហេតុ ស៊ីជម្រៅបែបណា ដែលបណ្តាលឱ្យទៅជាមានរឿងបែបនេះ?
អ្នកនាងកាកា ដែលនិយមលេងសើចបែបកំប្លែងមួយផងនោះ បានសរសេរថា « បើចង់បញ្ជាក់ថា ខ្ញុំនិយាយលេង ឬក៏និយាយមែន ខ្ញុំផ្ដល់សិទ្ធិឲ្យបងប្អូនសារព័ត៌មាន អាចយកចុះផ្សាយបានគ្រប់ស្ថាប័ន! សុំទោស គ្រួសារទាំងសងខាង! ខ្ញុំបានទុកឱកាសឲ្យអ្នកច្រើនដងហើយ អ្នកមើលងាយខ្ញុំ មនុស្សដែលអ្នករាប់អានក៏មើលងាយខ្ញុំ រំលងក្បាលខ្ញុំគ្រប់គ្នា»។
អ្នកនាងកាកា បានសរសេរបន្តថា «អ្នកជាន់ពន្លិចខ្ញុំ ជាពិសេសកិត្តិយសកេរ្តិ៍ឈ្មោះដែលខ្ញុំខំសាងអស់រយៈពេលជាច្រើនឆ្នាំ អ្នកធ្វើឲ្យមនុស្សគ្រប់គ្នាសម្លឹងមើលខ្ញុំដូចមនុស្សឆ្កួត។ ខ្ញុំធ្លាក់ខ្លួនឈឺស្គម ខ្លួនបាក់ទឹកចិត្ត! ខ្ញុំស្បថមួយជីវិតនេះ ខ្ញុំមិនចង់ជួបស្គាល់ពួកអាប្រមឹក ខ្វះស្រាមិនបាន! បញ្ចប់ចំណងអាពាហ៍ពិពាហ៍នេះតែត្រឹមនេះ ចប់ដោយសន្តិវិធី ដោយភាពស្ងៀមស្ងាត់ ទុកមុខរាប់អានគ្នាដើម្បីកូន»។
អ្នកនាងកាកា សរសេរបន្តទៀតថា «ហើយអ្នកណាក៏ដោយ កុំប្រើពាក្យថា ខ្ញុំមិនចេះអាណិតកូន!!! មានឪពុកដែលស្រឡាញ់ស្រា ពួកម៉ាកធ្វើអីដើម្បីគេ ប្រពន្ធកូនទុកក្រោយ មិនចាំបាច់មានក៏បានដែរ អញចិញ្ចឹមកូនអញរស់!!!។ (ខ្ញុំធ្លាប់រំលឹកច្រើនដងហើយ កុំចូលចិត្តគិតថា ប្រពន្ធលួងតែបន្តិចបាត់ហើយ ព្រោះថ្ងៃណាមួយថ្ងៃនេះហ្នឹងមកដល់)…»។
ផ្អែកលើអនុស្សាវរីយ៍ពីមុន រវាងប្តីប្រពន្ធមួយគូនេះ គេរំពឹងថា អ្នកទាំង២នឹងបន្តដោះស្រាយរកច្រកចេញ ម្តងទៀតដើម្បីបន្តការរស់នៅ។ ឬអាចនិយាយថា ជាការខឹងមួយឆាបប៉ុណ្ណោះ ក៏អាចថាបាន។
ចែករំលែកព័តមាននេះ