អន្តរជាតិ ៖ មានការសារទរជាច្រើនសម្រាប់ជ័យជម្នះរបស់បវរកញ្ញាអាមេរិក Abena Akuaba Appiah ដែលគ្រងមកុដបវរកញ្ញា Miss Grand International…
អន្តរជាតិ ៖ មានការសារទរជាច្រើនសម្រាប់ជ័យជម្នះរបស់បវរកញ្ញាអាមេរិក Abena Akuaba Appiah ដែលគ្រងមកុដបវរកញ្ញា Miss Grand International ប្រចាំឆ្នាំ ២០២០ ដែលធ្វើឡើងនៅរាជធានីបាងកក ប្រទេសថៃ កាលពីថ្ងៃទី ២៧ ខែ មីនា កាលពីម្សិលមិញ។ ប៉ុន្តែក្នុងនោះគ្រប់គ្នាក៏បានបង្វែរការចាប់អារម្មណ៍ និងព្រួយបារម្ភយ៉ាងខ្លាំងពីសុវត្ថិភាពរបស់បវរកញ្ញាមីយ៉ាន់ម៉ា Han Lay ដែលយកវេទិកានៃកម្មវិធីខាងលើ ដើម្បីបង្ហាញពីការប្រយុទ្ធប្តូរផ្តាច់ដ៏គ្រោះថ្នាក់បំផុតសម្រាប់លទ្ធិប្រជាធិបតេយ្យ នៅក្នុងប្រទេសកំណើតរបស់នាង។
ថ្លែងប្រាប់អ្នកសារព័ត៌មានក្រោមឆាកប្រកួត បវរកញ្ញាមីយ៉ាន់ម៉ា ថ្លែងទាំងទឹកភ្នែកថា «ខ្ញុំដឹងច្បាស់ថាពេលដែលខ្ញុំត្រឡប់ទៅវិញខ្ញុំនឹងមិនមានសុវត្ថិភាពទេ ព្រោះខ្ញុំបាននិយាយអំពីបញ្ហាយោធា តែមិនអីទេសម្រាប់ខ្ញុំ យ៉ាងណាខ្ញុំត្រូវតែនិយាយអំពីបញ្ហានេះនៅលើឆាកអន្តរជាតិ» ។
នៅពេលដែលគាត់ប្រកួត គាត់តែងតែនិយាយអំពីបញ្ហារដ្ឋប្រហារនៅក្នុងប្រទេសរបស់គាត់ គាត់ស្នេីរឲ្យអន្តរជាតិជួយដល់ប្រទេសមីយ៉ានម៉ាដែលកំពុងតែជួបនូវបញ្ហាដ៏ក្ដៅកគុកនេះផង ។ បច្ចុប្បន្នមីយ៉ាន់ម៉ាកំពុងជួបវិបត្តិនៃលទ្ធិប្រជាធិបតេយ្យ បន្ទាប់ពីរបបសឹកយោធាបានកាន់កាប់ប្រទេសនេះចាប់តាំងពីថ្ងៃទី ១ ខែ កុម្ភៈ ឆ្នាំ ២០២១ កន្លងទៅ។ ដោយបានឃុំខ្លួនមេដឹកនាំជាប់ឆ្នោតលោកស្រី អ៊ុងសានស៊ូជី និងសមាជិកដទៃទៀតនៃគណបក្សរបស់លោកស្រី។
ចាប់តាំងពីពេលនោះមក ពលរដ្ឋរបស់ប្រទេសនេះ បានផ្ទុះកំហឹងឈានដល់ការធ្វើបាតុកម្មនៅតាមដងផ្លូវ ដើម្បីប្រឆាំងនឹងរបបសឹកយោធា។ មនុស្សជិត ៤០០នាក់បានបា.ត់.ប.ង់ជី.វិ.តចាប់តាំងពីរដ្ឋប្រហារបានកើតឡើង។ ខណៈដែលកាលពីថ្ងៃទី ២៧ ខែមីនា កាលពីម្សិលមិញជាថ្ងៃដែលបានមនុស្សបាត់.ប.ង់ជី.វិ.តច្រើនបំផុតរហូតដល់ ១១៤នាក់ក្នុងនោះមានទាំងក្មេងប្រុសម្នាក់ផងដែរ។
ក្នុងឱកាសនៃការប្រកួតប្រជែងកាលពីយប់មិញបវរកញ្ញា Han Lay ថ្លែងទាំងទឹកភ្នែកថា «វាពិតជាលំបាកណាស់សម្រាប់ខ្ញុំ ដែលខ្ញុំអាចឈរនៅលើឆាកយប់នេះ។ នៅក្នុងថ្ងៃនេះប្រទេសរបស់ខ្ញុំ ដែលជាហេតុផលនាំឱ្យខ្ញុំធ្វើសុន្ទរកថានៅលើឆាកនេះ។ មានមនុស្សជាច្រើនបានស្លា.ប់។ ខ្ញុំមានអារម្មណ៍សោកស្តាយយ៉ាងខ្លាំង ចំពោះប្រជាជនទាំងអស់ដែលបា.ត់ប.ង់ជី.វិ.ត»។
ទាំងដឹងថាខ្លួនមិនមានសុវត្ថិភាពទេ នៅពេលវិលត្រឡប់ទៅប្រទេសកំណើតវិញ ប៉ុន្តែ Han Lay បានបន្តទៀតថា «សូមជួយមីយ៉ាន់ម៉ាផង។ យើងត្រូវការជំនួយអន្តរជាតិបន្ទាន់របស់អ្នកឥឡូវនេះ។ ចូរបង្កើតពិភពលោកមួយដែលប្រសើរជាងនេះ។ ប្រហែលជាពិភពលោកដែលមានសន្តិភាពជាមួយមីយ៉ាន់ម៉ា»។
អ្វីដែលកាន់តែធ្វើឱ្យគ្រប់គ្នាទប់ទឹកភ្នែកលែងជាប់នោះគឺ នៅពេលដែលនាងបញ្ចប់សុន្ទរកថារបស់នាង ដោយច្រៀងផ្នែកមួយនៃបទ «Heal the World» របស់ស្តេចម្រៀងប៉ុប Michael Jackson។
នេះមិនមែនជាលើកទីមួយទេ សម្រាប់បវរកញ្ញាមីយ៉ាន់ម៉ាដែលជាប់ក្នុងតំណែង Top 20 សម្រាប់កម្មវីធីប្រកួតកាលពីយប់មិញរូបនេះ ដើម្បីក្រោកឈរប្រឆាំងអំពើហឹង្សានៅមីយ៉ាន់ម៉ា។ ដោយក្នុងការបង្ហោះមុនៗនៅលើបណ្តាញសង្គម នាងបានចែករំលែកការរៃអង្គាសប្រាក់សម្រាប់ចលនាមិនគោរពតាមស៊ីវិលរបស់មីយ៉ាន់ម៉ា ដែលដឹកនាំការតវ៉ាអហិង្សាប្រឆាំងនឹងការគ្រប់គ្រងរបស់យោធា។
ហើយនាងក៏បានចែករំលែកសាររំលែកទុក្ខ និងការដឹងគុណអ្នកដែលត្រូវបានស.ម្លា.ប់ និងព្រមទាំងបានផ្សព្វផ្សាយព័ត៌មានស្តីពីការចាប់ខ្លួនក្រុមបាតុករ រួមទាំងនិស្សិតមួយចំនួននៅឯសាកលវិទ្យាល័យ Yangon ផងដែរ៕ (ដកស្រង់ចេញពី rappler/ រូបភាព៖THE STANDARD)
ចែករំលែកព័តមាននេះ