ខេត្តស្វាយរៀង ៖លោកឧត្តមសេនីយ៍ត្រីខាត់ សារ៉ាត់ នាយប៉ុស្តិ៍អន្តោប្រវេសន៍ច្រកទ្វារព្រំដែនអន្តរជាតិបាវិតខេត្តស្វាយរៀង ដែលត្រូវជាប្អូនថ្លៃសម្តេចក្រឡាហោម ស ខេង បានទទួលមរណភាពហើយ កាលពីព្រឹកថ្ងៃទី២៣ ខែមីនា…
ខេត្តស្វាយរៀង ៖លោកឧត្តមសេនីយ៍ត្រីខាត់ សារ៉ាត់ នាយប៉ុស្តិ៍អន្តោប្រវេសន៍ច្រកទ្វារព្រំដែនអន្តរជាតិបាវិតខេត្តស្វាយរៀង ដែលត្រូវជាប្អូនថ្លៃសម្តេចក្រឡាហោម ស ខេង បានទទួលមរណភាពហើយ កាលពីព្រឹកថ្ងៃទី២៣ ខែមីនា ឆ្នាំ២០២១ ដោយរោគាពាធ។ នេះបើយោងតាមមន្ត្រីច្រកទ្វារព្រំដែនអន្តរជាតិបាវិតបានប្រាប់ឲ្យដឹង។
បើតាមមន្ត្រីច្រកទ្វារព្រំដែនអន្តរជាតិបាវិត បានឲ្យដឹងទៀតថា លោកខាត់ សារ៉ាត់ បានតស៊ូនឹងជំងឺរ៉ាំរ៉ៃរបស់គាត់អស់រយៈពេលជាច្រើនឆ្នាំមកហើយ រហូតទៅព្យាបាលនៅក្រៅប្រទេស ក៏មិនបានធូរស្បើយដែរ ហើយលោកបានទទួលមរណភាពនៅព្រឹកថ្ងៃទី២៣ មិនា ឆ្នាំ២០២១ កន្លងទៅនេះ។
សូមបញ្ជាក់ថា លោកខាត់ សារ៉ាត់ បានផ្ទេរមកជំនួសតំណែងលោក អ៊ឹង សុងយូ នាយប៉ុស្តិ៍ច្រកទ្វារព្រំដែនអន្តរជាតិបាវិតចាស់ក្នុងអំឡុងឆ្នាំ២០១៤ បើគិតមកដល់ឆ្នាំ២០២១នេះគឺមានរយៈពេលជិត៨ឆ្នាំហើយ ៕
ចែករំលែកព័តមាននេះ