រាជធានីភ្នំពេញ ៖ សេចក្តីរាយការណ៍បានឱ្យដឹងថា នៅមុននេះបន្តិច នាថ្ងៃទី០៤ កញ្ញា ២០១៥ លោកប៉ែន ចំរ៉ុង តារាសម្តែង និងជាពិធីករ បានមកសាលាដំបូងរាជធានីភ្នំពេញ ដើម្បីបំភ្លឺពាក់ព័ន្ធលើបណ្តឹងរបស់ឪពុកកញ្ញាភិន សុដាលីស គឺលោកអ៊ិន សុភិន
រាជធានីភ្នំពេញ ៖ សេចក្តីរាយការណ៍បានឱ្យដឹងថា នៅមុននេះបន្តិច នាថ្ងៃទី០៤ កញ្ញា ២០១៥ លោកប៉ែន ចំរ៉ុង តារាសម្តែង និងជាពិធីករ បានមកសាលាដំបូងរាជធានីភ្នំពេញ ដើម្បីបំភ្លឺពាក់ព័ន្ធលើបណ្តឹងរបស់ឪពុកកញ្ញាភិន សុដាលីស គឺលោកអ៊ិន សុភិន ចាងហ្វាងផលិតកម្មមហាហង្ស តាមដីកាកោះហៅរបស់ព្រះរាជអាជ្ញារងសាលាដំបូងលោក ប៊ុត វង្សវិសុត ។
គួររំលឹកថា ឪពុកដាលីសប្រកាន់ជំហរថា កូនស្រីលោករកមិនទាន់ឃើញ ដូច្នេះលោកប៉ែន ចំរ៉ុង ត្រូវតែទៅបំភ្លឺនៅតុលាការពេលមានការកោះហៅ ។
លោកអ៊ិន សុភិន ចាងហ្វាងផលិតកម្មមហាហង្សបានធ្វើសន្និសីទកាសែតកាលពីព្រឹកថ្ងៃព្រហស្បតិ៍ ទី២៧ ខែសីហា ឆ្នាំ២០១៥ នៅទីស្នាក់ការក្រុមហ៊ុន មហាហង្ស ក្នុងសង្កាត់បឹងកក់២ ខណ្ឌទួលគោក រាជធានីភ្នំពេញ ប្រកាសធ្វើសង្គ្រាម ឬចងសត្រូវជាមួយតារាសម្តែងលោកប៉ែន ចំរ៉ុង ។
ឆ្លើយតបនឹងសំនួររបស់អ្នកសារព័ត៌មានថាតើមានដំណោះស្រាយអ្វីចំពោះបញ្ហានេះទេ លោកចាងហ្វាងផលិតកម្មអ៊ិន សុភិន ឆ្លើយថា «រឿងហ្នឹងអាចចប់បាន ពេលដែលគាត់ធ្វើអ្វីដែលគាត់និយាយជាមួយខ្ញុំពីមុនមក, បញ្ឈប់ពាក់ព័ន្ធជាមួយកូនខ្ញុំ និងក្រុមគ្រួសារខ្ញុំ ។ បើគាត់បញ្ចប់ ខ្ញុំនឹងបញ្ចប់ តែបើគាត់បន្ត គាត់នឹងមានបញ្ហាជាមួយខ្ញុំរហូត» ។
ចែករំលែកព័តមាននេះ