សម្តេច ទៀ បាញ់ ដឹកនាំ​ប្រតិភូ​ក្រសួងការពារជាតិ​ចុះ​សួរ​សុខ​ទុក​កងកម្លាំង​ដែល​ឈរជើង​តាម​បន្ទាត់​ព្រំដែន​កម្ពុជា​.​ថៃ – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

Picture

សម្តេច ទៀ បាញ់ ដឹកនាំ​ប្រតិភូ​ក្រសួងការពារជាតិ​ចុះ​សួរ​សុខ​ទុក​កងកម្លាំង​ដែល​ឈរជើង​តាម​បន្ទាត់​ព្រំដែន​កម្ពុជា​.​ថៃ

1 ខែ មុន
  • Banteay Meanchey

បន្ទាយ​មាន​ជ័យ ៖ សម្តេច​ពិជ័យ​សេនា ទៀ បាញ់ បាន​ដឹកនាំ​ប្រតិភូ​ក្រសួងការពារជាតិ​ចុះ​សួរ​សុខ​ទុក​កងកម្លាំង​ដែល​ឈរជើង​តាម​បន្ទាត់​ព្រំដែន​កម្ពុជា​.​ថៃ នៅ​ល្ងាច​ថ្ងៃ​ទី​០៤ ខែមីនា ឆ្នាំ​២០២១ ក្នុងភូមិ​សា​ស្គ្រ​ខេត្តបន្ទាយមានជ័យ…

បន្ទាយ​មាន​ជ័យ ៖ សម្តេច​ពិជ័យ​សេនា ទៀ បាញ់ បាន​ដឹកនាំ​ប្រតិភូ​ក្រសួងការពារជាតិ​ចុះ​សួរ​សុខ​ទុក​កងកម្លាំង​ដែល​ឈរជើង​តាម​បន្ទាត់​ព្រំដែន​កម្ពុជា​.​ថៃ នៅ​ល្ងាច​ថ្ងៃ​ទី​០៤ ខែមីនា ឆ្នាំ​២០២១ ក្នុងភូមិ​សា​ស្គ្រ​ខេត្តបន្ទាយមានជ័យ ។

Picture

សម្តេច​ពិជ័យ​សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ​បាន​មាន​ប្រសាសន៍​ថា ជា​ការ​ពាំនាំ​សួរ​សុខ​ទុក​ពី​សម្តេច​អគ្គ​មហា​សនា​បតី​តេ​ជោ ហ៊ុន សែន នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា​ក្នុង​ឱកាស​បុណ្យចូលឆ្នាំ​ថ្មី​ប្រពៃណី​ខ្មែរ​ឆ្នាំ​២០២១​ខាង​មុខ​នេះ សូម​អោយ​កងកម្លាំង​ដែល​កំពុង​ឈរជើង​តាម​បន្ទាត់​ព្រំដែន​កម្ពុជា​.​ថៃ អនុវត្តន៍​ការងារ​ការពារ​បូរណៈភាព​ទឹកដី និង​ពង្រឹង​ការ​ទប់ស្កាត់​ពលករ​ចំណាក់ស្រុក​ខុសច្បាប់ ដែល​លួច​ឆ្លង​ដែន​ដោយ​ខុសច្បាប់​គេចវេស​ពី​ធ្វើ​ច​ត្តា​ឡី​ស័ក​ត្រូវ​បង្ការ​ទប់ស្កាត់​កូ​វី​ដ​១៩​មិន​អោយ​រីក​រាលដាល​ក្នុង​សហគមន៍ ។

Picture

សម្តេច​ពិជ័យ​សេនា​បាន​មាន​ប្រសាសន៍​ផ្តាំផ្ញើ​ដល់​កងកម្លាំង​ដែល​កំពុង​ឈរជើង​តាម​បន្ទាត់​ព្រំដែន ត្រូវ​តែ​បង្កើន​ការ​យកចិត្តទុកដាក់​ការពារ​ទប់ស្កាត់​អោយ​បាន​នៅ​ពលករ​ចំណាក់ និង​ការពារ​សុវត្ថិភាព​ជូន​បងប្អូន​ប្រជាពលរដ្ឋ​មិន​អោយ​លួច​ឆ្លង​ដែន​ដែល​ប្រឈម​គ្រោះថ្នាក់​កើតឡើង​គ្រប់ពេល នៅ​ពេល​ដែល​ប្រទេស​ជិតខាង​កំពុង​រឹត​បណ្តឹង និង​ប្រកាស​គ្រាអាសន្ន​ទប់ស្កាត់​កូ​វី​ដ​១៩ ដូច​នៅ​កម្ពុជា​ដែល​កំពុង​បង្ការ និង​ទប់ស្កាត់​កូ​វី​ដ​១៩ ហើយ​កងកម្លាំង​ត្រូវ​តែ​អនុវត្តន៍​តាម​សារ​ណែនាំ​របស់​ប្រមុខ​រាជរដ្ឋាភិបាល​កម្ពុជា​សម្តេច​តេ​ជោ ហ៊ុន សែន ៣​ការពារ​ក្នុង​វិធានការ ការពារ​កូ​វី​ដ​១៩ ៣​ការពារ មាន​១.​ពាក់​ម៉ាស់ ២.​លាងដៃ ៣.​គម្លាត​សង្គម​ចាប់ពី​១​ម៉ែ​ត្រក​ន្លៈ​ឡើង​ទៅ ៣​កុំ មាន​១.​កុំ​ចូល​ទៅ​កន្លែង​បិត​ជិត គ្មាន​ខ្យល់​ចេញចូល និង​ម៉ាស៊ីនត្រជាក់​ច្រើន​ពេក ២.​កុំទៅ​កន្លែង​មាន​មនុស្ស​ច្រើន ៣.​កុំ​ប៉ៈ​ពាល់​គ្នា កុំ​ចាប់ដៃ​គ្នា​កុំ​អោប​គ្នា​ជាដើម និង​អនុវត្ត​តាម​ការ​ណែនាំ​របស់​ក្រសួងសុខាភិបាល​កម្ពុជា ។

Picture

ក្នុង​ឱកាស​ជួប​សំណេះសំណាល និង​សួរ​សុខ​ទុក​កងកម្លាំង សម្តេច​ពិជ័យ​សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ​ដែល​ដឹកនាំ​ប្រតិភូ​បាន​នាំ​យក​អំណោយ​ចែក​ជូន​ដល់​កងកម្លាំង​ដែល​កំពុង​ឈរជើង​តាម​បន្ទាត់​ព្រំដែន​ភូមិ​សា​ស្គ្រ​ខេត្តបន្ទាយមានជ័យ ៕

Picture
Picture
Picture
Picture