ពុំ​មានការ​បិទ​រាជធានី​ភ្នំពេញ​ទេ ខណៈ​ទីតាំង​៤៤​ត្រូវ​​ហ៊ុម​ព័ទ្ធ​ពាក់ព័ន្ធ​នឹង​ព្រឹត្តិ​ការណ៍​​២០​កុម្ភៈ – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

ពុំ​មានការ​បិទ​រាជធានី​ភ្នំពេញ​ទេ ខណៈ​ទីតាំង​៤៤​ត្រូវ​​ហ៊ុម​ព័ទ្ធ​ពាក់ព័ន្ធ​នឹង​ព្រឹត្តិ​ការណ៍​​២០​កុម្ភៈ

2 ថ្ងៃ មុន
  • Phnom Penh

រាជធានី​ភ្នំពេញ ៖ អភិបាល​រាជធានី​ភ្នំពេញ លោក ឃួ​ង ស្រេង បាន​ថ្លែង​បញ្ជាក់​នៅ​ព្រឹក​ថ្ងៃ​ទី ២៣ ខែកុម្ភៈ នេះ​ថា…

រាជធានី​ភ្នំពេញ ៖ អភិបាល​រាជធានី​ភ្នំពេញ លោក ឃួ​ង ស្រេង បាន​ថ្លែង​បញ្ជាក់​នៅ​ព្រឹក​ថ្ងៃ​ទី ២៣ ខែកុម្ភៈ នេះ​ថា បើ​ទោះបីជា​ទីតាំង​ចំនួន ៤៤ ក្នុង​រាជធានី​ភ្នំពេញ ​ត្រូវ​បាន​ប្លុ​ក​ហ៊ុមព័ទ្ធ​ដោយ​សារ​តែ​ពាក់ព័ន្ធ​នឹង​ព្រឹ​ត្ត​ការណ៍​២០​កុម្ភៈ​យ៉ាងណា​ក៏​ដោយ ក៏​ពុំ​តាម​គម្រោង​នៃ​ការ​បិទ​រាជធានី​ភ្នំពេញ ​មិន​ឲ្យ​ចេញ​-​ចូល​ឡើយ​។

ថ្លែង​នៅ​ក្នុង​កិច្ចប្រជុំ​នៅ​សាលា​រាជធានី​ភ្នំពេញ លោក ឃួ​ង ស្រេង បាន​និយាយ​ថា គ្មាន​ការ​បិទ​រាជ​ធានី​ភ្នំពេញ​ឡើយ ទោះបី​ទីតាំង​ចំនួន​៤៤​ទីតាំង​ដូច​ជា សាលារៀន ខុន​ដូ ក្លឹ​ប​កំសាន្ត និង​លំនៅ​ដ្ឋា​ន អគារ​អា​ផា​មិន​មួយ​ចំនួន បាន​នឹង​កំពុង​ប្លុក​​ហ៊ុមព័ទ្ធ​ក៏​ដោយ ។ ការ​បញ្ជាក់​របស់​លោក​អភិបាល​រាជធានី​ភ្នំពេញ​ធ្វើ​ឡើង​ក្រោយ​ពី​មានការ​ព្រួយបារម្ភ​នៃ​ការ​ឆ្លង​ឆាប់រហ័ស​ក្នុង​សហគមន៍​ក្នុង​រាជធានី​ភ្នំពេញ ដែល​គិត​ត្រឹម​ព្រឹក​ថ្ងៃ​ទី ២៣ កុម្ភៈ គឺ​មាន​អ្នក​វិជ្ជមាន​កូ​វី​ដ ១៩ ក្នុង​ព្រឹ​ត្ត​ការណ៍​២០​កុម្ភៈ​ចំនួន ៩៩ នាក់​ទៅ​ហើយ ។

សូម​បញ្ជាក់​ផង​ដែរ​ថា កាលពី​រាត្រី​ថ្ងៃ​ទី​២២ ខែកុម្ភៈ សម្តេច​តេ​ជោ ហ៊ុន សែន នាយក​រដ្ឋមន្ត្រី​កម្ពុជា បាន​បញ្ចេញ​សារ​ជា​បន្ទាន់​មួយ​ឲ្យ​មានការ​បិទ​សាលារៀន​រដ្ឋ​និង​ឯកជន​នៅ​រាជធានី​ភ្នំពេញ​រយៈពេល ២ ស​ប្តា​ហ៍​ និង​បាន​ស្នើ​ពលរដ្ឋ​បើ​អាច​សូម​ពន្យា​ពេល​រៀប​អាពាហ៍ពិពាហ៍​ផង​ដែរ ដើម្បី​ចូលរួម​ទប់ស្កាត់​ និង​ការ​រីក​រាលដាល​នៃ​ការ​ឆ្លង​ក្នុង​សហគមន៍​កាន់តែ​ធ្ងន់ធ្ងរ ។

ក្នុង​នោះ​ផង​ដែរ ក្នុង​សារ​ពិសេស នៅ​យប់​ថ្ងៃ​ទី​២២ ខែកុម្ភៈ​នេះ សម្តេច​តេ​ជោ ហ៊ុន សែន បាន​ប្រកាស​អង្វរករ​​ដល់​ប្រជាពលរដ្ឋ នៅ​ទីក្រុង​ភ្នំពេញ បើ​មិន​ចាំបាច់​ទេ សូមកុំ​ចេញ​ក្រៅ​ផ្ទះ ដើម្បី​កុំ​ឲ្យ​ឆ្លង​រាលដាល​កូ​វី​ដ​១៩​។ ចំណែក​អ្នក​នៅ​ខេត្ត ក៏​សូមកុំ​ឡើង​មក​ភ្នំពេញ នៅ​ពេល​នេះ​។

សម្តេចបញ្ជាក់​ថា ការ​ឆ្លង​រាលដាល​ជំងឺ​កូ​វី​ដ​១៩ នៅ​ក្នុង​សហគមន៍​នៅ​ពេល​នេះ លំបាក​ជាង​ព្រឹត្តិការណ៍ ៣​វិច្ឆិកា និង​ព្រឹត្តិការណ៍ ២៨​វិច្ឆិកា ព្រោះ​យើង​ឃើញ​ព​ន្លឹ​ខ្លះ តែ​នៅ​ទី​ងងឹត​ច្រើន​ទៀត រក​មិន​បាន​។