រាជធានីភ្នំពេញ ៖ ក្រសួងយុត្តិធម៌នឹងបិទបញ្ចប់យុទ្ធនាការដោះស្រាយការកកស្ទះសំណុំរឿងព្រហ្មទណ្ឌនៅតាមសាលាដំបូងរាជធានី-ខេត្ត មុនកំណត់ដែលគម្រោងកំណត់បញ្ចប់នៅខែឧសភាខាងមុខ ហើយបន្តដាក់យុទ្ធការដោះស្រាយការកកស្ទះសំណុំរឿងរដ្ឋប្បវេណីបន្ត។ លោកជិន ម៉ាលីន រដ្ឋលេខាធិការ និងជាអ្នកនាំពាក្យក្រសួងយុត្តិធម៌បានឲ្យដឹងនៅថ្ងៃទី ២២…
រាជធានីភ្នំពេញ ៖ ក្រសួងយុត្តិធម៌នឹងបិទបញ្ចប់យុទ្ធនាការដោះស្រាយការកកស្ទះសំណុំរឿងព្រហ្មទណ្ឌនៅតាមសាលាដំបូងរាជធានី-ខេត្ត មុនកំណត់ដែលគម្រោងកំណត់បញ្ចប់នៅខែឧសភាខាងមុខ ហើយបន្តដាក់យុទ្ធការដោះស្រាយការកកស្ទះសំណុំរឿងរដ្ឋប្បវេណីបន្ត។
លោកជិន ម៉ាលីន រដ្ឋលេខាធិការ និងជាអ្នកនាំពាក្យក្រសួងយុត្តិធម៌បានឲ្យដឹងនៅថ្ងៃទី ២២ កុម្ភៈ ឆ្នាំ២០២១ ក្នុងសិក្ខាសាលាពិគ្រោះយោបល់ស្តីពីការរៀបចំយន្តការដោះ រាយវិវាទក្រៅប្រពន្ធតុលាការនៅកម្ពុជា នាសណ្ឋាគារកាំបូឌីយ៉ាណាថា យុទ្ធនាការដោះ ស្រាយការកកស្ទះសំណុំរឿងព្រហ្មទណ្ឌនៅតាមតុលាការសាលាដំបូងរាជធានី-ខេត្តបានចាប់ផ្តើមតាំងពីខែឧសភាឆ្នាំ២០២០ មកហើយផែនការបញ្ចប់ក្នុងរយៈពេល១ឆ្នាំ។
លោកបញ្ជាក់ថា៖ «អីញ្ចឹងផែនការរយៈពេល១ឆ្នាំ គឺត្រូវនឹងខែឧសភាឆ្នាំ២០២១នេះ នឹងបញ្ចប់។ ប៉ុន្តែបើតាមការវាយតម្លៃរយៈពេល២២២ ថ្ងៃកន្លងមកនេះ យើងសម្រេចលទ្ធ ផលបាន៨៩%រួចហើយ អីញ្ចឹងដល់១១%ទេ អីញ្ចឹងយើងរំពឹងបញ្ចប់យុទ្ធនាកាផែនការនេះតាមការកំណត់»។
លោកក៏បានគូសបញ្ជាក់ថា យុទ្ធនាការដោះស្រាយកកស្ទះសំណុំរឿងព្រហ្មទណ្ឌនៅតាមតុលាការសាលាដំបូងរាជធានី-ខេត្ត គឺដោះស្រាយតែសំណុំរឿងព្រហ្មទណ្ឌតែប៉ុណ្ណោះ ។ ចំណែកសំណុំរឿងផ្សេងទៀត មិនបានដោះស្រាយទេ។ ដូច្នេះថា នឹងចាប់ផ្តើមបន្តយុទ្ធនាការមួយ ទៀតគឺដោះស្រាយការកកស្ទះសំណុំរឿងរដ្ឋប្បវេណី។
លោកជិន ម៉ាលីនបានសង្កត់ធ្ងន់ថា៖«យើងនឹងបន្តយុទ្ធនាការដោះស្រាយ ការកក ស្ទះសំណុំរឿងរដ្ឋប្បវេណីបន្ត។ អីញ្ចឹងយុទ្ធនការដោះស្រាយកាកកស្ទះសំណុំ រឿងព្រហ្មទណ្ឌ យើងធ្វើក្នុងរយៈពេលមួយកំណត់ដោះស្រាយបញ្ហាជាក់ស្តែងចំពោះមុខ »។
ជាមួយគ្នានោះដែរអ្នកនាំពាក្យក្រសួងយុត្តិធម៌ក៏បានលើកឡើងថាការដោះស្រាយការកកស្ទះសំណុំរឿងត្រូវតែមានយន្តការអន្ត្រៃិយ៍មួយជាប្រចាំពីព្រោះសំណំុនឹងចូលមកជាបន្តបន្ទាប់។
ចែករំលែកព័តមាននេះ