វេទិកាជ្រើសរើសបវរកញ្ញាពិភពលោករបស់ថៃប្រចាំឆ្នាំ២០១៥ មកុដបានទៅលើកញ្ញាម៉ាយ៉ានុនថាវ៉ាន ថុងលេង ជានិស្សិតមហាវិទ្យាល័យថាំម៉ាសាស្ត្រ ។
វគ្គផ្តាច់ព្រ័ត្រធ្វើឡើងនៅសណ្ឋាគារ «សេនថារ៉ា ហ្គ្រែន អ៊ែត សង់ត្រាលប្លាហ្សា» កាលពីថ្ងៃទី១៥ សីហា ២០១៥ ដោយស្ថានីយទូរទស្សន៍ប៉ុស្តិ៍លេខ៣ របស់ថៃ សហការជាមួយក្រុមហ៊ុន «ប៊ីអុីស៊ី ថេរ៉ូ អេនធ្វើថេនមេន» ។ ការប្រកួតចម្រាញ់យកស្រីស្អាត មានចំណេះដឹង និងសមត្ថភាព សម្រាប់ធ្វើជាតំណាងប្រទេសថៃចូលរួមប្រកួតបវរកញ្ញាពិភពលោក២០១៥ នៅប្រទេសចិន ។
ការប្រកួតនោះលទ្ធផលចុងក្រោយបង្ហាញថា បេក្ខនារីពាក់ស្លាកលេខ២៣ពីខេត្តឈៀងម៉ៃ ជានិស្សិតបញ្ចប់ថ្នាក់បរិញ្ញាបត្រភាសាចិនពីមហាវិទ្យាល័យថាំម៉ាសាស្ត្រ បានតំណែងជាបវរកញ្ញាពិភពលោក របស់ថៃប្រចាំឆ្នាំ២០១៥ ទទួលប្រាក់រង្វាន់១លានបាត មកុដលម្អដោយគជ់ មានតម្លៃ១,៣លានបាត រថយន្តម៉ាក Nissan Juke ស៊េរី១,៦ V ពណ៌ក្រហម តម្លៃ៨៨៤.០០០បាត ផ្ទះនិងដីមានតម្លៃ១,៩៥លានបាត ការធានារ៉ាប់រងជីវិត និងសុខភាពសរុប៥លានបាត។ សម្រាប់ចំណាត់ថ្នាក់លេខ២ បានទៅនាងគីហ្វ មីនដា សាងសូក ពាក់ស្លាកលេខ១៥ ។ ចំណាត់ថ្នាក់លេខ៣ បានទៅនាងតេងក្វា ណានថាវ៉ាន រឿងរឹត ពាក់ស្លាកលេខ២ ៕
ចែករំលែកព័តមាននេះ