ទស្សនៈទាំង៩ចំណុចជាត្រីវិស័យចង្អុលបង្ហាញផ្លូវដ៏ត្រឹមត្រូវដល់ដំណើរជីវិតខេមរជនឱ្យឆ្ពោះទៅរកឧត្តមភាព ។ សូមឈ្វេងយល់នូវទស្សនៈដ៏មានខ្លឹមសារខាងក្រោមនេះដូចតទៅ៖ ១- អ្នកប្រាជ្ញតែងសន្សំនូវអ្នកប្រាជ្ញដូចគ្នា ហើយតែងស្រឡាញ់មនុស្សដូចគ្នា ព្រមទាំងមិនចេះលាក់លៀមនូវអ្វីៗដែលនាំឱ្យប្រសើរដល់អ្នកដទៃ និងនាំអ្នកផងឱ្យឈានទៅរកសេចក្ដីចម្រើន ។ ២-…
ទស្សនៈទាំង៩ចំណុចជាត្រីវិស័យចង្អុលបង្ហាញផ្លូវដ៏ត្រឹមត្រូវដល់ដំណើរជីវិតខេមរជនឱ្យឆ្ពោះទៅរកឧត្តមភាព ។ សូមឈ្វេងយល់នូវទស្សនៈដ៏មានខ្លឹមសារខាងក្រោមនេះដូចតទៅ៖
១- អ្នកប្រាជ្ញតែងសន្សំនូវអ្នកប្រាជ្ញដូចគ្នា ហើយតែងស្រឡាញ់មនុស្សដូចគ្នា ព្រមទាំងមិនចេះលាក់លៀមនូវអ្វីៗដែលនាំឱ្យប្រសើរដល់អ្នកដទៃ និងនាំអ្នកផងឱ្យឈានទៅរកសេចក្ដីចម្រើន ។
២- រូបកាយតែងចាស់ ជរា ឯកេរ្តិ៍ឈ្មោះល្អជាមិនចេះចាស់ជរាឡើយ ។
៣- បើចេញពីវត្តទៅផ្ទះវិញយ៉ាងហោចណាស់ ត្រូវចេះធម៌អាថ៌ខ្លះៗ ដើម្បីចូលពិធីបុណ្យផ្សេងៗនឹងគេ កុំទៅអង្គុយទុកមាត់ឱ្យនៅស្ងៀម ។
៤- ការធ្វេសស្មារតី ជាឧបាយនៃសេចក្ដីស្លាប់ ។
៥- ជីវិតរាល់រូបខ្លីណាស់ ប៉ុន្តែយើងត្រូវប្រឹងរៀន ប្រឹងរក ប្រឹងគិត ប្រឹងប្រព្រឹត្តល្អ ហាក់ដូចជាយើងនឹងមានជីវិតរស់នៅរាប់ពាន់ឆ្នាំ ។
៦- ឃើញគេថ្កុំថ្កើង កុំចង់ចចើងតាមគេហួសមាឌខ្លួន ប៉ុន្តែក៏មិនត្រូវបន្ធូរបន្ថយព្យាយាមដែរ ។
៧- កុំថ្កោលទោសគេដោយពុំពិនិត្យ កុំគិតខ្លួនឯងថាប្រពៃ កុំធ្វេសប្រហែសពាក្យសម្ដី នាំឱ្យមានភ័យដល់អាត្មា ។
៨- ពេលដើរបែរជាដេក ខ្ជិលហួសពេកនាំឱ្យល្ងង់ ។
៩- ស័ក្ដិពុំស្មើយស អ្នកខ្ពង់ខ្ពស់ ពុំស្មើចិត្តជា ។
សម្តេចព្រះសង្ឃរាជ ជួន ណាត ជាខេមរបុត្រប្រសើរខ្ពង់ខ្ពស់ហួសវិស័យមនុស្សធម្មតា ព្រះអង្គបានបន្សល់ទុកស្នាព្រះហស្តជាច្រើនទាំងសំណេរ ទាំងវោហារសាស្ត្រដើម្បីជាប្រយោជន៍ដល់បច្ឆាខេមរជនគ្រប់ៗជំនាន់ ៕ សាន សារិន
ចែករំលែកព័តមាននេះ